حادثة شيفورليه سبارك 2011 ارجو المساعده
 

انا عندي عربيه شيفورليه سبارك 2011 كنت لسه جايبها ولسه كانت عامله 2000 كيلو بس وعملت حادثه والحادثه كانت اني طلعت فوق الرصيف من ناحيه الشمال يعني من ناحيه السواق وكان في نخله بس انا معرفش اصلا خبط فيها ولا لا لاني انا فقدت الوعي وبعدين العربيه بعد ما طلعت علي الرصيف من ناحيه الشمال مالت علي جامبها من ناحيه اليمين واتقلبت علي السقف وفضلت علي كده والناس جت طلعتني وعدلو العربيه معلش يا رجاله طولت عليكم انا اسف .....

المهم انا صلحت العربيه الحمد لله ورجعت زي الفل بس كلفتني كتييييييييييير اوي حتي انا معملتهاش في التوكيل علشان كان عايز جامد عملتها عند واحد كويس في الشرقيه عندو ورش كتير بس هو قال لي ان العربيه اساسيتها سليمه الشاسيه سليم والحوض سليم والشنطه سليمه ودول مارشنهومش العربيه من بره بس اترشت والسقف استعدلوه وقالي عملنا للقوايم زرجينه مع العلم ان القايم الشمال مكانش نازل دا القايم اليمين هو الي كان نازل شويه وقالي السقف اتعمل بالتسخين وسحبنا واتسحب زي الفل الحمد لله والدواخل مترشتش


بس بقا انا عندي سؤال :

هل الزرجينه الي اتعملت للسقف والقوايم تعيب العربيه وتبقا باينه لما اجي ابعيعها ولا ديه مش اساسيات؟؟ خاصه ان العربيه مافيهاش حاجه في الشاسيه والحوض سليم ماترشش والدواخل بتاعت البواب سليمه والقوايم برضو ماترشتش والشنطه كذلك
وانا بصيت عليها كويس مافيش اي حاجه تدل علي انها واخده زرجينه والذنب والبراشيم المصنع زي ماهي موجوده ومفيش اي حاجه متنيه او معووجه والي عملها كانت ايدو تتلف في حرير وعملها كويس جدا


شكرا لكم يا رجاله واسف علي التطويل وارجو الرد سريعا ....

رد: ارجو المساعده يا رجاله لو سمحت
 

اولاً الف سلامة عليك :fun_36_3_11[1]:
ثانياً:إذا حبيت تبيع كل الى عليك انك تفهم المشترى ماحدث بلضبط وهو بلطبع هيعاين العربية بطريقته وصدقنى البيع والشراء توفيق من عند الله سبحانه وتعالى بلذات عندما تكون نيتك خالصة لرب العالمين وعلى رأى المثل بين البايع والشارى يفتح الله على الأثنين بلخبر والأختيار والبيع الأصلح ,كما ان صدقك مع المشترى يطمئنه على كل كلمة تقولها كما ان الأوصاف الى حضرتك زكرتها بعد السمكرة لاتعيب العربية بلقدر الذى يقلقك وربنا يوفقك لما فيه الخير

رد: ارجو المساعده يا رجاله لو سمحت
 

شكرا يا اخي جدا علي اهتمامك بالرد ولكن اريد ان اعرف بعد اذنك هل الزرجينه بتاعت القوايم بتكون باينه يعني ؟؟ ولا مش بتبقي باينه ؟؟ وهل كده تبقي العربيه معيوبه واساسياتها باظت وشكرا واسف علي التطويل ......

رد: ارجو المساعده يا رجاله لو سمحت
 

بص يا باشا طبعا الحمد لله على كل شئ ثانيا القوايم والكلام دا مع المشترى مش جامدة زى ما انت فاكر يعنى مثلا تمن العربية 50 هتنزل تبقى 40 انما مش هتنزل النص ولا يجيبلك تمن قليل بس هو يعيب العربية لو كذا قايم معدول لانى لو حصل مثلا وفية قايمين معدولين بيفكر المشترى انها انقلبت كذا مرة مش معنى كلامى كذا حدثة لاة حدثة واحدة قلبتها كذا مرة لكن انت عندك قايم واحد وغير كدة بقى ودا المفيد واحلى من اللكلام اللى فات
العربية جديدة وانت لسة شاريها يعنى لسة عايز تخليها معاك واستمتع بيها لانها عربية كويسة وجميلة وسيبك من الببيع والشرا والحوار دا لانى المستقبل لا يعلمة الا الله
لكن
لو انت صلحتها ونويت تبيع عشان مش مستريحلها ساعتها تفكر فى البيع والخسارة والقايم وكدة وانصحك بلاش تبيعها اصبر على نفسك تفوق وتستوعب كل شئ من مصاريف وتكاليف وجرب العربية شهر واتنين وتلاتة مدام ماشية كويس يبقى حرام عليك تبيعها
فى النهاية لو فى اى استفسار معين او لو عايز مثلا اجيبلك سعرها تقريبى بعد الحادثة او اى حاجة قولى وانا معاك
وربنا يسترها عليك وعليا امين

رد: ارجو المساعده يا رجاله لو سمحت
 

شكرا يا استاذ memodina1 علي ردك واهتمامك بيا

بس انا عايز اعرف بعد اذنك هل الزرجينه بتاعت القوايم بتكون باينه يعني ؟؟ ولا مش بتبقي باينه ؟؟ خاصه انا بصيت عليها كويس مافيش اي حاجه تدل علي انها واخده زرجينه والذنب والبراشيم المصنع زي ماهي موجوده ومفيش اي حاجه متنيه او معووجه والي عملها كانت ايدو تتلف في حرير وعملها كويس جدا
ولا بردو مهما كان ايد السمكري نضيفه والقوايم مش مرشوشه ومفيش اي حاجه معووجه ولا متنيه برضو بتبان الزرجينه ؟؟

كمان انا عايز اعرف بعد اذنك الزرجينه ديه بتتعمل ازاي للقوايم ؟؟
هل ممكن اصورلك العربيه وتقولي تقديرك ؟؟؟
مع العلم ان انا لسه ديه اول عريبه ليا وانا جديد في الكار ده فارجو ان الشرح يكون مبسط وشكرا لك يا استاذنا وانا تعبتك معايا وشكرا ........

رد: ارجو المساعده يا رجاله لو سمحت
 

أولا حمد لله على السلامه
الزرجينه وظيفتها انها بتشد الحاجه المزنوقه بمعنى ان بعد الحادثه القايم اليمين كنز شويه او انضغط حبتين هو بقا بيحط الزرجينه ويشده أو بمعنى اصح يفرده تانى والزرجنيه بتفضل راكبه من تلات ايام لاسبوعين وهو كل يوم بيشد عليها عشان تفرد القايم وترجعه لوضعه
لكن هيا مش بتعيب العربيه اوووى وخصوصا انك مش مغير قايم مثلا لا قدر الله كل الحكايه ان القايم انضغط شويه بعد الحادثه وهو فرده ورجعه لوضعه الاصلى بدون لحام او تسخين لان الزرجينه هى اللى بتفرد ومن ناحية البيع مفتكرش ان لازم تبيع دلوقتى وخصوصا العربيه لسه جديده افتكر انك تجربها لمدة شهر واتنين ولسنه لو حبيت لانك لسه مافرحتش بيها ولكن اذا كانت نفسيتك قفلت من ناحيه العربيه ممكن تبيعها ولكن هتخسر 10الاف جنيه مش اكتر من كدا ويمكن اقل عن العربيات اللى نفس موديلها ولسه بحالتها

رد: ارجو المساعده يا رجاله لو سمحت
 

شكرا يا استاذ محمد صلاح لكن انا عايز اسال

هل الزرجينه بتاعت القوايم بتكون باينه يعني ؟؟ ولا مش بتبقي باينه ؟؟ خاصه انا بصيت عليها كويس مافيش اي حاجه تدل علي انها واخده زرجينه والذنب والبراشيم المصنع زي ماهي موجوده ومفيش اي حاجه متنيه او معووجه والي عملها كانت ايدو تتلف في حرير وعملها كويس جدا
ولا بردو مهما كان ايد السمكري نضيفه والقوايم مش مرشوشه ومفيش اي حاجه معووجه ولا متنيه برضو بتبان الزرجينه ؟؟