عايز اشترى فيات لينيا ...ايه رأيكم؟؟؟؟!!!!
 

السلام عليكم و رحمة الله و بركاته أخوانى الاعزاء
هذه اول مشاركة لى فى هذا المنتدى الجميل....
أولا ...كل سنة و انتم طيبين و عيد سعيد عليكم جميعا...
ثانيا...أريد أن أستشيركم في شراء سيارة فى حدود من 90000 الى 110000 ... وأنا عندى سيارة لانوس 2005 فلا أريد ركوب سيارات كوري مرة تانية ...كفاية كدة....ptmnlo123per1127
أنا ميال أوى للفيات لينيا 1400cc و 120 حصان ...عربية اقل ما يقال عليها انها مبهرة...
ياريت تقولولى ايه رأيكم فيها وايه مميزاتها وايه عيوبها؟؟؟
و لو فى حد جايبها ياريت يشارك مشكورا..... ايه نظام قطع الغيار ؟؟متوفرة برة ولا عند الوكيل بس؟؟
وهل فى بدائل تانية للفيات لينيا ولا أتوكل على الله و اجيبها؟؟؟
ياريت يا جماعة تفيدونى بسرعة...
انا عارف يا جماعة ان انا بتقل عليكم من اول مشاركة بس ده العشم من اقوى منتدى عربيات فى مصر...

مستنى ردودكم و شكرا مقدما على الافادة...

رد: عايز اشترى فيات لينيا ...ايه رأيكم؟؟؟؟!!!!
 

اتاكد من المعلومه دي

رد: عايز اشترى فيات لينيا ...ايه رأيكم؟؟؟؟!!!!
 

متأكد منها من الوكيل نفسه.....

رد: عايز اشترى فيات لينيا ...ايه رأيكم؟؟؟؟!!!!
 

يا باشا موتور اللينيا 1400cc و بيدي 77hp بس

لكن موتور البرافو هو اللي 1400cc وبيدي 120hp و مش اول trim level كمان ده تاني واحد اللي بـ 135.000 جنيه و بيكون turbo charged

ممكن يكون اللي ألك المعلومات دى من الوكيل اتلغبط وللا حاجه


بالنسبه للعربيه فهيه عربيه محترمه جدا و ؤروبي و من عائله فراري و انا كنت سامع ان كان نازل عليها عرض وصلت لحاجه و ثمنين الف لو لسه ساري يكون كويس جدا لكن لو رحعت تاني لسعرها الأصلي انا شايف ان في بدائل تانيه احسن في السوق !!

بالنسبه للصيانه و قطع الغيار بصراحه مش هأدر افيدك

سعر اعادة البيع هيكون منخفض شويه بس ده مش هيفرء معاك لو مش ناوي تبيع كمان كام سنه و خصوصا اتها عربيه معمره

رد: عايز اشترى فيات لينيا ...ايه رأيكم؟؟؟؟!!!!
 

اللينيا نازلة بموتورين واحد 77 حصان من غير تربو و التانى تى جيت 120 حصان.

رد: عايز اشترى فيات لينيا ...ايه رأيكم؟؟؟؟!!!!
 

شكرا للتوضيح .. بس هتلائي دى اللي هي بـ 130.000 جنيه مش كده ؟!!

رد: عايز اشترى فيات لينيا ...ايه رأيكم؟؟؟؟!!!!
 

السلام عليكم جميعا ....معلش أنا شوفت جهود كثيرة للرد بخصوص الإستفسار عن الينيا و بعض المعلومات كان صحيح و الأخر مش مظبوط باظبط بس أنا نزلت أوماترا كذا مرة و أخرها كان من شهر و معلوماتى اللى أنا متأكد منها هى الأتى

1- لم يعد من الينيا أى موديل ليس مزود ب التى جيت توربو .....وده كلام من الوكيل نفسه أوماترا و لن يكون هناك أى موديلات أخرى غير مزودة بتكنولوجى المواتير المزودة بالتيربو فى شركة فيات إلا فى أضيق الحدود و فى الموديلات الصغيرة مثل البونتو على سبيل المثال أما البرافو و الينيا و الجراند فجميع الموديلات من أقل إلى أعلى موديل مزود بالتيربو ......و أن وجد فلن يكون موديل 2009 و سيكون مخزون وليس لدى الوكيل

2- جميع موديلات البرافو الينيا حاليا 125 حصان إلا موديل البرافو الوحيد وهو الأعلى فئة وهو 150 حصان و ثمن السيارة 177.000 جنيه

3- الينيا تبدأ من 85.000 و حتى 120.000 أعلى فئة و جميعها مزود بخاصية التى جيت تيربو تشارج.....فروق الأسعا أسبابها الجنوط و المريات الكهرباء و كماليات ليس لها أى علاقة بالموتور .....جميع المواتير 1400 سى سى و 125 حصات تى جيت تيربو

4- تقييم السيارة.......سيارة مناسبة عائليا و شكلها جميل و قوية و سحب ناعم و قوى فى نفس الوقت ....عيوبها تتمثل فى و دى نسبيه من شخص لأخر أن التابلون الأمامى تقليدى و عيب يخص ال 77 الموديل 2008 أنها ثقيلة جدا نتيجة صغر حجم الموتور و العزم على حجم السيارة

5- قطع الغيار تماثل قطع غيار اليبانى الميتسوبيشى مثلا و أن كانت أرخص فى بعض الأجزاء التى تخص العفشه ...مساعدين و مقصات ....أما الأاكسسوار ....فوانيس و مقابض و خلفة فا مش هين أبدا و يكاد يقارب أسعار الهوندا

6- نظرة على السيارة كعلامة تجارية ............سيارة لا يعلى عليها و قوية نظرا للمصنع الإيطالى الشهير و سيارة تستحق كل قرش هايدفع فيها و يعتمد عليها................أما مشاكل الفيات العامة فهى تنحصر فى نقطه واحدة...مشاااااااااااااكل كهربائية

7- إعادة بيع ....أسف جدا من قال أنك مش هاتخسر كتير غلطاااااااااااااااااااان ....لأن إعادةبيع الفيات سىء جدا يعنى العربية دى كمان 4 سنين مش هاتجيب نص ثمنها لأنها فئة سيارات عاليه فى الفيات ...عن تجربة أنا كان معايا برافا جبتها ب95.000 و بعتها بعد 5 سنين ب 38.000 .................؟؟؟؟؟ و السيارة ماكنش فيها الهوا و صيانة وكيل بس هيا ماجبتش أكتر من كدا و أتشحتفت عشان أبيعها


كل المعلومات الفنية من الوكيل و العارض أوماترا ....أما الأراء فهى شخصية عن تجربة إقتناء للفيات البرافا و الفيات البونتو

أشتريها ب120.000 .......لأ.....ليه ..........عشان ب 120.000 فى حجات كتير أينعم ليست بنفس القوة بس مش وحشة و سعر إعادة بيع أحسن بكتير.....إذا كنت بتفكر فى إعادة البيع.......لكن لو مش هامك و عاوز تركب ركوبة بجد .......يبقى هاتها وأنت مطمن أنك هاتتمتع بتمن فلوسك