عاوز أروح المطار
 

أصدقائى الأعزاء. أنا من المنوفية. عاوز أروح المطار من خلال طريق مصر أسكندرية الزراعى. أعتقد أن هذا هو الطريق الوحيد للسفر للمطار. أنا عارف الطريق لحد شبرا الخيمة وكدة بس مش عارف مفروض أكمل لحد شبرا ولا أعمل ايه علشان أروح المطار....

متشكر

رد: عاوز أروح المطار
 

يا زعيم انتا تنور طريق المطار كله

هقولك علي اسهل طريق يا غالي هتاخد الزراعي لحد قبل شبرا الخيمة وتطلع الدائري وهتمشي قد 10 كيلو وهتنزل نازلة مدينة السلام وتمسك طريق جسر السويس لحد ما يقابلك كوبري علوي هتطلعه وتنزل منه طوالي لحد ما تلاقي المطار في وشك

رد: عاوز أروح المطار
 

رد: عاوز أروح المطار
 

فعلاً ده أسهل عشان تريح دماغك ولازحمة ولا تلف كتير (طالما ماتعرفش الطرق هناك)

رد: عاوز أروح المطار
 

تسلملي يا غالي معلش نسيت انا الدخله الجديدة بتاعت المطار من علي الدائري ربنا يباركلك يا استاذنا

رد: عاوز أروح المطار
 

أنا متشكر لكل من رد على فى موضوع المشوار للمطار. ولى سؤال كمان.. هو فى مطارين فى القاهرة. المطار الجديد والمطار القديم. الطريق اللى حضرتكم شرحتوه يوصل للمطار القديم أم الجديد. الراجل اللى ريحين نوصله مسافر للأمارات مش عارف يركب من القديم ولا من المطار الجديد. أرجو الإفادة.......

ممكن كمان حد يقول لى هو الطريق من شبرا الخيمة للمطار حوالى كام كيلوا..... هل لو كانت القيادة على 60 كيلوا فى الساعة على الطاريق الدائرى هذا فيه خطر لانى أعرف ان الناس بتعدى المائة وطالع على الطريق دة.

رد: عاوز أروح المطار
 

الدخلة بتوصلك سواء للمطار القديم او الجديد
وحاول تبص ع التذكرة بتاعت السفر هتلاقى مكتوب عليها صالة كام؟ (لو صالة 1 يبقى القديم - لو صالة 3 يبقى الجديد) على حد علمى

المسافة من شبرا الخيمة للمطار حوالى 20 - 25 كم

وعاوز تمشى على 60 مفيش مشاكل بس خلى بالك من الطريق بس كويس وخد اليمين وحاول تزودها شوية وخليها 80

وتوصل بالسلامة إن شاء الله (المهم ماتنساش لازم تطلع من طلعة الدائرى بتاعت اتجاه موقف العاشر مش بتاعت ميدان لبنان وهتفضل واخد الدائرى لا يمين ولا شمال لحد ماتلاقى يافطة دخول المطار)