اين يوجد الشكمان الذي يخرج النار
 

انا ياجماعة كنت شفت عربية مركبة شكمان بيخرج نار فكنت عاوز اعرف ازاي وبيتعمل فين وبكام وكل التفاصيل

رد: اين يوجد الشكمان الذي يخرج النار
 

هو منظره جامد و خصوصا بالليل بس الناس هتقلق من صوته
ده تستعمله لما تكون بتشد مع حد على الطريق ولما تعديه تديله كام فرقعه كده
عشان تقوله انا أفحمتك :wave2W21:
فى نوعين واحد بيتعمل عمولة
والتانى الأصلى بيعدى تمنه الـ500 جنيه
إسأل عند بتوع الكماليات فى احمد سعيد
أو أكتب على الفيس بوك اسم المحل ده
Drift king
صاحب المحل اسمه محمد أشرف
متمكن اوى فى موضوع الكماليات و يجيبلك التايهة
ومتنساش تقولنا اه الاخبار
متابع معاك وتقبل مرورى:GROWIN~12:

رد: اين يوجد الشكمان الذي يخرج النار
 

انا برضو شوفت قبل كدة بيجو 205 والواد عمال يحرق على الموتور فببص على الديفل بتاعة لاقيتة عمال يطلع نار

على ما اظن هو كيت بيتباع كامل زى الصورة دى http://www5.0zz0.com/2012/03/22/18/384078852.jpg
او بيتعمل عمولة عند الكهربائى تقريبا بتركب بوجية فى علبة الشكمان واصل بموبينة وبيبقى فى زرار انت تشغلة من عندك
مش فاكر التفاصيل اوى عشان مالخبطكش
بس انتظر رأى الاعضاء الخبرة المحترمين

رد: اين يوجد الشكمان الذي يخرج النار
 

ياريت اللي عند فكره بالموضوع يا اعضاء المنتدي الكرام يفيدنا

رد: اين يوجد الشكمان الذي يخرج النار
 

الموضوع ده اسمه " الباك فاير BACK FIRE " وفي منه نوعين
النوع الاول
وده بيتعمل عمولة ومكون من موبينة + بوجيه + مفتاح ضغط + سلكة بوجيه واحدة
الطريقة
بتروح فى الشكمان فى اخره بعد العلبة الاخيرة وقبل النهاية ب 20 سم تقريبا وتعمل فتحة فى الشكمان على مقاس البوجيه وتركبه كانك بتركبه فى الموتور على نفس الوضعية وبعد كده تجيب سلكة البوجيه وتوصله بالموبينة من الفتحة اللى فوق وتكون واضع الموبينة فى مكان قريب ومثبتها كويس وبعد كده تجيب مفتاح الضغط هتلاقى فى طرفين طرف يوصل على الموجب للبطارية والطرف التانى يوصل على الموجب للموبينة وتخلى المفتاح طبعا جانبك عند الدركسيون
دور العربية ودوس بنزين واضغط المفتاح بس خلى بالك الضغط مش باستمرار " لا " اضغط وارفع وهكذا علشان كده لازم يكون مفتاح ضغط
طريقة عمله
عند الضغط على دواسة البنزين يخرج من الشكمان قطرات من البنزين وعند الضغط على المفتاح تحدث الشرارة وتشعل نار مع البنزين الخارج
ملحوظة
الموبينة لازم تكون زى اللى فى الصورة فوق
الطرف الاخر للموبينة غطيه بعازل كهرباء
نسيت اقولك ابقى هات كرسي بوجيه والحمه فى الشكمان وركب فيه البوجيه علشان لو البوجيه تلف تقدر تغيره
مفيش منه اى ضرر على العربية خالص بس ممنوع فى المرور وخلى بالك انك تشغله وفى حد وااقف قصاده
النوع التانى
وده فى حدود حوالى من 500 الى 1000 جنيه وده بيكون جاهز بالكامل بس النوع الغالى وده اللى بيدى احلى نتيجة بيكون مزود برشاش بنزين خاص وكل ما البنزين بيخلص بتعبيه تانى
وتحت امرك فى اى استفسار :ff5a34af6efef0e643e:ff5a 34af6efef0e643e