غسيل المحرك هل هو ضرورى
 

هل غسيل المحرك بالماء او بالفوم ضرورى ام بالهواء فقط
للعلم لى زميل كلفه غسيل سيارته فى بنزينة يحائق القبة حوالى 6000 جنيه حيث تسبب فى حرق كرت مش عارف اى منطقة فى عربته النيسان موديل 2006

رد: غسيل المحرك هل هو ضرورى
 

في منظفات شبه جافة مخصصة للسيارات الحديثة أما الماء و الجاز فإياك
النظافة بتبقي مهمه جدا قبل فتح الموتور لاي صيانه
للشكل العام ممكن تقوم بالتنظيف علي الوش و بنفسك

رد: غسيل المحرك هل هو ضرورى
 

بالهواء كويس جدا و تريح دماغك


و لو عيز بالمياه ياريت تغطي موبينه الكهرباء و الشريحه الالكترونيه و اغسل بالمياه برحتك انا بعمل كده عندي

رد: غسيل المحرك هل هو ضرورى
 

انا عندي في الابيزا بغسل الموتور بالجاز بس ببقي مغطي الاسبراتير و الموبينا كده كده بعيدة اساسا بس في العربيات الجديدة بقي يا ريت الغسيل بالفوم فقط بيبقي محطوط في انبوبه كده و متوصله بكمبروسر هوا و يتغسل بياه الموتور و برضه تبقي بعيد عن الكونترول يونيت و يستحسن تعمل للكنترول يونيت علبه فيبر كده او معدن تغطيها بيها وقت الغسيل

رد: غسيل المحرك هل هو ضرورى
 

كل الكلام اللى اتقال كلام جميل
أبعد عن الكنترول و الحساسات
و خد بالك من ال throttle و tps و الأفضل الفوم
لكن الجاز بينشف الأجزاء المطاطية زى أسلاك البوجيهات و خراطيم المياه

رد: غسيل المحرك هل هو ضرورى
 

لا جاز ولا مية الاتنين اسواء من بعض وخاصة الجاز لو اتغسل بيه الحوض او تحت العربية بدون ما يكون وراه مية او فوم بيلم تراب بشكل فظيع فالاحسن تجنب الاتنين فى غسيل العربية كلها

افضل الطرق فى رائى للحفاظ على نظافة الحوض :

1- الاهتمام بحالة كاوتش العزل الخاص بالكبوت
2- تغطية السيارة يومياً
3- تنظيف الحوض دوريا بالهواء المضغوط
4- تنظيف الموتور بالفوم (العبوات معروفة المصدر)

وده لان فيه فوم منتشر فى المغاسل وبعض البنزينات مخصص للغسيل الخارجى ومش هو المفروض استخدامة للاجزاء الداخلية

رد: غسيل المحرك هل هو ضرورى