تزييق العربيه سببه؟
 

يا جماعة ارجو الرد على المشكلة دى انا عندى دايو لانوس 1996 كان عندى المساعدين الاماميين بيعملوا دبدبه فقلت اغيرهم ناس نصحتنى انى اشترى الاستيراد كاملين بالتيل والطنابير والركب هايكون افضل وفعلا عملت كده المهم بعد ما ركبتهم بالظبط يومين ولقيت العربية اسوأ من الاول فرجعت تانى لتاجر قطع الغيار لانه كان قايلى ان لو فيهم حاجة بتوعى فجرب العربيه قالى لا ده مش عيب مساعد دى اكيد المقصات فانا هاقولكم حاله العربية بالظبط لانى بصراحة مش عارف اصدقة ولا ايه العربية فيها صوت لا مؤاخذة يعنى سمعتم صوت سرير بايظ لما تيجى تنام عليه بيعمل ايه اهو العربيه بتعمل كده بالظبط تزييق عالى جدا لدرجة يوتر انا بصراحة بقيت بكرة العربيه وعلى فكرة هو بعتنى لميكانيكى تبعة قالى لا دى المقصات هى اللى تعمل الصوت ده فانا طبعا ما صدقتوش فسؤالى ليكم لاهل الخبره هل الصوت ده من المساعد ولو من المساعد اطلب من تغيير المساعدين بس ولا يشيل الجنبين اللى انا اشتريتهم منه ارجو الرد وافادتى وانا هاستنى ردكم عشان لما اروحلة واكلمه يحس انى فاهم

رد: تزييق العربيه سببه؟
 

انا اعتقد ان التزيق ده من المقصات
لان عربيتي بتزيق برضوا والميكانيكي بتاعي قالي انها المقصات
وانشاء الله الاعضاء يفيدوك اكتر مني في الموضوع ده
شكرا ليك ROSE4U

رد: تزييق العربيه سببه؟
 

اشكر الاستاذ mar mar جدا على الاهتمام والرد لكن يا
جماعة فين باقى الردود

رد: تزييق العربيه سببه؟
 

هوه المقص لو فيه حاجه بيعمل غربه فى العجل وتحس بيها فى الدركسيون على سرعه معقوله 90 مثلا او هوه واخد خبطه ومعووج او الجلب تعبانه لكن فى حاجه كويسه ممكن تفيدك تروح بنزينه ترفع السياره وتغسل السياره كلها من تحت بزيت على سولار هما عرفينه فى البنزينه لان الزيت على سولار بيلين السوست والمقصات السكاتره والعفشه كلها وجرب ومش هتكلفك كتير اوى

رد: تزييق العربيه سببه؟
 

هجرب الحل ده

رد: تزييق العربيه سببه؟
 

يعى التزييق ده يا باشا هل مكن يبقى من المساعدين او الجانب كله اللى اشتريته ولا دى مش قصة مساعد

رد: تزييق العربيه سببه؟
 

المساعد لو بايظ يعمل هبده فى المطبات و بعض الحالات بيجيب زيت ولما تظغط عليه والعربيه واقفه تفطل ترج ومتثبتشى بسرعه
ايه موقف العفشجى من الموضوع ده