|
الباك فير!!!!!
السلام عليكم أولا اسف علي الغياب طول هذه الفترة بس والله ده بسبب ظروف قهرية. كنت الأسبوع اللي فات في زيارة لأقاربي في سراي المعادي ولفت انتباهي منظر يصعب أن يتكرر في جمهورية مصر العربية واحد معاه ميتسوبيشي ايفوليوشن وبيستعرض بالباك فير وكان علي حد علمي ان الباك فير نادر جدا جدا في مصر , فجمعت معلومات عنه بقدر المستطاع وجبتهالكم الباك فاير : عبارة عن خروج نار من الشكمان من 2:60ثانية تقريبا,ملوش أي ضرر علي السيارة وليس له علاقة بالموتور أو أي جزء من أجزاء السيارة. ودي فكرة عمله http://img211.imagevenue.com/aAfkjfp..._122_482lo.jpg توجد طريقتين لعمل الباك فير الطريقة القديمة وممكن انت تعملها بنفسك وفي الطريقة الحديثة عن طريق جهاز كامل مع الوصلات والمفاتيح سمعت أنه موجود في الامارات ب 400درهم أولا:الطريقة القديمة الاحتياجات: شمعات احتراق (2)+وايرات(أسلاك موبينة) أو (conductor) الخاصة بتوصيل البوجيهات بالبطارية أو أي مصدر كهربي خطوات العمل:الموضوع بسيط جدا وهو انك بتفك علبة الشكمان من العربية وتخرم فيها بدرل ببنطة مناسبة لحجم البوجي(شمعة الاحتراق),وبعدين بنثبت البوجيه في المكان اللي خرمناه في علبة الشكمان, بنركب الشكمان ونوصل الوايرات توصل السلك الى الجزء الموجب من البطارية ( + ) و تحط بينهم ( قاطع كهربائي ) وده اللي هنخليه مفتاح التحكم في الباك فير ونحطه في أي مكان مناسب في السيارة. ودلوقتي الباك فاير جاهز للاستخدام وكل اللي عليك عمله انك توصل ال rpm ل 4000 r\min مثلا وبعدين تضغط علي الزرار وشوف ردود فعل الناس علي المنظر ده. وادي صور المتطلبات بتاعة الطريقة اليدوية http://img188.imagevenue.com/aAfkjfp..._122_481lo.jpg ثانيا:الطريقة المتطورة(جهاز الباك فير) الاحتياجات هو الجهاز نفسه وأي كهربائي يقدر يركبه أتمني وكلي رجاء اني أكون قدرت أفيد أعضاء المنتدي المحترمين ووصلت معلومة قد تكون غابت عن كثيرين http://[URL=http://img161.imagevenue....jpg][IMG] :HAPPY_~211: |
رد: الباك فير!!!!!
طب معلش يا فورتك لزمته ايه بيعمل ايه فى الاداء الديفيل اجدع على الاقل بيدينى اداء لكن ده بيعمل ايه
وشكرا للمجهود |
رد: الباك فير!!!!!
أولا شكرا علي ردك يا lol الموضوع كله فايدته المنظرة مش أكتر بصراحة يعني تعيش في دور أبطال فيلم fast 2 furios
|
رد: الباك فير!!!!!
طب مانا ممكن اركب نوز واكزوست سيستم كامل وهايطلع نار واداء بس اللى يدفنى 400 درهم امراتى فى منظر طب ماادى العربية 3 الوان او رسمة وهاتبقى احلى انا مش بهاجمك بس مش عارف ليه موضوع الباك فير مابدخلش دماغى
انا برده شاب وبحب ازبط واسمع صوت موتور وصوت كاسيت بس عمرى مفكرت فيه باك فير على الرغم ان موضوع البوجيه قديم وسهل بس بفكر ديما فى اداء انت عارف 400 درهم يجبولى فلتر سبور وادى صوت حلو واداء وكمان معاهم بوجيهات بلوتنيوم برده اداء |
رد: الباك فير!!!!!
والله انت عندك حق بس الستايلنج ذوق اولاً واخيراً وعمر ما اذواق الناس ما هتتفق
وشكراً يا فورتك وحمدلله على السلامة يا باشا بصراحة ديه اول مرة اعرف الباك فاير ده بيتعمل ازاى انا كنت بحسب انه ظاهره طبيعية للنتايروز بس |
رد: الباك فير!!!!!
الله يسلمك يا أبو نورة وكل عام وانت بخير يا أ.lol يامحترم هو الموضوع وجهات نظر زي ما أبو نورة قال يعني أنا مثلا ركبت سبويلر للكورولا كنت حاسس ان هو فكرة وهيعجب الناس كلها في ناس كانت منبهرة جدا بيه وفيه ناس شافت انه (مش أد كدة) دي وجهات نظر,الميزة في الباك فير انه حاجة جديدة ومش معروف أوي في مصرعلي سبيل المثال مافيش عربية عندنا في الاسماعيلية ولا في الشرقية مركباه والمرة الوحيدة اللي شوفته فيها كان علي ميتسوبيشي ايفوليوشن في المعادي أنا وقفت ونزلت من عربيتي عشان أتفرج عليه وكان كلي ذهول أهم حاجة عندي تكون فكرتي وصلتلك يامان وكل عام وانت بخير |
| الساعة الآن 11:40 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017