|
عاوز رايكم فى فولكس جول 2001
السلام عليكم ورحمة الله وبركاتة عجبنى جدا المنتدى دة واهلة الجامدين جدا وارائكم وتعليقاتكم ومواضيعكم الشيقة عن الفولكس وانا ان شاء الله نويت اشترى عربية وقدامى سيارة فولكس (جول) موديل 2001 عاملة حوالى 100000 كم فابريكة جوة وبرة فيها حاجات بسيطة مكييف باور كاسيت فكنت عاوز اعرف رايك فى العربية دى بوجة عام (الجول) موديل 2001 اية رايكم فيها واية مميزاتها واية عيوبها بالظبط تانى حاجة تعمل كام العربية دى يعمى فى حدود من كام لكام وانا كلى امل من اهل المنتدى الكرام وعشاق الفولكس انهم يردوا عليا وبالتفصيل منتظر ردكم وتعليقاتكم |
رد: عاوز رايكم فى فولكس جول 2001
الجول و البوينتر وجهان لعلمه واحده
فتلك السيارت تأتي من فولكس البرازيل و ليس لها اي انتشار يذكر علاوزه علي اسعار قطع غيارها المبالغ فيها من رأيي ابحث عن سياره اخري |
رد: عاوز رايكم فى فولكس جول 2001
إبحث عن سياره أخرى
لأن قطع غيارها غاليه بشكل غير منطقي لأن الإعتماديه لهذه السيارات متدنيه للغايه لعدم جودة الخامات وخاصة البلاستيكيه بها .... مش عارف أقول إيه ... غير حاول مره أخرى في البحث عن سياره أكثر إعتماديه وإقتصاديه .... آسف لإحباطك لكن مفيش بد من الحقيقه قبل الفاس ماتقع في الراس |
رد: عاوز رايكم فى فولكس جول 2001
السلام عليكم ورحمة الله وبركاتة اشكركم جدا على تعاونكم وردكم السريع عليا الاخ الفاضل hazem_khidr انا كنت سمعت ان الفولكس اى نوع فيها يعتبر كويس وكنت سمعت ان (الجول) تقريبا زى (الجولف) وبعين واخدة نفس الشكل تقريبا فقولت اسالكم واخد رايكم خصوصا انى بعتبرها كويسة بس بردك مش هتسرع وهستنا اشوف باقى تعليقاتك المفيدة جدا مع العلم انى اختارتها بالزات نظرا لقرب يعرها وبعدين دى تقريبا اول عربية اشتريها فكنت يعنى هستخدمها شوية ولما ربنا يكرم اغيرها |
رد: عاوز رايكم فى فولكس جول 2001
الاخ الفاضل ahmed_kamel لا ياسيدى مافيش احباط ولا حاجة والله وخصوصا انى قولت اخد رايكم لانى مش متسرع بس انا سمعت من صاحبها ان قطع غيارها متوفرة ومش غالية اوى فهل حضرتك متاكد انها غالية ولا اية ؟ وبعدين حضرتك تقترح اية بديل ليها فى نفس الرنج بردك وشكرا على تعاونك يا باشا ومنتظر ردك |
رد: عاوز رايكم فى فولكس جول 2001
اقتباس:
الأخ الفاضل : الجول هي البوينتر وهيا هيا الباراتي كلهم واحد .... وللأسف كلهم غير إعتماديين .... وقطع الغيار مبالغ في سعرها وإسأل عليها بنفسك لدى الوكيل أو أي تاجر يعمل بقطع غيار فولكس ...الشهابي على سبيل المثال .... وعلى فكره ليست كل قطع الغيار متوفره .... لقد رأيت بعيني سياره جول فضلت واقفه لمدة ستة أشهر في إنتظار تابلوه بدل الذي إنكسر في الحادث (نظرا لكون مكوناته بلاستيكيه غير جيده فلقد كان شبه مهشم من المنتصف) ولم يجد صاحبها التابلوه لا إستيراد ولا حتى في التوكيل... كونك محب لها فهذا شيء آخر ولكن عليك بالتروي والتفكير مره أخرى ولا تعتقد أبدا أن الجول هيا هيا الجولف نهائيا فهذا ماتم ترويجه عند نزولها لكي يبيعوا (للأسف) ولكن الحقيقه بعيده كل البعد عن ذلك وإلا كان كل الناس إشترت الجول وتركت الجولف !!!!ptmnlo123per1127 أعد التفكير مره أخرى بالجول .... اللهم إني قد بلغت اللهم فاشهد ... وبالنسبه للبدائل ....قولنا على الميزانيه ونديك بدائل |
| الساعة الآن 04:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017