مصر موتورز مجتمع السيارات - هام .. دواسة بنزين الأميجراند ومشكلة فى السحب

مصر موتورز مجتمع السيارات (https://www.masrmotors.com/vb/index.php)

- جيلى اميجراند - مابلEmgrand Geely (https://www.masrmotors.com/vb/forumdisplay.php?f=128)

- - هام .. دواسة بنزين الأميجراند ومشكلة فى السحب (https://www.masrmotors.com/vb/showthread.php?t=111327)

هام .. دواسة بنزين الأميجراند ومشكلة فى السحب

السلأم عليكم ورحمة الله وبركاته

أنا الحمد لله أستلمت العربية جيلى أميجراند , بس أنا متضايق جداً من علو دواسة البنزين , عالية بشكل رخم ورجلى وجعانى جداً منها لأنى بضطر أنى أميلها وادوس ببطن رجلى , مش بالمشط !!عشان العربية تتحرك .
السحب بطىء جداً وبيكون ملحوظ جداً على مطالع الكبارى .
أرجوكم افيدونى , وهل من الممكن توطية دواسة البنزين وهل سيكون لذلك تأثير على الموتور أم لأ ؟
السحب هل هيفضل كده ولأ هيتحسن , أنا بسافر سانت كاترين كتير ومحتاج عربية عزمها حلو فى المطالع , مش انا اللى أشدها !!!

رد: هام .. دواسة بنزين الأميجراند ومشكلة فى السحب

عزيزي ابو هيما .. الف مبروك و ربنا يديك خيرها و يكفيك شرها ..
بالنسبة للملاحظات اللي انت ذكرتها عن العربية .. خصوصا الحاجات اللي مضايقاك زي دواسة البنزين و السحب و الكرسي .. هقول لحضرتك و عن تجربة 10300 كلم استخدام شاق و سفر متكرر .. بالنسبة لدواسة البنزين انها عالية فده حسيته اول كام يوم فقط ,, ولكن بعد تعديل و ضع الكرسي بقت مريحة جدا و اتعودت عليها .. و بالنسبة للسحب .. فهي معايا و مع كثير من اعضاء نادي سيارات امجراند مصر جيدة جدا .. مش هقول زي السفيك و الكلام ده لان مفيش حاجة زي التانية تماما .. بس هي قريبة جدا لسحب اللانسر 1600 .. ولكن بما ان محركها 1500 ووزنها حوالي 1270 كلم و اقصى عزم للمحرك عند 4000 لفة .. فهي بتحتاج انت تدوس على النقلات شوية عشان تحس بعزمها .. ولازم تضبط عربيتك في الصيانة .. لان فعلا سحبها اتحسن جدا معايا بعد صيانة ال 10,000 ,,, واستهلاك البنزين جيد جدا .. معايا حوالي 650 كلم للتفوية 50 لتر .. الثبات و الفرامل رائعين بكل المقاييس ... بجد زي السيارات الالماني .. الكرسي ممكن زي مانت بتقول مش طري .. بس مش متعب اطلاقا .. انا بسافر بيها 5 ساعات قيادة و مبحسش باي اجهاد من الكرسي ... و لو انت عايز تجرب عربيتي فاي وقت انا تحت امرك .. انا جنبك في شرم الشيخ ... لك تحياتي ..

رد: هام .. دواسة بنزين الأميجراند ومشكلة فى السحب

ربنا يديك خيرها وتتحل مشاكلك

رد: هام .. دواسة بنزين الأميجراند ومشكلة فى السحب

طيب دواسة بنزين ايمجراند 7 واير و لا كهرباء كما قال بعض العضاء