هل الحركة دى خطر على العربية
 

أعزائى

أنا جديد فى السواقة ، اليوم كنت بتمشى شوية بالعربية زى كل يوم جمعة علشان أدقن السواقة. كنت ماشى على الثالث على سرعة حوالى 40 او 50 المهم لما قربت من مطلع الكوبرى حبيت أهدى وأنزل على الثانى. فالحقيقة لانها اول مرة أنزل من على الثالث للثانى فمعرفتش أعمله بسرعة. فكان الحل المتاح هو الأول بدل الثانى. فعلا أخذت الأول على سرعة بتاع 30 فحسيت العربية زى ما يكون هتتكفى على وشها يعنى زى نفس احساس الفرملة المفاجاءة والعربية سحفت على الارض للحظة ولكن انا دست بنزين فسحبت على طول. والحمد لله أن مش كان فى حد لازق فى العربية من وراء والحكاية مش أخذت اكثر من ثانيتين.

أعتقد هذا الحركة بيسموها Break engine أو الفرملة بالمحرك. وكما قرات الحركة دى بتحصل لما تكون سرعة العربية أسرعة من سرعة نقلة الفتيس اللى عاوز أمشى عليها....

الحمد لله جربت تانى بعد شوية وعرفت أنقل من الثالث للثانى بسهولة.

السؤال هو::: هل الحركة دى بتؤثر سلبيا على العربية. المحرك وخلافة. وهل مثلا لو كنت ماشى على الخامس ونزلت على الاول فجاءة زى كدة بيكون الاثر السلبى أخطر من الثالث إلى الثانى.. ارجو الإفادة........


شاكر للمشاركة

رد: هل الحركة دى خطر على العربية
 

أعتقد في مرة من المرات ممكن التروس تتكسر جوة الفتيس
وخصوصا لو الفرق بين النقلات كبير
يعني عالخامس وعلى سرعة وتنزل للأول يا إما الفتيس يتكسر أو اسطوانة الدبرياج تتكسر

رد: هل الحركة دى خطر على العربية
 

طبعا خطر جدا:pty:

رد: هل الحركة دى خطر على العربية
 

حركة خطر بالصورة اللى حضرتك شرحتها دى
كان من المفروض انك تطلع الكوبرى على التالت عادى جدا ولو حسيت ان عزم الغيار التالت مش مسعدك تطلع الكوبرى او العربية سقفت منك .......تفضل دايس بنزين بهدوء جداااااا لغاية العربية ما يوصل سرعتها الغيار التانى وتنزل نقلة واحدة من التالت للتانى الاول دة متفكرش فية خالص طالما العربية اتحركت من السكون ............. وبعد كدة لو بتشد مع واحد والغيار الرابع او الخامس مش مسعدك تنزل نقلة واحدة بس عشان العربية تجمع سرعة يعنى من الرابع للتالت او من الخامس للرابع ودة برضة غلط لكن هواة الشد مش بتفرق معاهم

رد: هل الحركة دى خطر على العربية
 

طبعا مفيش كلام يتقال بعد كلام mr_astra
بس اضيف حاجة صغيرة اني الحركة دي لا تلجا ليها ابدا الا لو لاقدر الله لاقيت العربية مافيهاش فرامل او حتي لو بتشد مع واحد انا رايي تحرق علي الغيار افضل من انك تسقط حارة الاثنين غلط طبعا بس ده اقل ضررا يعني :286:

رد: هل الحركة دى خطر على العربية
 

انا شاكر لكل من قام بالرد

الحقيقة انا كنت مجبر انى انزل للاول من الثالث لان العربيات كانت بتهدى على مطلع الكبرى وانا دايس دبرياج وعاوز اخد الثانى والثانى مش عاوز يدخل مكانة وفضلت احاول كذا مرة وانا دايس على الدبرياج والعربية ماشية بقوة الدفع وبقيت ملخوم بين ملاحظة الطريق والحركة باليد على الفتيس وكل شوية أقرب اكثر من العربيات وكان لازم أكون كل تركيزى على الطريق. إذا الأمر كان إضطرارى ولاول مرة يحدث.

طيب حضرتك بتقولوا انه ممكن يكسر الفتيس فما هى أعراض كسر الفتيس. الحقيقة أعتقد ان ربنا سلم لانى مشيت عادى وأخذت الأول والثانى والثالث مرة ثانية...

أما سؤالى للأستاذ مطر هو حضرتك بتقول مفروض أنى مش أمشى على الأول خالص. الحقيقة أنا مش بستغنى عنه يعنى فى حالة التوقف فى إشارة أو الوقف فى زحمة ثم التحرك أو السير بسرعة بطيئة فى الزحام عادة ما امشى على الأول. بمعنى أخر أنا استخدم الأول عدد مرات كثيرة أثناء كل مشوار إذا كنت اتحرك من الثبات للمشى كما فى الإشارات أو لما أحب ان سرعة العربية تكون بطيئة جدا تحت 20 كيلوا لما يكون فى زحمة أو ناس كثير وحارات ضيقة. الأول بيدينى تحكم افضل فى العربية.

رد: هل الحركة دى خطر على العربية
 

بص يا باشا هو الفتيس مش هيكسر انشاء الله من اول مرة كده انما لو كررت الموضوع ده كتير التروس هتتكسر و ده طبعا بيبقي ملحوظ يعني مثلا تيجي تجيب تاني (ده لو ترس التاني اتكسر) اكنك لسه ممور بالظبط

اما موضوع الاول بقي فاللي حدرتك بتعملوا ده صح الاستاذ مطر يقصد اني تنسي الاول ده خالص و العربية ماشية لكن لو وقفت او هدييييت خالص يبقي طبيعي تجيب الاول (معلش يا استاذ مطر برد بالنيابة عنك ) SLAM