حادثه ليها العجب !!!
 

ازيكم يا رجالة ...عاملين ايه؟

معايا بولونيز مو 87

دلوقتى انا كنت بتعلم سواقه من كام يوم كدا المهم ... عملت حادثة و خبطت الرصيف و كسرته وكنت جايب الدركسيون شمال على الاخر وكنت دايس بنزين بدل فرامل وانا بلف ملف .
الى حصل فردة الشاسية اليمين اتعصرت والشمال اتشرخت وانا العربية لسة ماكملتش معايا.
المهم رحت عند سمكرى يظبطهلى علشان كانت بتحدف يمين جامد جدا لدرجة انها ممكن تعمل خامسة لوحدها .
السمكرى قعد 3 ساعات يشد بالزرجينه وفى الاخر ماعرفش يظبطهالى صح.
فهل اروح عند سمكرى تانى يعدلهالى ولا اقص فردة الشاسية (والناس بيخوفونى من الحوار دا جامد) واركب واحدة تانية.
ارجوكم افيدونى علشان انا لسة ماتهنتش بالعربية وحصل فيها كدا؟

......................... ......................... ......................... ..........
توابع الحدثة :- الفتيس بينتر فى اى غيار (يعنى لو على الاول يمور ولو على الثانى يمور ولو على الخامس لو هديت العربية يمور )

فى صوت جامد وكركرة بسمعها وبحس بيها فى رجلى لما باجى ادوس على الفرامل.

فى صوت عند الحتة الى اتخبطت عامل كدا _(سسســــــــــــــــــــ ـــــسسســـــــــ)

مش عارف دا المساعد ولا ايه ؟

ارجو كل الى عنده نصيحة يدلنى عليها ......!!!

رد: حادثه ليها العجب !!!
 

قدر الله و ما شاء فعل
العربيه فعلا محتاجه شغل كتير.
بدايه لو فرده الشاسيه اتشرخت او اتكسرت يبقي تقطعها و تعمل واحده غيرها
طبعا دا تحت اشراف عفشجي يعني تروح لعفشجي يشوفها و هو يدلك تعملها عند اي سمكري بجانبه
الفتيس ممكن تكون قواعد الفتيس او التيش حصل فيه حاجه و خلينا في الاحتمال دا لحد دلوقتي بدل ما نفكر في تغيير فتيس اما الزيت اللي بينقط فبكده فارغه الفتيس اتشرخت و دي تروح الاول تعملها قبل ما الزيت يسرب كله و الفتيس يتحرق.
لما تنتهي من الفتيس و الشاسيه معظم الاصوات دي حتنتهي
لو لسه موجوده يبقي تروح لعفشجي ينزل العفشه كلها علي الارض و يغسلها و يشحمها و يركبها واحده واحده
بعد كده الاصوات حتلاقيها اختفت نهائي

رد: حادثه ليها العجب !!!
 

اشكرك جدا يا استاذ حازم والله بارك الله فيك