|
مواصفات العربيات الصيني في مصر
اولا : التكنولوجيا :
تكنولوجيا ياباني قديمه ( تكنولوجيا التسعينات ) ptmnlo123per172 ثانيا : الخامات : خامات زبااااااااااله ( ولا لعب الاطفال ) ptmnlo123per172 ثالثا : الشاسيهات : الشاسيهات منقوشه نقش من العربيات الياباني برضه ptmnlo123per172 رابعا : المحركات : عمرها الافتراضي قصير اوي اوي ptmnlo123per172 خامسا : العفشه : عفشات تقليد زي الشاسيهات ( عفشات ناشفه قال ايه رياضيه ) ptmnlo123per172 سادسا : قطع الغيار و الصيانه : قطع غيار مش موجوده و اسعارها نااااااااااااار و صيانه صعبه و لازم تتعمل في التوكيلات التيييييييييييييت بتاعت العربيات الصيني ptmnlo123per111 ارجو من كل الاعضاء التعليق علي النقاط السابق ذكرها بمنتهي الشفافيه و الصدق :waving: |
رد: مواصفات العربيات الصيني في مصر
انا معاك في بعض ما قلتة
بس انا حاسس يا باشا انك قاسى شوية علي الصيني |
رد: مواصفات العربيات الصيني في مصر
البينة على من ادعى كلامك مرسل بلا حجة اومنطق دلل على كلامك ولو بماركة معينة قول فيها كيفما شئت والذى جرب هذه الماركة او حتى قرا عنها يرد عليك وشكرا
|
رد: مواصفات العربيات الصيني في مصر
التكنولوجيا القديمة وخاصة لما تكون تسعينيات او 2000 متبقاش قديمة جداً وتعتبر ميزة لناس كتير يهمهم ان التكنولوجيا تكون اعتمادية اكتر وسهل اصلاحها
لكن الواقع فعلاً فى اغلب السيارات انها بتستخدم تكنولوجيا يابانية تعود لخمس الى 10 سنوات بالكتير يعنى تكنولوجيا 2000 مش تسعينات بالنسبة للخامات فى الغالب مبتختلفش كتير عن الكورى فى نفس الفئة او الهندى او الايرانى او الماليزى بالنسبة للشاسيهات مش عيب ابدا انها تكون متاخدة من اليابانى واليابانى بياخد من الامريكانى وكله بياخد من كله اصلا عادى المحركات منقدرش نعمم انها عمرها قصير لان اغلب العربيات الصينى اللى انتشرت فعلا فى السوق لسه معديتش عشر سنين علشان نشوف شكلها وحاله مواتيرها ايه بالنسبة للعفشة معاك جدا بس مش علشان تقليد بس علشان فعلا كل العربيات الصينى اللى ركبتها بلاقى عفشتها ناشفة زيادة عن اللزوم وبدون مقابل فى الاداء الرياضى والتوازن على السرعات العالية وده فى ظنى راجع لاكثر من عامل منها نوعيات الكاوتش الستوك واداء نظام التوجية وعلو العربيات عن الارض واخيرا موضوع قطع الغيار ده موضوع اقتصادى بحت لان العربية لما بتنتشر قطع الغيار بتتوفر اكتر وبتبقى موجودة بره التوكيل وسعرها بينزل وفعلا شوفت فى المنتدى تجار كتير بيعلنو عن انهم بيستوردو قطع غيار للسيارات الصينى باسعار منافسة لكن حتى الان مازلت شايف ان اسعار قطع الغيار زيادة عن الازم خاصة فى سيارات الفئة الاقتصادية اجمالاً الصينى حل اقتصادى بالنسبة لناس كتير وهتفضل ناس تشتريه والصينين بيتطورا يوم بعد يوم احنا اشترينا الكيا برايد فى سنة 96 ب 25 الف جنية وكانت ساعتها العربيات اللى فى نفس الفئة سعرها قدها مرة ونص ومرتين وانا اول واحد كنت قرفان منها جداً وكنت شايف زى كل الناس ساعتها انها عربيات ورق وكانت العربية كلها تصميم شارياه كيا من مازدا بالظبط زى ما كل الشركات الصينى بتبداء دلوقتى ودلوقتى بعد 12 سنة العربية اثبتت كفائة وتمنها فيها وزيادة وقطع غيارها منتشرة وسعرها اوفر من كل العربيات اللى فى نفس الفئة فمتسبعدش ان الصينين يكررو نفس تجربة الكورى اللى كانت قبل كده نفس تجربة اليابانى |
رد: مواصفات العربيات الصيني في مصر
اقتباس:
اقتباس:
انما العربيات الصيني فيها تكنولوجيا مختلفه اينعم هيا تتبع للمدرسه الاسيويه في التصميم و المحركات لكن معتمدين علي نفسهم او علي شركات تصمم لهم الموتور زي الاسبرانزا كده و كلام ابو نورا مضبوط لسه قدامنا وقت علشان نحكم لكن اتوقع انها حتثبت كفائه بدليل العربيات الاسبرانزا ماشيه بقالها تلات سنين و مازلت محتفظه برونقها الخارجي الي حد ما (باستثناء الخامات الرديئه للصالون و خصوصا مقابض الابواب و مقبض فرامل اليد و الفتيس) و مافيش منها عربيه واحده بتدخن من ورا بعكس الكوري اول ما نزل مكنش من الصعب انك تلاقي عربيه اكسيل ماشيه مدخنه بعد خدمه سنتين او تلاته |
رد: مواصفات العربيات الصيني في مصر
الحاجة الوحيدة التى احسبها لصاحب الطرح انه اخرج ابداعات المعلم القدير ابو نورا ورد السيد حازم المنطقى سوف اعطى مثالا من سيارتى ال BYD F3 الموتور ميتسوبيشى 4G18 1600CC موديل 2007 الفتيس الاوتوماتيك وارد شركة نيسان العفشة مثلما وصف استاذنا القدير ابو نورا بالضبط وكانه يركب هذه السيارة معى يوميا عفشة ناشفه ولا هى رياضية ولا حاجة اما قصة السيارة الجيلى فانهم كانوا يشتروا المحرك التويوتا من شركة بيجين التى تصنع هذا المحرك لصالح شركة تويوتا ولكن فى الخباسة طمعوا وانتجوا هم هذا الموتور ولكن شركة تويوتا رفعت قضية على شركة جيلى وانتهى الامر بالتصالح ودفع المعلوم وتصريح من تويوتا واشراف على التصنيع والموتور موديل 2005 اما اقدم موتور فهو موتور الهايما فاميلى موديل 2001 والعجيب ان هذا الموتور محبوبا جدا لانه كان فى الماذدا فاميلى وكان موتور بلا مشاكل بعد المراجعات مع اشخاص كانوا يقتنون سيارات الماذدا فاميلى ولكن الهيئة المشرفة على تصنيع السيارات فى الصين راجعت شركة هايما واحثتهم لوضع موتور جديد وبالطبع نزلت الموديلات بموتور ماذدا حديث وموتور ميتسوبيشى 2007
|
رد: مواصفات العربيات الصيني في مصر
انا مثلا معى اكسبلوجان 2008 وزى الفل مش حنقول 100% لكن حلوة احسن من القديم وقطع الغيار تيريوس القديم
|
| الساعة الآن 03:13 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017