اسفسار بخصوص لانسر 1300
 

السلام عليكم ورحمة الله. انا ياجماعة اشتريت لانسر موديل 2006 1300 cc وكنت عايز اعرف ياترى قطع الغيار معدل استهلاكها كام يعنى سير الكاتينة يغير على كام كيلو وفلتر الزيت والبنزين يعنى كل قطع الغيار ويسلام لو حد يعرف الاسعار.

رد: اسفسار بخصوص لانسر 1300
 

ماشاء الله ولا واحد يعرف معدلات الاستهلاك كام بالظبط

رد: اسفسار بخصوص لانسر 1300
 

اولا الف مبروك على السيارة ربنا يكفيك شرها ويديلك خيرها
انا معى لانسر 2007 اتوماتيك واعتقد ان اسعار قطع الغيار واحدة
اولا سير الكاتينة
يتم تغييرة كل 60 الف بس انا بغيرة كل 40 الف وسعر الاصلى 275 جم . وفى نوع تيوانى او صينى ب 75 جم
ثانيا . فلتر البنزين جوة التنك وفى الغالب بيتفك يتنظف فقط دون الحاجة الى تغييرة وسعرة غالى حيث انة داخل الطرمبة ( اعتقد بتغير الطرمبة و الفلتر مع بعض )
بخصوص فلتر الزيت الاصلى ب 35جم ويتغير كل غيارين زيت يعنى مرة زيت و التانية زيت وفلتر وافضل زيت هو موبيل xhp فى حدود 125 جم وبتغيرة فى الصيف كل 2500 كم وفى الشتاء كل 3500 كم
وياريت تقولى عملت صيانة اية للسيارة اول ما اشترتها علشان لو حاجة ناقصة اقولك عليها
اما بخصوص استهلاك البنزين
فى داخل المدينة من 200 الى 220 للصفيحة وهتقل شوية مع التكييف
فى السفر لو فى حدود سرعة 100 كم /ساعة تصل الى 300 كم صفيحة
بس لو كنت بتجرى على 150 كم / ساعة الاستهلاك بيكون فى حدود 220 الى 240 كم / للصفيحة ( 20 لتر )
انصحك ببنزين 92
وتقبل مرورى واى استفسار انا تحت امرك

رد: اسفسار بخصوص لانسر 1300
 

ربنا يخليك انا متشكر جدا لذوقك . انا غيرت الزيت و الفلتر بس لان صاحب العربية كان لسة مغير سير الكتينة ومجموعة السيور وكان مغير كاوتش جديد. بس عايز اعرف تيل الفرامل بيتغير على كام كيلو.
والف شكر ليك

رد: اسفسار بخصوص لانسر 1300
 

اولا اسف جدا على التاخر فى الرد
بخصوص تيل الفرامل
عمر تيل الفرامل بالسيارة بيتوقف على عوامل كثيرة فلا يمكن تحديد معاد معين لتغييرة
من تلك العوامل هل تيل الفرامل اصلى ام كورى
طريقة القيادة
نوع الطرق مثل سفريات ام طرق داخلية
بصفة عامة الاتوماتيك بتاكل تيل فرامل اكثر من المانيوال
الافضل اكشف على التيل وتغييرة بتيل اصلى لو محتاج تغيير
مع خالص تحياتى

رد: اسفسار بخصوص لانسر 1300
 

السلام عليكم

انا اختلف مع حضرتك فى بعض النقاط
انا امتلك لانسر مانيول 2008
سير الكاتينة فى التوكيل بيتغير على 80 الف .... و بيتغير كمان كل السيور و بلية شداد السير و بوجيهات و تيل فرامل و فلاتر هواء و زيت ( مع غيار الزيت ) و بنزين .. و ممكن يغير فلتر التكييف كمان ... القصة دى بتدخل فى 3000 جنيه يا باشا
و تغييره سير الكاتينة عند 60 الف افضل طبعا علشان تكون فى السليم

تيل الفرامل ..... و دى اسوأ حاجة فى اللانسر ... التيل الاصلى بـ 400 جنيه و بيتغير تقريبا على 20,000 كم .... و بيقل شوية فى الاوتوماتيك
انا بقول انه سيى علشان فيه ماركات تانية بنفس السعر ده تقريبا .. تيل الفرامل بتاعها بيفضل لغاية 60,000 كم

فلتر البنزين فعلا جوة التنك ... و حضرتك بتشيل الكنبة الخلفية و بتفك الفلتر من اعلى التانك ... و هو بيبقى فعلا حوالين طرمبة البنزين بس بيتغير لوحده من غير الطرمبة .... و هو لوحده سعره غالى ( انا بتكلم عن الاصلى الى بتغيره فى التوكيل ) فيه انواع تانية فى السوق مش اصلى ارخص

فلتر الزيت .... انا شفته عند واحد بيغير زيت جنب محطة مترو المنيب و قالى انه بـ 28 جنيه الاصلى ... و قالى خلى بالك ان فيه فى السوق نوع شبه الاصلى بس مش اصلى بـ 17 جنيه ....
طبعا انا فضلت 5 دقائق فاتح بقى و متنح و فكرت انى اجيب كرتونة من الفلاتر دى ... دى ارخص من فلاتر المياه !!!!!
الفلتر الاصلى فى التوكيل بـ 50 جنيه مينقصوش مليم و مرة لقيته فى محطة موبيل التجمع الخامس بـ 45 جنيه
معلومة صغيرة ... ممكن يركب على اللانسر انواع فلاتر كتير
انا بغير موبيل 1 كل 10,000 كم مع الفلتر زى ما الكتاب بيقول

استهلاك البنزين زى ما حضرتك ذكرت كده مظبوط و ممكن اكتر كمان

رد: اسفسار بخصوص لانسر 1300
 

وعليكم السلام اخى الكريم
انا مش شايف اختلاف بينا
كل الحكاية انى مبحبش اغير الزيت و الفلتر زى المواصفات ما بتقول . بمعنى لو الزيت المفروض يتغير كل 5000 كم انا بغيرة كل 3500 كم
ونفس الحال مع السيور ومنهم سير الكاتينى لو كل 80000 انا بغير السر كل 60000 كم
اما بخصوص فلتر البنزين اعتقد كلامنا واحد وايضا بخصوص تيل الفرامل
وتقبل تحاتى