اسكودا 98
 

السلام عليكم اعضاء هذا المنتدى الكبير -ربنا اكرمنى واشتريت اوكتافيا 98 والعربيه كويسه كبودى وموتورsr الكبير وعفشه وصالون وفيها فتحة سقف وخلصت على 66
وبعد ماشتريت قلت ارفع العربيه واعملها صيانه تغيرزيت وسيور وخلافه المهم غيرت سير الدينامو والكرتيره كان فيها 3لحامت و بتندع زيت لايذكر وانا ماشى العربيه سخنت والمهم طلعت المروحه مش شغاله فروحت اصلحها الصنايعى قلى المروحه دى مش متوصله صح والتكيف متركب على العربيه لان العربيه دى نزله من غير تكييف المهم رجع المروحه على الفيوز بتعاها وفصل التكييف وقلى الشغل ده مش مظبوط لازم ضفيرة تكييف ووصلات التكييف فيها شغل المهم ياعم اعمل حسابك فى 1500:2000 جنيه قلتله انا مش جاهز دلوقتى وربنا يسهل -- من كام يوم كده مع تدوير العربيه الصبح بلاحظ عدم ثبات عداد rpm بيطلع وينزل وساعات العربيه تبطل لازم افضل ساند رجلى على الدواسه لغايت ما تمشى ويثبت بعد كده رحت للميانيكى قلى ترموثتات حراره غيرت ترموثتات ب130ومصناعيه 50 بس المشكله ما تحلتش برده فقلقت من الصنايعى ومروحتش عنده تانى وانا من الاسماعيليه وعاوز حل من الاخوه الاعضاء واو مكان محترم اروح عنده بالعربيه ويعمل اللازم وشكرا لكم واسف على الاطاله:Love:

رد: اسكودا 98
 

هى لو فيها صمام ايدل او اتوماتيك شوك شكله بيعلق
احتمال فك و تنضيف الصمام و البوابة بالمرة يجيب نتيجة

رد: اسكودا 98
 

شكرا على ردك يا باشا بس اناكنت عاوز مكان محترم اروح عنده بس اهم حاجه يكون صنايعى ومحترم عشان ميشتغلنيش لان انا على قدى خالص ومرة تانيه متشكر جدا

رد: اسكودا 98
 

العفو يا باشا
و ان شاء الله حد من الاعضاء الكرام يبقى عارف حد كويس فى الاسماعيلية

رد: اسكودا 98
 

لا انا كنت عاوز حد فى مصر فى الحرفيين او اى مكان حضرتك بتثق فيه لان فى عندنا بعافيه شويه وشكرا ليك يا باشا

رد: اسكودا 98
 

السلام عليكم اخى احسن مكان تروف فية هو مركز خدمة اسكودة ودة فى جسر السويس خلف حديقة بدر واسئل على المهندس هانى دة يا اخى متخصص فى الاسكودة والفلوكس واجن وانا بروح عندة من ساعة ما اشترية العربية الاسكودة بتاعتى وهى موديل 2003 وحصل معى نفس اللى حصل معاك المروحة مش اشتغلت فجاة والعربية سخنت روحت لكهربائى قلى نفس الكلام اللى قالهولك الكهربائى انا مش عجبنى كلامة روحت المركز كشف كمبيوتر طلع فيها مقاوم المروحة محروقة غيرتها واشتغلت تمام انت لما تروح هنا مش تقولهم اعملوا كذا فى العربية هم حيعرفوا فيها اية ويعملوة وكمان فيهم ميزة انة انت اللى تشترى قطع الغيار وهم يركبوا بس حتسلم عربية تمام وبلاش عك الصنايعية للعلم انا زى زيك امتلك عربية ولا لية مصلحة من قريب بس علشان اساعد بجد والله ناس محترمة انا نفسى بعمل كل شغلى عندهم ونصيحة متخليش حد يلعب فى عربيتك خصوصا الالمانى

رد: اسكودا 98
 

شكرا على ردك وان شاء الله هروح عنده الاسبوع الجاى وهقول لحضرتك ايه الى تم معايا بس لو امكن رقم تليفون عشان اكلمهم قبل ما اروح