أنا عايز نصايح كتيرة PLZ
الأخوة الأعزاء أعضاء المنتدى الأفاضل
الحمد لله أنا إشيترييت جوليت لانوس مو 1999 وطلعت عاملة 90 ألف كيلو حالتها الحمد لله كويسة ديه أول مرة أشتري عربية مو فوق التسعيين وبكل الكمالييات المشكلة أنا ما عنديش خبرة في السيارات الحديثة فكنت عايز خبرتكم 1- ماذا أفعل بعد الشراء 2- ما هي الصيانات الدورية للسيارات (الزيت - الفرامل - الماتور - التكييف - وغيره ....) 3- ما هو أحسن بنزيين للـ لانوس 90 ولا 80 وميين بيمشي العربية أكتر 4- أريد أن أهتم أكثر بالعربية وأعرف عنها حاجات أكتر وجزاكم الله كل خير وشكراً مقدماً للمساعدة |
رد: أنا عايز نصايح كتيرة PLZ
بص ياباشا اهم حاجة انك تبص علطول على الزيوت كلها وتفضل عارف مقاسات الزيوت كام بشكل دورى وكمان البنزين ال 80 كويس جدا للعربية دى بس خلى بالك ابقى غير فلتر البنزين كل شهرين مثلا ومعاة فلتر الزيت كمان عشان تحافظ على العربية من الرواسب الى فى البنزين 80 واهم حاجة بردة ابقى شغل التكييف فى الشتاء شوية كل فترة ودى صيانة التكييف عشان ما يتمليش تراب بس والموتور علطول خلية نضيف وكمان اى صوت غريب فى العربية شوفة علطول ما تمشيش على العربية وهية فيها اى صوت غريب عشان التاخير فى الحاجات دى بيعمل مصايب بالذات فى الدايو
ويارب اكون افدتك والف مبروك على العربية وربنا يكفيك شرها ويجعلها قدم خير عليك انشاء الله تقبل مرورى |
رد: أنا عايز نصايح كتيرة PLZ
شكراً أخي العزيز djdragon
على هذه النصائح الجميلة وبالمناسبة أنا كنت عايز أعرف زيت الباور بيتغير ولا بيفضل طول عمره كده وهل ليه نوع معين من الزيوت |
رد: أنا عايز نصايح كتيرة PLZ
اقتباس:
واى معلومة انا تحت امرك والف مبروك ياباشا |
رد: أنا عايز نصايح كتيرة PLZ
شكراً للأخ بدر بسيونى
نصائح جميلة جداً وجاري التنفيذ |
رد: أنا عايز نصايح كتيرة PLZ
تسلمو يا شباب على الردود الممتازة واسمحولى اختصارها فى نصيحة واحدة بان اى عربية مستعملة لو انت مش متأكد من اللى قبلك عملها صيانات ايه اعملها صيانة ال 50 الف وياريت تتعمل فى توكيل او مركز خدمة معتمد او ورشة متخصصة فى العربية ديه وحافظينها وبعد كده تتابع معاهم كل ما يكون فيه فى العربية مع المتابعة الدورية كل 10 الف كم
|
رد: أنا عايز نصايح كتيرة PLZ
استاذ ورئيس قسم ياوائل باشا |
الساعة الآن 12:50 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017