عايز اركب طرمبة بنزين كهربا .. قولي رأيك فى الموضوع دة ؟؟
 

معايا سيارة ريجاتا .. الطرمبة اللى فيها رداخ ميكانيكية .. ومفهاش اي مشكلة الحمد لله
لكن عايز اركب واحدة كهربا علشان متاخدش وقت فى الدوارة بعد ركنها ليومين مثلا . واحيانا
فى اليوم التالى لان الطرمبة الكهربا هتحضر لها بمجرد مفتح كونتاك .

لقيت عندى طرمبة بنزين كهربا كانت بتاعة اللانسر تقريبا .. ركبتها .. وعملت لها الاسلاك بتاعتها مع الموبينة يعنى افتح كونتاك تشتغل .. افصل كونتاكت تفصل .. هى بتسحب بنزين خفيف لثوان معدودة وتقف لعطل فيها لان حد اخدها وشغلها فترة فى حوض السمك بدل الماتور بتاع الحوض
:crazyW14:. وطبعا التجربة فشلت .. بتشتغل خمس دقايق على الاكثر وتفصل

عايز اشتري طرمبة بنزين كهربا .. من خلال تجارب حضراتكم اشتري اية ؟ والتكلفة كام تقريبا ؟؟؟
الطرمبة اللى كانت معايا 2 فردة فقط .. وسمعت ان فية طرمبات 3 فرد .. طيب الفردة التالتة اوصلها فين ؟

سؤال اخر علشان معرفش ..
هل المفروض ان الطرمبة الكهربا لو فتحت كونتاك فترة ونسيتة مثلاَ مفتوح المفروض انها تفصل
لوحدها بعد فترة طالما الموتور مشتغلش ؟؟ ولا فائض البنزين هينزل عادي من خرطوم الراجع والعربية مبطلة؟؟

هل فية نسب سحب معينة لكل طرمبة على حسب نوعها ؟ يعنى مثلا هل هيأثر معايا لو ركبت طرمبة لانسر .. هل هتكون ضعيفة والموتور هيحتاج بنزين اكثر منها وهيبطل .. لان حسب معلوماتى ان لو سحبت بنزين من خرطوم التانك ووصلتة بالطرمبة حتى وهي ضعيفة او عطلانة الكربراتير ومكنة الفاكيوم هيكملوا المهمة وهيدور العربية .. فما رأي حضرتكم واشتري اية وبكام وما مدي التأثر

رد: عايز اركب طرمبة بنزين كهربا .. قولي رأيك فى الموضوع دة ؟؟
 

طالما معندكش وحدة تحكم والسياره كربوراتير

يبقى الطلمبه مش هتفصل مع تشغيلها

فقط ستقوم الطلمبه بملأ غرفة العوامه بالبنزين

وعند وصول البنزين لأعلى مستوى بالعوامه

سيغلق الباب على ورود البنزين من الطلمبه للكربوراتير

وفى نفس الوقت ستكون الطلمبه محمله كهربيا

وقد تتلف نتيجة الحمل الهيدروليكى العكسى عليها

رد: عايز اركب طرمبة بنزين كهربا .. قولي رأيك فى الموضوع دة ؟؟
 

السلام عليكم ورحمة الله
ركبتها فى عربية ميتسوبيشي باجيرو 2400 سي سي كنت حاططها فى الحوض بتاع الموتور اشتغلت بس ما كانتش مشبعة العربية بنزين وكانت العربية مخنوقة
نسيت اؤلك انها كانت صينى وكنت جايبها على ما افتكر بـ 120
المهم غيرتها بقدرة اكبر وركبتها فى نفس المكان اشتغلت كويس جدااااااا والعربية كانت فايقة اوى لكن للاسف اتحرقت نتيجة سخونة الموتور
اشتريت واحدة تانى من نفس القدرة وركبتها فى تنك البنزين وفضلت شغالة سنة لغاية لما بعت العربية
وكونك انك تسيب الكنتاكت مفتوح عادى مش بيحصل حاجة والكربراتير لو اتملى بيرجع الفايز الى التنك عادى جدااااا لانك لو شوفت الطلمبة الميكانيكة اللى ركبة عندك هتلاقى فيها in و out بس يعنى نفس الدخول والخروج بتاعة الطلمبة الكهرباء

رد: عايز اركب طرمبة بنزين كهربا .. قولي رأيك فى الموضوع دة ؟؟
 

نسيت اؤلك عشان الموضوع يكون وافى ان العربية كانت ميتسوبيشي باجيرو 2400 سي سي موديل قديم مش فاكر اوى تمانينات والموتور اسمة كاونتر

رد: عايز اركب طرمبة بنزين كهربا .. قولي رأيك فى الموضوع دة ؟؟
 

رد: عايز اركب طرمبة بنزين كهربا .. قولي رأيك فى الموضوع دة ؟؟
 

http://www9.0zz0.com/2010/01/04/12/718195371.jpg

صورتها

رد: عايز اركب طرمبة بنزين كهربا .. قولي رأيك فى الموضوع دة ؟؟
 

الفكرة انى عايز العربية متتأخرش فى الدوارة الصبح لما اتركها للايام بعد تغيير كربراتيرات
طيب لو قلنا نركب طرمبة كهربا ونعملها مفتاح بحيث اننا نحضر بيها الصبح بس وبعد كدة الطرمبة
التانية تكمل شغلها اية رأي حضرتك ؟؟

ازاي لما الابرة بتقفل على الطرمبة العادية بتستحمل والكهربا مش هتستحمل ؟
بالنسبة للتوصيلات .. الـ 3 فرد منهم واحدة كهربا والتانية ارضى .. التالتة بقى اية ؟
لو فية خرطوم اخر غير الفايز والـ out هيروح فين ؟ الطرمبة الكهربا اللى عندى فيها In و out
موصل الاوت دة بخرطوم الراجع بتاع البنزين التالت يروح فين ؟

اشكر حضرتك جداا .. هي فعلا سيارات كتير قديمة ينفع تبقى كهربا بدون مشاكل

تسلم ايد حضرتك يا maka ياريت لو تعرف لى الاسلاك واصلة بأية .. المفروض انها كالاتى :
1 - فردة مع سلك الموبينة " علشان تشتغل لما تفتح كونتاك وتبطل الطرمبة مع قفل الكونتاك "
2 - فردة ارضى
3 - فردة غير معلومة المصدر .. واعتقد انها بتتوصل بكنترول .. وطالما مفيش كنترول EUC
يبقى مش هنوصلها وعادى هتشتغل الطرمبة والله اعلم دة اللى انا بعتقدة

ياريت حضرتك لو تعرف لنا الاسلاك دى واصلة بأية والخرطوم التالت دة بتاع اية ؟ المفروض انها الاتى :
1 - خرطوم سحب القادم من التنك
2 - خرطوم الراجع للتنك
3 - الله اعلم ؟؟
اشكر حضرتك مرة تانية وتسلم ايدك على الصورة .. وفى انتظار اراء حضرتكم علشان انفذ