|
لو مخنوق ومش طايق عربيتك تعمل أيه عشان تحبها ؟!
السلام عليكم انا يا جماعه بكتب الموضوع ده لانى حاليا مخنوووووووووووووق من العربيه وحاسس انى كارهها انا عربيتى جيب شيروكى اللى مضايقنى انى نفسى ألاقيها كامله على طول لازم يبقى فى حاجه فيها مش شغاله مره الكلاكس واقف مره الاشارات مره الازاز حاجه زفت العربيه كانت عند الميكانيكى ست شهور عشان بيتعمل فيها عمره موتور ومتستغربوش المده الموضوع ده كبير وبتنرفز لما أفتكره :fun_36_1_28[1]: المهم روحت جبت العربيه امبارح والحمد لله الموتور كان زى الفل والعربيه طياره وعايزه سكه وتدوس فيها لكن كالعاده الحلو ميكملش الفتيس وحش جدا بس الميكانيكى قالى انه مع المشى هيتظبط هيا عايزه طقم دبرياج و ده سعره 2000 جنيه ومش موجود أصلا بس الحمد لله النهارده الصبح روحت أسخنها لقيت الفتيس كويس ربنا يهديه :thnkr: تانى حاجه درج التابلوه لاقيته قافل ومش عايز يفتح خالص تقولوش شايلين فيها مخدرات ومش عايزين حد يفتحه :w6w2005041122473461 تالت حاجه ودى اكتر حاجه غايظانى كنت عامل حسابى الاسبوع ده انزل أشترى سماعتين كويسين أهوه الواحد يزود وسائل الترفيه فى العربيه ممكن يحبها شويه لقيت الكاسيت شريط الام بى ثرى محشور جوه وحالف ماهو طلع ومش بيشتغل غير راديو بس:010105~332::cry2W9: وصلت لمرحله انى كنت بفكر اروح حته فاضيه و أدلق عليها جاز وأولع فيها وأخلص من قرفها كرهتها مش عارف أعمل ايه :010105~332::010105~332:: 010105~332: |
رد: لو مخنوق ومش طايق عربيتك تعمل أيه عشان تحبها ؟!
بص يا باشا ..
اللى انا اعرفه انك يوم لما تسيب عربية عند ميكانيكى 6 شهور يبقى العربية دى مش لازماك ومستغنى عنها .. وانسى طبعا انك تاخدها 10 / 10 .. حاجتك عمر ما حد هيخاف عليها قدك .. علشان كده لازم انت تكون بتشرف على اى حاجه بتتعمل فى عربيتك .. واعتقد انى نصحتك النصيحه دى قبل كده زمان .. وساعتها بس هتلاقى عربيتك سليمه وهتقدر تتآلف معاها ومتبقاش مخنوق منها .. وبعدين 6 شهور فى عمره موتور .. دى لو كانت بتتصنع من اول وجديد كان زمانها خلصت يا معلم :014FDA~117: .. |
رد: لو مخنوق ومش طايق عربيتك تعمل أيه عشان تحبها ؟!
اقتباس:
|
رد: لو مخنوق ومش طايق عربيتك تعمل أيه عشان تحبها ؟!
6 شهور كتير اوي
بس عموما لم عايز تحبها شوف هيا عايزة ايه واعمله واحده واحده يعني اي مشاكل دي وارد تظهر حلها واحده واحده والدنيا هتبقي زي الفل انا بكون مبسوط لما بنضف العربيه لحد مااطمن ان العربيه كاني مستلمها من الوكاله شوف انت ايه اللي يبسطك واعمله حتي لو هياخد وقت طب انا بقي مشاكلي غيرك نهائي انا بعد مارشيت العربيه ابويا دخل فيه موتوسيكل وبعدها دخل في بلاعه قشر الاكصدام وقبلها راكنها في امان الله السايس جه يطلعها معرفش يطلعها من المطلع اصل المطلع عندنا زي الزفت اتزحلقت خبطت في عمود كسر الاسبويلر والاكصدام والقزاز والنهارده كنت في التوكيل حكوا الكبوت قول انا اعمل ايه !!!:cry2W9: |
رد: لو مخنوق ومش طايق عربيتك تعمل أيه عشان تحبها ؟!
من ملاحظتى لموضوع العمرة ... لما حضرتك تخلص العمرة حتلاقى فيه حاجات تانية لازم تعملها فى العربية و دى حاجة طبيعية .... حتفضل شوية كدة فاتحة بقها لغاية لما تتظبط ... و ربنا يديك طول العمر :w6w200504112257276b
|
رد: لو مخنوق ومش طايق عربيتك تعمل أيه عشان تحبها ؟!
اقتباس:
هتبص تلاقى نفسك رايح تاخد عربيتك بالأحضان |
رد: لو مخنوق ومش طايق عربيتك تعمل أيه عشان تحبها ؟!
صدقنى هو فى فترة كده بتلاقى كل حاجة فى العربية ملخبطة ولكن ان شاء الله كل حاجه تتحل حاول تعمل كل حاجة واحدة واحدة وبعدين طالما انك قدرت تستغنى عن العربية 6 شهور متواصلة يبقى ممكن تكون العربية مش عزيزة عليك قوى يبقى ممكن تبيعها وتجيب حاجة تانى تكون احدث ومشاكلها اقل وكمان حاجنها تكون ارخص ولو متمسك بالعربية يبقى تسايسها وتخليك معاها واحدة واحدة وان شاء تبقى احسن من الزيرو بس ايدك لازم تكون فيها على طول.
وانا هقولك على موقف بعد ما اشتريت العربية بفترة ( مش كبيرة ) غيرت موتور كامل وبعدين كان عندىفحص روحت رشيت العربية كلها وكله تمام وكنت خايف قوى اخرج بيها اة مشوار وقولت اول مشوار اروحه بيها يكون المرور ولكن كنا فى رمضان والمواعيد مكنتش بتلحق تعمل فيها اى حاجة واتعزمت على الفطار عند قرايبى واخدت العربية وانا ماشى فى الشارع بحسس وكانى اول مره اسوق وفعلا شدة الحرص تخلى الواحد مرتبك جدا ومفيش بعد ممشيت بالعربيه حوالى 2 كم ولقيت الدنيا زحمه موت والعربيات والتكاتك كله يا معلم جاى عكس انا قمت متسمر مكانى وحاولت على قد ماقدر انى افادى كل اللى جاى عكس ولكن القدر كان اقوى من اى حاجة ولقيت نوكتوك من اللى جايين عكس وبيعدى زى اللى عدو ولكن البيه صاحب التوكتوك كان مركب ديفندر على الجزء الخلفى وطالع بيه بتاع 25 سم لبره من جميع الاتجاهات وعديك قام واخدلى جنب العربيه كله من الفانوس الاماو للفانوس الخلفى وساعتها نزلت وعملت خناقة ( مانا بصراحة دمى اتحرق على البويه اللى لسه مبردتش وكمان لسه مشوار المرور ) وصاحب التوكتوك يعنى لو نفضته مش هتلاقى معاه 10 ج على بعض وبعد هيصه وزمبيلطه وبعد محسيت ان صيامى هيروح والناس اتلمت وكده يعنى سيبته وبعد ما مشيت شوية حسيت ان الحرص الزيادة عن اللزوم ده راح وبقيت اتخبط عادى واتحك عادى عادى طالما الحمد لله حاجات بسيطة مش مشكلة |
| الساعة الآن 01:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017