افيدوني فى نقل ملكية 127
 

السلام عليكم

انا معايا عربية 127 موديل 84 شاريها من 4/2013 والرخصة لسة لحد 2015 ان شاء الله ,, ومعايا العقد والتوكيل وكل حاجة

دلوقتي انا ان شاء الله هنقل الملكية ليا ,, وانا تبع المرور المالك القديم ,, مرور فيصل

فاياريت اللى يقدر يفيدني فى الخطوات من " أ " لـ " ي " ,, واطول مدة ترخيص كام سنة

ومعلش هاتقل عليكم المصاريف بتبقي كام والضرايب والحاجات دى عشان لسة اول مرة
:01F577~130:

رد: افيدوني فى نقل ملكية 127
 

حجاوب حضرتك على حد علمى البسيط .. على ما احد الخبراء يجاوب حضرتك بالتفصيل ان شاء الله

حضرتك بتجيب مخالصة من نيابة المرور الى العربية تبعها ( مخالفات ) بالتوكيل الى مع حضرتك ..و من الممكن انهم يطلبوا اصل اللوحات المعدنية !!! تاخدالمخالفات و تروح شباك المرور ومعاك العقد و التوكيلات ( فى حالة وجود اكتر من توكيل ) حتى المالك الاصلى و تقوله انك عاوز تعمل نقل ملكية .... و حيوديك تعمل فحص ... و تغير التأمين الاجبارى
انا سمعت انك لازم تجيب استعلام امنى من قسم الشرطة ... علشان حوادث السرقة للسيارات فى الايام الاخيرة
و بعد كدة حضرتك حتجدد الرخصة حتى 2015 من غير ما تدفع ضريبة على السيارة فى هذه السنة
و بكدة ... حتطلعلط رخصة باسمك ... و لمدة عام واحد .. و فحص حتى 2017 ... و تيجى السنة الجاية ان شاء الله تجدد الرخصة فقط .. مع شهادة مخالفات جديدة .. و تجديد 3 سنوات كحد اقصى
و تيجى سنة 2017 ... تفحص تانى .. و تقف فى الشباك تانى و ورق و دوخة تانى .. علشان بس تكتب فى الرخصة الفحص حتى سنة 2020

انت بتعمل فحص فى حالة نقل الملكية .... او فى حالة مرور 3 سنوات على الفحص السابق ...
نقل الملكية ملهوش دعوة بالضريبة السنوية على السيارة

علشان متوجهش دماغك من مشوار المرور .... تعمل الاثنين فى يوم واحد .. و تفضل تعمل كدة ... نفس يوم ما تجدد تفحص و تخلص نفسك

فحضرتك ممكن تستنى كمان سنة ... و تفحص و تنقل الرخصة و تدفع 3 سنوات تجديد و تخلص نفسك

او حضرتك ممكن تروح و تغير رخصة بس باسمك و تخلى الفحص السنة الجاية

نصيحة واحد صديقى ... لما تشترى عربية ... اول حاجة تعملها تروح تغير الرخصة باسمك و تفحص و بالمرة تجدد 3 سنوات ... علشان تكون خلصت من مشوار المرور ل 3سنوات قادمة باذن الله

فى انتظار احد الاخوة العالمين اكتر بموضوع المرور ده

رد: افيدوني فى نقل ملكية 127
 

هى الرخصة لسة لحد 5 / 2015 فا استني لحد ماتخلص واروح انقل واجدد ولا ايه

رد: افيدوني فى نقل ملكية 127
 

عذرا ... دى وجهات نظر ... انا لو مكانك كنت رحت نقلت ملكية تانى يوم ما اشتريتها ... و جددت 3 سنوات و فحصت و خلصت قصة المرور دى تماما ... انا مبحبش يكون عليا ورق او اى اجرائات تتعمل و اسيبها ... و بحب دائما فى البيع و الشراء تكون المعاملات اقصر ما يمكن
لو حضرتك تقدر تستنى كمان سنة ... يكون اوفرلك و انا ما انصحش بكدة
لو مش حتقدر .. اتكل على الله روح و جدد 3 سنوات و انقل ملكية و افحص كله مرة واحدة
و ربنا يوفقك للى فيه الخير

رد: افيدوني فى نقل ملكية 127
 

انا كان نفسي اعمل كدة بس وقتها العربية كانت محتاجة سمكرة ودوكو والواحد كان على الحديدة بعيد عنك :F_14WA~16[1]:

رد: افيدوني فى نقل ملكية 127
 

انا فاهم نقطة زنقة الفلوس دى بعيد عنك
ربنا يوفقك :12EA7A~153:

رد: افيدوني فى نقل ملكية 127
 

تمااااااااااااام اوى الله ينور عليك استاذنا ahmed_eng2001
ahmed_eng2001 لكن من واقع خبرة لمدة كبيرة فى العربيات والمرور
انصحك تمشى زى ما انت كدة لسبب واحد مش اكتر انك ربنا يزيدك وتبيع وتكبر العربية شوية
او تستنى لما تستريح معاها ولو طلعت بنت حلال ومالة لما تقعد
خصوصا ان العربية فيها رخصة طويلة
لكن لو مش عاوز .......اسهل حاجة فى الدنيا انك تنقل ملكية وانت تبع نفس المرور والخطوات كالتالى
1- تروح بدرى تقف فى شباك نياية المرور تجيب شهادة برائة زمة ( شهادة مخالفات ) وحضرتك مش مطالب انك تجيب استعلام امنى لان الاستعلام الامنى اولا بيجى من المرور مش من قسم الشرطة ودى مفادها ان العربية مش مبلغ بسرقتها فى المرور انما محضر سرقة العربية دة شىء تانى لة شق جنائي
2- تشترى نموذج فحص وتجديد من الخزنة
تملأ النموذج بيانات اساسية للسيارة
3- تخلى عامل رفع البصمة يرفع بصمة شاسية وموتور
4- تروح تختم ورقة شهاادة صلاحية الطفاية
5- تدفع التامين الاجبارى للمدة المطلوبة وفى حالتك لو عاوز 3 سنوات هنا فى تركة صغيرة
مفروض تجيب ملحق للمدة المتبقية فى التامين الاجبارى ودى تجبعها من نفس شركة التامين المكتوبة فى الرخصة او لو معاك الورقة الحمراء هاتغنى عن الملحق
لكن التامين الاجبارى عند حضرتك اعتقد السنة بـ 80 جنية وما تبقى من السنة هو نسبة مئوية من الـ 80 جنية
والملحق تكلفتة 6 جنيهات ......يعنى اقصد انك لو تعثر عليك ايجاد شركة التامين السابقة ادفع الـ 3 سنوات تامين اجبارى عند اى شركة تامين بحوالى 240 جنية
ونموذج الفحص والتجديد بدمغاتة بحوالى 30 جنية عشان نسيت اقول سعرة فى فقرة رقم (2)
6- حضرتك مش مطالب انك تجيب مطابقة بصمة لانها نفس المرور
7- حضرتك مش مطالب انك تغير اللوحات لانها نفس المحافظة
8- هاتتجه الى شباك نقل الملكية ومعاك

- اصل الرخصة
- اصل عقد البيع المسجل
- اصل التوكيلات السابقة ان وجد
- شهادة المخالفات
- صور بقى من كل حاجة
9- هاتدفع الضريبة ولو قلنا انك هاتجدد لمدة 3 سنوات يبقى هاتدفع 2 سنة فقط لان الرخص مكتوب فيها نهاية الضريبة حتى 4-2015 مش فاكر ضريبتها كام بصراحة
بالتوفيق