الفرق بين الزلمكة ال E200 موديل 86 و موديل 92؟؟؟؟
 

أنا كنت عاوز أعرف ايه الفرق فى الشكل الخارجى و الداخلى و الموتور و التابلوه و التجهيزات الداخلية و الكماليات بين الزلمكة موديل 1986 و موديل 1990 فما فوق , لأنى بصراحة بفكر أشترى زلمكة E200 موديل 1986 و أعدلها عشان تبقى الشكل اللى فوق ال90 لأنى بصراحة بقالى مدة بدور على واحدة نظيفة موديل فوق ال90 و مش لاقى خاااااااااااااالص حاجة نظيفة و لو لقيت بالاقى صاحبها اللى عاوز يبيعهاPOLICEE طالب سعر عااااااااااااالى أوىفلوس كتير و بيبقى ناقص ياخد الهدوم اللى أنا لابسها و لو يطول ياخد عيل من العيال , ممكن برضه ( رغم أنى معنديش عيال ) !!!!!!!!!!!! (what).

فأنا كنت بسأل عشان أعمل الموضوع بشكل صحيح بدل ما ألبخ .

شكرا جزيلا و جزاكم الله كل خير

رد: الفرق بين الزلمكة ال E200 موديل 86 و موديل 92؟؟؟؟
 

فرق اللشكل الخارجي بيفرقب في ان ال 86 كانت بتنزل بجرايد رفيعه اما ال 90 كانت بجرايد عريضه و ال 91 بجرايد عريضه فيها شريط نيكل من فوق لحد ال 94
بالنسبه للتابلوه فلا يوجد اختلاف
الفوانيس كلها احد ما عدا موديل 94 كانت الاشارات الاماميه بيضاء و اشارات الالتفاف الخلفيه و لمبات الرجوع للخلف استغنت عن اللونين الاصفر و الابيض لصالح طبقه سوداء في موديلات 94.
بالنسبه للتجهيزات فكان موديل 90 من اوائل موديلات ال w124 بها مقاعد كهربائيه و فرش جلد الخ الخ الخ

رد: الفرق بين الزلمكة ال E200 موديل 86 و موديل 92؟؟؟؟
 

يا باشا , ألف شكر على الرد

يعنى أنا المفروض دلوقتى أجيب العربية الزلمكة ال E200 موديل قبل ال 90 و ليكن مثلا 1986 و أشتريلها من بورسعيد الآتى :

رفرفين أماميين
4 أبواب
اشارتين أماميين
فوانيس خلفية
اكصدامين

و يكونوا بتوع عربية زلمكة E200 موديل فوق ال91 عشان النيكل اللى بيبقى فوق البكتات , صح؟؟؟؟

طاب أنا كان عندى استفسار تانى :

فى واحد اتعرفت عليه , هو تاجر قطع غيار مرسيدس استيراد فى بورسعيد , اسمه طارق البحراوى , قاللى أنه عنده موتور مرسيدس زلمكة E200 موديل 92 أو 93 , مش فاكر بالظبط, بالتكييف و الفتيس المانوال 6 سرعات ب 9000 جنيه , ده يبقى غالى و لا ايه؟؟؟

أنا آسف, بس انا أول مرة أشترى عربية مرسيدس و قلقان من الحاجات اللى هعملها فيها و خايف أعمل الحاجات دى كلها و فى الآخر , ألاقى العربية مش زى ما أنا عايز .

و لو فى حد عنده فكرة عن أسعار القطع اللى هشتريها للعربية , اللى قولت عليها فوق اللى هى الأبواب و الرفارف و الفوانيس و الاكصدمات , ياريت يقولى , عشان يبقى عندى فكرة .

شكرا و جزاكم الله كل خير

رد: الفرق بين الزلمكة ال E200 موديل 86 و موديل 92؟؟؟؟
 

كده العربيه حتصرف معاك كتير
يا تجيب العربيه و تركبها علي وضعها يا بلاش
انما تجيب عربيه وتغير لها اربع ابواب و الكلام دا كله مش حيبقي تمام
لما تغير الاربع ابواب حتضطر تغير التابلوه علشان يبقي نفس اللون و تداخل الالوان مع الفرش
و بالتالي حتغير برضه صالون العربيه كله.
فنصيحه بلاش من الموضوع دا
اما بالنسبه للموتور فلا اعلم اذا كان رخيص او غالي

رد: الفرق بين الزلمكة ال E200 موديل 86 و موديل 92؟؟؟؟
 

سؤال من فضلكم هو السعر المناسب للزلمكة بحالة جيدة موديل 86 الى 89 كام
و سؤال تانى ما هو الفرق بين الE200 و ال 200
مع خالص الشكر