ياريت تساعدوني قبل ماادفع فلوس العربية لوجان بعد غد وأتورط
 

السلام عليكم اطلب مساعدة من مالكي الرينو لوجان انا ذهب لمعرض وشاهدت اللوجان بعد ان قرأت عنها كثير في مواقع كثيرة منها هذا المنتدى ودفعت عربون 500 جنيه وقررت شراء اللوجان فل اوبشن موديل 2012 ب 71 الف وسأدفع باقي المبلغ بعد غد أو غدا لأن اليوم السبت وسأستلمها يوم الأثنين بعد غد ولكن من خلال قرأتي عن عيوب السيارة من حيث كركة في الموتور وضعف في المكيف وقطع غيار غالية بعض الشئ خلاني خايف وممكن أستعوض ربنا في ال 500 جنيه العربون انا كنت ناوي اشتري هايونداي اكسنت بس وجدت سعر اللوجان مشجعني انا هاخد السيارة قسط هادفع 41وأقسط 30 الف انا محتاج رأيكم جدا اشتري اللوجان الفرنسي المنشأ النغربية التقفيل ولا أشتري هايونداي اكسنت مع التظر للسعر وشكرا لكم

رد: ياريت تساعدوني قبل ماادفع فلوس العربية لوجان بعد غد وأتورط
 

اللوجان عربية ممتازة .. معايا ليها اكتر من 8 شهور .. وماشاء الله زى الفل ... وسافرت بيها من أسوان لأسكندرية .. 100% والتكيف بتاعها ممتاز ومش ضعيف .. وده بالنسبة للجو بتاع اسوان ... لكن طبعا الأكسنت عربية ممتازة محدش ينكر .... لكن ماتقلقش من اللوجان ... عربية محترمة جدا جدا ... وده عن تجربة طبعا

رد: ياريت تساعدوني قبل ماادفع فلوس العربية لوجان بعد غد وأتورط
 

بص انت لو تقصد الاكسنت الجديدة فمينفعش تقارن بيها اللوجان يعنى دى 70 الف ودى 105 الف يبقى ازاى
هتلاقى فرق فى الموترو وحاجات كتير انما مش ضرورية ما انت مش هتمشى على 200 يعنى مختصر كلامى اللوجان فى فئتها ممتازة واسمحلى كركرة فى الماتور يعنى انت بخيل بتحط بنزين 90 ودا غلط حط 92 وهتلاقى العربية فل الفل وثباتها معقول وجميل وفراملها كويسة وتكييف جيد متخفش جميلة جدا وهتعجبك اوى اوى اوى
يعوبها حاجتين الكلاكس فى دراع المساحة هههههه بيجوو
وطبعا قطع الغيار غالية انما مش اوى يعنى حافظ عليها وانت مش هتغير اى حاجة وفعلا عربية ممتازة ولما تقارنها قارنها بفئتها فيرنا بروتون كدة وخليك فيها وتوكل على الله

رد: ياريت تساعدوني قبل ماادفع فلوس العربية لوجان بعد غد وأتورط
 

زى ما قولت هناك
العربية زى الفل ومعايا عمرى ما اشتكيت من اى حاجة
عامله معايا 10 الاف كيلو وحاجة اخر فلة
قطع الغيار رخصت
الفانوس الامامى صناعه تركى ب 250
والمقصين ب 400 جنية
عاوز قطع غيار ارخص من كدة اية تانى ؟؟ ........

دا غير بقى الحاجات اللى موجودة فى العربية واللى جبت بيها 180 وثابته
عكس الاكسنت اللى هتجبها شوف لما تجيب بيها 140 هتبقى عامله ازاى

غير الكاوتشات 15 وعالية عن الارض وعمرها ما بتحك فى مطب غير انها مصفحة من تحت
اير باج - كمبيوتر رحلات ودا لحد دلوقتى مش شايفة فى عربيات اصلا غير اللوجان - تكيفها رائع
بس فى الجو الحر الشديد اوى ممكن تقدر تقول عليه بيلطف الجو - اوسع شنطة برضوا شوفتها حتى الان 510 لتر واوسع تانك بنزين 50 لتر + 20 احتياطى + موفرة جدا فى البنزين

اوسع صالون بتشيل 4 وراء فى الكنبة الخلفية بس بيكونوا مزقنين شوية

عييوبها حاجات هتتعود عليها زى الكلاكس وزارير الازاز
ودا مش عيب
دا بصمة فرنسا

اتوكل على الله وهاتها ومش هتندم

رد: ياريت تساعدوني قبل ماادفع فلوس العربية لوجان بعد غد وأتورط
 

كلامك صح والله يا ايمن باشا العربية جميلة وممتازة على سعرها انا بقولك مع استاذ ايمن توكل على الله وافرح بيها وفكك من العقد بتاعت المصرين اللى عايزينك متركبش عربيات