عندى سؤال محيرنى من زمان
 

بجد محتار ايه الفرق بين القراءة المكتوبة على عداد السرعة لاى سيارة والسرعة الفعلية ليها أو بمعنى أدق السرعة القصوى المعلنة من قبل الشركة المصنعة؟؟؟ ptmnlo123per1127

رد: عندى سؤال محيرنى من زمان
 

انا بجد مش فاهم سؤال حضرتك بس اللى فاهمه انك قاصدك مثلا لو العربيه عدادها 220 KM/H بس مكتوب فى الكاتالوج السرعه القصوى 190 KM/H فليه عاملين العداد على 220 ؟؟؟
متهيألى ده معنى سؤالك , و لو كده يبقى الأجابه ان العربيه فعلا موتورها يوصل لل 190 فى الظروف المناسبه مثل عدم وجود هواء ضد السياره و يكون الأسفلت مستوى و مقاومه الهواء تكون قليله و هواء الكاوتش مضبوط فكده توصل لل 190 لكن افرض انك سايق على ال 190 و فيه منحدر يبقى العربيه هاتزيد سرعتها لل 210 مثلا فالعداد هايقرأ ال 210 دول بس دى مش السرعه اللى ممكن تجبها العربيه فى اى وقت ........... و طبعا العكس صحيح يعنى ممكن تكون طالع مطلع تقوم العربيه نازله من سرعتها من 190 الى 160 مثلا ...........
ياريت اكون قدرت اساعدك فى السؤال اللى محيرك من زمان بس لو هو زى ما انا فهمت كده .

رد: عندى سؤال محيرنى من زمان
 

بشكرك جدا على الرد
أنت فعلا فهمت سؤالى صح وجزاك الله خيرا على الاجابة
بس انا عاوز أقول حاجة لو العربية جابت ال190 طبقا لمثالك حيكون عداد ال RPM على بداية مرحلة الخطر أو بمعنى بلدى حيكون داخل على المساحة الحمراء
ولو جه المنحدر وعداد السرعة وصل 220 عداد ال RPM حيدخل مرحلة الخطورة بالفعل
ودة معناه ان الموتور بيلف بسرعة عالية جداااا وهنا بتكون الخطورة

رد: عندى سؤال محيرنى من زمان
 

فى حاجة تانية ان العربية دى بتكون نازلة بأكتر من موتور فالشركة بتنزل التابلوه المتوافق مع جميع أحجام المواتير كنوع من أنواع ترشيد الانفاق

رد: عندى سؤال محيرنى من زمان
 

لا يا باشا عداد ال rpm ليس له اى علاقه بالمنحدر ....... يعنى لو انت ماشى على سرعه 100 km/h و مورت العربيه هتلاقى ال rpm نزل لحد ال 800 لفه و ثابت على كده كأنك واقف سلانسيه بالرغم ان العربيه لسه على سرعتها .