عاوز اشترى جيب شيروكى تنصحونى باية
 

عاوز اشترى عربية جيب تكون 4 سلندر لانى سمعت ان ال 4 سلندر مش بتاكل بنزين تنصحونى باية انا حدودى 45 ياريت بليز الرد انا على فكرة مش عارف حاجة عن الميكانيكا ياترى الجيب تمشى معايا تكون عملية قطع غيار اقتصادية ولا الدايو ولا الفيرنا واكون شاكر ردودكم
:14369D~149:

رد: عاوز اشترى جيب شيروكى تنصحونى باية
 

هو طبعا الدايو والفيرنا اوفر من حيث البنزين وقطع الغيار لاكن الجيب شروكي ثباتها زي الف بس بصراحة مش عارف قطع غيارها عاملة ايه

رد: عاوز اشترى جيب شيروكى تنصحونى باية
 

ميرسى لردك الكريم بس انا محتاج معلومات اكتربليز اللى يدخل يرد لو سمحتو

رد: عاوز اشترى جيب شيروكى تنصحونى باية
 

السلام عليكم
معلوماتى قليلة عن الشيروكى , بس حبيت انور المحكمة :crazyW14:

قطع غيار ال 4 سلندر اغلى و مش متوفرة زى ال 6 سلندر
لو حضرتك عاوز تركب سيارات الدفع الرباعى يبقى متدورش على موضوع الاقتصادية دى , العربيات دى قطع غيارها غالية بالمقارنة بالسيارات السيدان , مش حينفع حضرتك تقارن الفيرنا و الانوس بالشيروكى
اعزرنى .. تقبل كلامى الكتير .. اصل انا كنت فى الحيرة دى من فترة قبل ما اشترى ..

اما سيارات الدفع الرباعى ... و كدة حضرتك حتقارن بين الشيروكى و التيريوس و الفيتارا ... و ساعتها متدورش على اقتصاديات التشغيل

و اما الانوس او الفيرنا و دول عربيات اقتصادية

نرجع لل شيروكى الـ 4 سلندر فانا معلوماتى ان قطع غيارها غالية بالنسبة للسيارات السيدان و مش غالية بالنسبة لبقية سيارات الدفع الرباعى

مميزات الشيروكى :-
شكلها حلو و منتشرة و فيه ناس كتير بتشتغل فيها و حجمها الخارجى معقول جدا
عيوبها :-
صغر حجم الصالون الداخلى

ربنا يوفقك للخير

رد: عاوز اشترى جيب شيروكى تنصحونى باية
 

بص ياباشا الشيروكى ال 4سلندر مايميزها توفيرها للبنزين مقارنة بال6 سلندر انا معايا شيروكى 4 سلندرالعربية ممتازة بس طبعا الافضل ال 6 سلندر قوة جبارة 195 حصان اما ال 4 سلندر 130 حصان وطبعا زى محضرتكم قلتم ان قطع غيار ال 4 سلندر اغلى من ال 6 سلندر دة صحيح وقطع غيار ال 6 متوفرة عن ال4 دة بردة صحيح بس فى المقابل هتوفر جامد فى البنزين وزى مقولت لحضرتك الشيروكى ال 4 سلندر بجد عربية ممتازة خد بالك منها ومن صيانتها بجد هتاخد منها احلى اداء ودة عن تجربة بس لو حضرتك ميفرقش معاك موضوع البنزين اركب 6 سلندر نرجع تانى لنقطة قطع الغيار صحيح هى غالية شوية بس استحالة تكون عائق امام شراء العربية وانزل حضرتك واسال وعلى فكرة قطع الغيار مش غالية زى مالناس فاكرة مقارنة بفئتها دة حتى اسعار قطع غيارها نزلت عن الاول
وزى مالاخ الفاضل قال لحضرتك انة مينفعش تقارنها بفيرنا ولا بلانوس دية فئة ودية فئة الراحة طبعا للسيدان ومع كل الاحترام للعربيتين دية شيروكى اسطورة الدفع الرباعى وعامة ركوب ال 4×4 عامل زى ركوب الخيل مش مريح ولكنة غالى
شوف حضرتك غرضك اية من العربية وعلى اساسها حدد نوعها
واى استفسار انا تحت امرك

رد: عاوز اشترى جيب شيروكى تنصحونى باية
 

السلام عليكم
نحب نعرف من حضرتك .. هى الشيروكىفيها حساسات كتير ؟؟!! و هل الحساسات دى توقف العربية لو الحساسات دى باظت ؟؟
ممكن تقولنا عن بعض اسعار قطع الغيار ؟؟ انا سمعت من واحد صاحبى ان قطع الغيار الاصلية غالية حبتين و سمعت من واحد صاحبى تانى ان قطع غيارها مش غالية خالص

رد: عاوز اشترى جيب شيروكى تنصحونى باية
 

والله نصيحة بلاش الشيروكى لانها حوت بنزين ومكلفة جدا ..

حتى لو 4 سلندر برضو بتاخد بنزين كتير اوى وكمان قطع غيارها غالية جدا ...

ومش اى حد بيفهم فيها اوى ...

ممكن تجيبها وتحولها غاز وساعتها هتحل مشكلة البنزين ...

لكن ارجع واقولك هات فيرنا او لانوس افضل بكتير فى العمليه والراحة والثبات وقطع الغيار والصيانة ...

وربنا يوفقك لما فيه خير ..