مشكله فى دبرياج عربيتى الفيرنا
 

السلام عليكم ورحمه الله وبركاته
ازيكم يارجاله المنتدى ؟ وعاملين ايه ؟
ياجماعه انا عندى مشكله فى دبرياج عربيتى من اسبوع ومش لاقى حل !!!

الموضوع بالتفصيل

ببص بصه ع الميه والزيت وكده لقيت زيت الباكم للفرامل والدبرياج ناقص فقولت اغيره واشتريت علبه زيت باكم وحقنه ماكس (ولمونه) وشفطت بالحقنه الزيت القديم (على قد ماقدرت ) وزودت الزيت الجديد وشكرا على كده
بعدها بيومين الصبح جاى اطلع بالعربيه لقيت الغيارات تقيله بشكل فظيع بالرغم من ان انا دايس دبرياج على الاخر
المهم طلعت على الميكانيكى وقولتله عليلى الدبرياج شوى فالميكانيكى نزل كده من عند بدال الدبرياج وفعلا علهولى الراجل ومشيت بيها طول اليوم مفيش ا مشكله والغيارات ناعمه معايا

تانى يوم الصبح لقيت نفس المشكله فطبعا طلعت على الميكانيكى لقيت عنده زحمه وقالى كده هاتحتاج طقم اصلاح دبرياج اللى هوا جلد وبيستم
واتفقنا ان احنا نعمل الموضوع ده تانى يوم وقولتله طيب عليلى برضو الدبرياج شوى عشان اعرف امشى بالعربيه والراجل علاه وفعلا مشيت طول اليوم عادى جدا مفيش اى مشكال فى الدبرايج والغيارات ناعمه جدا جدا


تانى يوم كنت مستعجل جدا الصبح وطلعت بالعربيه بسرعه والغيارات برضوا كانت تقيله
والمفاجاه
بعد ربع ساعه من المشى بالعربيه لقيت الغيارات نعمت لوحديها وبقت زى الفل فاستغربت جدا !!:121155~191:

روحت للميكانيكى تانى يوم وعملنا الشغلانه اللى هوا قالى عليها واخد هوا الدبرياج عن طريق كارك ودوس وطلعنا جربنا العربيه والدبرايج والغيارات اصبحوا ناعمين بصراحه :soccer_372:


النهارده الصبح لقيت المشكله زى ماهيا وطبعا اتضايقت جدا
ده حتى قولت رأييى فى السيده والده غبور

ياريت خبراء المنتدى يقولولى اعمل ايه

رد: مشكله فى دبرياج عربيتى الفيرنا
 

وياريت ياجماعه محدش يقولى اسطوانه او ديسك لان العربيه فى حاله الزيرو ومفيش اى مشاكل فى السحب (الاسطوانه ) ومفيش اى مشاكل فى رجرجه او رعشه او تقل دواسه (الديسك )
العربيه موديل 2010
ومن يوم ما اشتريتها على الزيرو ومحدش حط رجله عليها الا محمد تونسى المشرف بتاعنا هنا اللى هو المفروض انه زعلان منى حاليا

رد: مشكله فى دبرياج عربيتى الفيرنا
 

يا عم انا مش زعلان ولا حاجة
وعموما لو المشكلة دى عندك بتبقى موجودة الصبح بس وبتروح لوحدها ومفيش عضة فى الغيارات ده يبقى عيب زيت الفتيس هتلاقيك لما غيرته غيرت بزيت لزوجته عالية زيادة عن اللزوم عن الزيت المخصص ليه وفقا لدليل الصانع وهو 90/75W API GL4
والمشكلة دى دايما تبان الصبح بدرى فى داخلة الشتا وبرودة الجو لانها بتخلى زيت الفلفلين التقيل بيبقى عامل زى الشحم وبعد كدة بيحل مع حركة التروس
وحلها انك تنزل الزيت الموجود وتحط الزيت المخصص ليها واحذر الزوت السايبة الموجودة عند محلات الزيت اشترى عبوات موبيل باللزوجة الموضحة بعاليه ومتحطش اكتر من 2 كيلو فقط علشان الاويل سيلات فى الفتيس ما تضربش

رد: مشكله فى دبرياج عربيتى الفيرنا
 

رد: مشكله فى دبرياج عربيتى الفيرنا
 

بس اللى انا فهمته كده ان اللى اتغير هو زيت الباكم مش زيت الفتيس و لا خضرتك فعلا كنت غيرت زيت الفتيس كمان ؟

انا فى رايى و الله اعلم ان الموضوع مش حيخرج عن اخد هوا مظبوط و لا كان ليها لازمة اساسا تغيير زيت الباكم و كمان حكاية اصلاح طقم الدبرياج

رد: مشكله فى دبرياج عربيتى الفيرنا
 

اعتقد ان دايرة الدبرياج فيها حاجة بتسرب وبتدخل هواء مكان الزيت
وهو دة اللى بيفسر نقص مستوى زيت الفرامل
خد بالك من حاجة .... انت عندك ماستر فرعى جنب الفتيس يمكن يكون بيسرب
وتفسير ان العربية بعد مدة من المشى بقت زى الفل هو انك بتدوس وتسيب دبرياج فبالتاالى الهواء داخل الدايرة بيخرج والمساتر بتشتغل كويس

يرجى استبدال هزا الخرطوم بواحد جديد مع كل تغيير للديسك والاسطوانة مع بلية الدبرياج !!!
 

من الواجب عند تغيير طقم اصلاح ماستر دواسة الدبرياج او تغير طقم اصلاح ماستر دبرياج
حلة الفتيس ان يتم تغيير كامل كاوتش الدورة فى الماسترين معا حتى لو لم يكن سوى ماستر واحد هو سبب العيب !
وزلك بسبب ان كبس احد الماسترين سيكون ضعيف والاخر قوى فسوف يظل استمرار العيب فى هزه الحالة ! وزلك نتيجة ضعف احكام الكاوتش الداخلى فى احداهم!
وعندما تضغط دبرياج مرارا وتكرارا فاءن زلك كما قال مستر استرا سيكون مثل انك تكارك فالماستر يحضر زيت بكمية مناسبة فتمنع الشعور بثقل تبديل السرعات ولزلك فاءنه يسمى القابض الفاصل !!
يجب تغيير طقم اصلاح ماستر دبرياج حلة الفتيس مع طقم اصلاح ماستر دبرياج الدواسة فى وقت واحد معا سويا على ان يعود رجلاش الدواسة ثانيا بعد التصليح للمشوار الاصلى وليس مثلما يفعل استاز احمد سويلم يوميا مع الميكانيكى ويقول ارفعلى الدبرياج !!
واخيرا هناك خرطوم واصل للماسترين قد يبداء بالتشقق من جهة اللاوكير المعدن وياءخز هواء دون ان نرى اى اثر لتهريب زيت باكم ! وقد يتشقق جسم الخرطوم الكاوتش نفسه! قد يكون هو السبب والماسترين خارج الشبهات وبعيد
عن العيوب والاعطال!

كمثال
ماستر دواسة الدبرياج
http://t1.gstatic.com/images?q=tbn:A...vDnlcdZbZmslQw

http://t0.gstatic.com/images?q=tbn:A...y8AA0kyn5EYg8h

ماستر دبرياج حلة الفتيس

http://t1.gstatic.com/images?q=tbn:A...qQF_ngTGTBIg6D

الخرطوم الزى يوصل بين الماسترين

http://www.clarkmotorsport.co.uk/ima.../CMSEEN107.JPG

يرجى استبدال هزا الخرطوم بواحد جديد مع كل تغيير للديسك والاسطوانة مع بلية الدبرياج !!!

http://www.youtube.com/watch?v=vKV8a0QL5uk

http://www.youtube.com/watch?v=c-m5F0zEvyo

:12A96E~160::1281F1~121: