ماروتى بالحالة دى تساوى كام ؟ رجاء الافادة
 

سلام لأحلى منتدى .... أنا عضو جديد و كنت عايز أستشير حضرتكوا
قدامى ماروتى 2008 عاملة 8856 كيلو ... نظيفة جوه و برة ... فيها كاسيت بس ... و فيها حكة بسيطة جداً من الجنب من تحت مش باينة أوى .... مطلوب فيها 29000 نهائى .... عايز اسأل بقى :
1) السعر كدة كويس و لا لأ , أنا وصلت مع الراجل ل 28500 و مرضاش برضو
2) ينفع يتركب فيها أنذار و سنتر؟ و هيبقى بكام ؟
3) أعادة البيع بتاع الماروتى أيه نظاموا ؟
4) الرخصة باسم سيدة , بيقول مراته يعنى ... و سمعت أنه يفضل تكون بأسم البائع ! دى فيها مشاكل ...

أرجو الافادة و شكراً مقدماً

رد: ماروتى بالحالة دى تساوى كام ؟ رجاء الافادة
 

السلام عليكم ورحمة الله وبركاته
بالنسبة للسعر اعتقد انه كويس وخصوصا انها تقريبا ما مشيتش بيها انا بتاعتي 2008 وعاملة 34000 كيلو وما سافرتش بيها الا 3 مرات رايح جاي 300 كيلو وعلي فكرة لسه واحدة شاريه من شهرين ماروتي 2006 ب 26000
بالنسبة للسنتر والانذار ينفع لاني لما ركبت التكييف ببركة مساعدة الأخ حبيب الناس قالولي ان عندهم سنتر وانذار وتقريبا تقريبا كان ب200 جنيه ممكن تتصل بيهم تسألهم
بالنسبة للرخصة متهيألي هو هيبعلك باسم مراته وهي عاملة له توكيل بيع وشراء سيارات
طبعا الأخوة ممكن يفيدوك اكتر مني وأكيد هيردوا عليك قريبا

رد: ماروتى بالحالة دى تساوى كام ؟ رجاء الافادة
 

thanks alot for the reply

رد: ماروتى بالحالة دى تساوى كام ؟ رجاء الافادة
 

السلام عليكم
انا عندى سؤال بس هو ليه حضرتك هتشترى مستعمل مع ان الزيرو سعرها مش فارق كتير

رد: ماروتى بالحالة دى تساوى كام ؟ رجاء الافادة
 

هتفرق عن الزيرو حوالي 9000 جنيه وهيا هيا العربيه مفيهاش تغيير

بالنسبه للرد علي الدكتور اندي
بالنسبه لسعر العربيه يعتبر مناسب بس لازم الاول تعرضها علي فني يوشفهالك ويكون الفني معرفتك انت وميكونش البائع يعرفه وقوله علي موضوع الحكه وخليه يشوف سببها ايه وهوا هيقولك السعر مناسب ولا لأ

بالنسبه للسنتر ينفع يركب فيها سنترلوك وانزار كمان بالريموت وافضل حاجه الريموت اللي شكل المفتاح وتروح توديه لبتاع الكوالين يعملك عليه مفتاح ويبقي الفتاح بتعها فيه الزراير بتاع الريموت وتكون زي العربيات الحديثه السعر يتراوح من 180 لحد 400 فيه اكتر من موديل وماركه ونوع
وكمان ممكن تركب لها مواتير رفع للزجاج وتخليلي الازاز كهرباء وده تكلفته للبابين اللي قدام فقط 400 جنيه والاربع ابواوب 600 جنيه ووحده رفع علشان تقفل الازاز لما تقفل باب العربيه بالريموت ب 100 جنيه وعيش الخيال ياريس
وكمان ممكن تركبلها تكييف بحوالي 3200 جنيه

بالنسبه لاعادة البيع زي مانت بتشتري يعني لو عاوز تبيعها هتبيعها مش هتقعد في اربيزك متخفش وسعرها اليي هيحددده حالتها بقت ايه
المفروض السؤال ده لو هتشتري زيرو تعرف هتخصر كام لو بعتها

بالنسبه لشراء السيارة
لازم مالك السيارة هوا اللي بيبعها مينفعش حد غيره يعني لازم السيده ده هيا اللي تروح معاك الشهر العقاري وتبيع لك السياره وثمن عقد البيع في الشهر العقاري حوالي 1400 جنيه للعربيه الماروتي
او يكون مع الراجل ده توكيل او عقد بيع من السيده ده بأسمه هوا يعني هيا موكلاه في البيع او هيا تكون بيعاله العربيه ولازم يجيبلك شهاده مخالفات انها معليهاش مخالفت ولازم صورة البطاقه بتعته تكون معاك وتصور كل الورق ده وتخلي نسخه منه معاك ويفضل تنقل العربيه بأسمك وهو معاك علشان تكون مطمئن وممكن تجدد الرخصه او لو فاضل فيها شهور تمشي بيهم والضريبه بتاعتها في المرور للسنه حوالي 140 جنيه والنمر الجديده ب 100 جنيه وررق التفحص والترخيص ب 35 جنيه يعني ترخيصها اول مره في حدود 350 جنيه وبعد كده هتدفع في الترخيص 140 فقط اللي هوا الضريبه بتاعتها

والف مبروك مقدما علي العربيه وربنا يديك خيرها ويكفيك شرها
يا رب اوكون اوفيت في الاجابه علي تسؤلاتك وقدرت اوصل المقصود