محتار جدا و محتاج النصيحة من الخبراء
انا ان شاء الله ناوي اشتري عربية جديدة و بقالي شهور بقرا و بدور لحد ما طلع عيني و مش قادر اخد قرار و انا متابع تقارير و مواضيع و بثق في اراء رجال المنتدى
انا محتار بين اللانسر البوما و الكيا السيراتو و الانترا و بفكر برضه في الرينو الفلوانس انا ميال للبوما أكثر كامان و قوة و انها تعيش اكثر و لو جبتها هجيب السوبر اكشن اللي بـ 135000 ان شاء الله بس اللي مخليني بفكرو محتار هو ان تكنولوجيا العربية قديمة و التابلوه بتاعها قديم تنصحوني بايه ؟؟؟؟ :shyy: |
رد: محتار جدا و محتاج النصيحة من الخبراء
هات الانسر القرش 2012 1600 125000 وبالتوفيق
|
رد: محتار جدا و محتاج النصيحة من الخبراء
سيبك من اللانسر عربية قديمة ومفيهاش اي حاجة دا غير ان سعرها مبالغ فيها جدا جدا
الانترا الجديدة مش هتنفعك لو معاك اسرة او لو ساكن في منطقة مليانة مطبات دا غير طبعا ان حجمها ضخم جدا من برة وعريضة زيادة عن اللزوم بس غير كده هيا ممتازة السيراتو ممتازة بكل المقاييس وافضل من اللانسر والالنترا ثبات وقوة وامان واعتمادية وجودة المكونات والتقفيل ووسع وشكل فخم ومحرك قوي حاجة فخمة يعني وعلى فكرة المبلغ اللي معاك يجيب السيراتو فول اوبشن اللي مليانة كماليات لا حصر لها ولا عدد فانا افضل السيراتو وشوف الرابط دا موضوع حلو جدا عن السيراتو http://www.masrmotors.com/vb/showthread.php?t=24285 ومبروك مقدما :Wkiss5: |
رد: محتار جدا و محتاج النصيحة من الخبراء
السيراتو كويسة جدا عالية عن الارض والالنترا ممتازة برضة بس كبيرة اوى من الجناب والمقدمة وواطية شوية
|
رد: محتار جدا و محتاج النصيحة من الخبراء
اقتباس:
1-فراملها ضعيفة 2-عفشتها ناشفة 3-بتعوم فى الملفات 4-ثباتها وحش بعد ال 140 5-الخامات وحشة 6-العربية مخنوقة لما بتبقى لسة طالع من زحمة 7-الفانوس اللى قدام بيعبى بخار جامد ودى انا شفتها بعينى 8-بتحك فى المطبات 9-بتاكل بنزين 10-صوت تكتكة تحت العربية 11- واحد لقى عيب فى علبة الدركسيون ونتشة فى الفتيس واتخانق مع التوكيل عشان مكانش عايز يغيرها علبة الدركسيون والفتيس بس فى الاخر غيروها 12-الباور خفيف 13- النور مش عايز يرعش 14-التكيف ضعيف 15- توكيل سىء جدا جدا ومحدش بيشكر فيه العيوب دى صحاب العربية هما اللى قالوها بنفسهم مع انى كنت بحب العربية دى جدا وكنت بقنع الحاج بس بعديها لقيت البومة احسن منها مليون مرة وبعدين السيراتو مسروق منها اكتر من 3000 عربية و بتحك فى المطبات عشان ارتفاعها 150 و عفشتها ناشفة واعلى فئة منها جنوط 17 وبتبقى محطوطة على نفس عفشة جنوط 15 يعنى مع اى مطب ممكن المقص يتكسر او الجنط يطبق وفى ناس باعتها بسبب الموضوع ده واعرف واحد عمل مفتاح منسوخ ب 10 جنيه من عند بتاع المفاتيح وجه يفتح بيه لقى العربية فتحت جه يدور لقاها دارت والفلوانس قطع غيارها غالية اوى يعنى الاكصدام اللى قدام بالمصنعية بالضريبة ب 3000 جنيه بالنسبة للانسر بومة ثبات وتسارع جميل قليلة الاوبشنز واليابانى طول عمره كده تكنولوجيا التابلوه بسيطة بس خاماته محترمة و خدت بيها مطبات كتير عمرها ما حكت فى الارض منى ولا من الحاج وده عشان ارتفاعها 165 mm يعنى اعلى من الكيا سول 164 mm و لو عايز عربية تعيش معاك ابعد عن الكورى على العموم الاوبشنز انت ممكن تشتريها بعد كده كاميرا خلفية وحساسات ركن بس قوة الميكانيكا وقلة الاعطال والاعتمادية اللى فوق الوصف فى البومة مش هتقدر تشتريها و الاوبشنز و تكنولوجيا الطبلوه مش هتفيدك لما العربية تعطل منك والبومة قطع غيارها بينزل منها الصينى والتايوانى والاسبانى ده غير الاصلى طبعا هات البومة ومش هتندم ولاحظ ان محدش جاب البومة و قال فيها كلمة وحشة وكل اللى بيقولولك بلاش البومة لاما عشان سعرها غالى لانهم بيقيموا العربية من نحية الاوبشنز بس مش من نحية جودة الميكانيكا والاعتمادية لاما شكلها متغيرش بقالة 9 سنين (وكل سنة بتثبت نفسها فى مصر)لاما عشان قليلة الاوبشنز واليابانى طول عمره كده حتى الهواندا سيفيك ام 200 الف بس انا سمعت ان ممكن تركب جهاز بلوتوث وده بيتباع وبيتوصل بالسماعات بيتركب على التابلوه وتركب حساسات ركن وكاميرا خلفية وهيبقى معاك اوشبنز الكورى وقوة اليابانى بس محدش عارف يطلع عيب عدل فى البومة |
الساعة الآن 06:10 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017