|
مقاسات كاوتش اكسنت RB
السلام عليكم معلش لي سؤال كثير من الأعضاء سأله من قبل ولكني اريد ان استزيد علما ومعرفه المعروف ان كاوتش الأكسنت RB هو 14 175/70 او 16 195/50 ده المقاسين الأستاندر بتاع العربيه والناس بتركب مقاس 14 185/65 لكي تعطيها ثبات اكثر وسؤالي هنا لو ركبت 14 185/70 هل سوف يحك في الرفرف من الداخل ولا سيكون مظبوط ولا توجد مشاكل ياريت لو حد مركب المقاس ده يفيدنا والغرض هو تعلة العربيه قليلا مع اعطاءها ثبات وايه انواع الكاوتش واسعاره هذه الأيام واماكن البيع المحترمه والمضمونه وآسف للأطاله والله المستعان |
رد: مقاسات كاوتش اكسنت RB
السلام عليكم ايه يا رجاله ويا اعضاء المنتدى الكرام ما فيش حد عنده اي فكره عن المقاس ده هيشتغل ولا يحك في الرفرف من الداخل والله المستعان |
رد: مقاسات كاوتش اكسنت RB
اعتقد انها مش هتحك بما ان العربية بتنزل بكاوتش عرضه 195 يبقا مش مشكلة لو كاوتش عرضه 185
|
رد: مقاسات كاوتش اكسنت RB
السلام عليكم الحمد لله حد رد عليه وعبرني بس المقاس 195 بيكون على 50 يعني بيقلل في الأرتفاع وبيكون نفس ارتفاع 175/70 انما 185/70 بيكون اكثر ارتفاعا من المقاس الأصلي والله المستعان |
رد: مقاسات كاوتش اكسنت RB
خلينا نتفق الاول
مقاس الفابريكة R14 175/70 والمقاس اللي حضرتك بتفكر تركبه R14 185/70 يعني الارتفاع واحد بس عرض الكاوتش هيزيد ومش مشكلة لان الجنط 16 اللي بينزل في العربية اعرض من كدا كمان بالنسبة للجزئية اللي حضرتك بتقولها لو حسبتها هتلاقي ان الجنط 16 اعلى من ال14 لانك هتحسب قطر الجنط + ارتفاع الكاوتش المهم اختصار الموضوع ان قطرالجنط 16 بالكاوتش وفردة الجنط 50.5 سم والجنط 14 قطره 49.5 سم يعني ان شاء الله مش هتحصل اي مشكلة وان شاء الله واحد اكثر خبرة مني يفيدك اكتر |
رد: مقاسات كاوتش اكسنت RB
السلام عليكم معلش كده واحده واحده وفهما لي اللى اعرفه ان المقاس 175/70 بيكون العرض 175 ونسبة ارتفاع الكاوتش 0.7 من الكاوتش فبيكون الأرتفاع 175*0.7 =122.5 اما ال 185/70 فيكون العرض 185 والأرتفاع 0.7 من العرض اي الأرتفاع 185*0.7 = 129.5 اي ارتفاع الفرده اعلى من المقاس الأول لكن الفرق ده سيكون في القطر ولا في نصف القطر والله المستعان |
رد: مقاسات كاوتش اكسنت RB
السلام عليكم
نمسك الموضوع واحده واحده لازم قطر الجنط الأصلي بالكاوتش = قطر الجنط بالكاوتش (فيه سماح بسيط) علشان لفه العجله علي الأرض متخلفش السرعه مع عداد السرعه للعربيه يعنى لو الجنط الجديد بالكاوتش قطره أصغر من الفبريكه سرعه السياره هتكون اعلي من سرعه العداد امامك (العربيه سرعه 120 وأنت شايف ادامك علي العداد 105 مثلا) والعكس صحيح - يفضل تركب (رينجات) مع الجنوط السبورت وديه حلقه من ماده ما بين البلاستيك والكاوتشوك بتركب حولين الكوره ألي طالعه فى وسط الطنبور والجنط بيركب عليها الرينجات بتقلل احساسك بضرضره الطريق (أوعي تجيب الرينجات الحديد , ديه اشتغاله) نيجي لارقام الجديد ال R من 13 و 14 و 15 و 16 ده قطر الجنط (الحديد) ال 50 و 55, 60, 65,70, 75 ........ ده علو الكاوتش ال 165و 175, 185 , 195 , 205و 215 ده عرض الكاوتش نيجي للشراء لو هتكبر مقاس الجنط من 13 الي 15 يبقي تقلل علو الكاوتش علشان العداد + مساحه الكرتيره اللي الفرده بتتحرك فيها لو هتعرض الجنط وده ملهوش اي علاقه بمقاس الجنط ممكن تركب 215 علي 13 بس لازم تحسب المسافه من الطنبور الي الرفرف (علشان متحكش الكاوتش في الرفرف مع التقل او مطبات الهواء) بالنسبه للحسبه اللي انت حاسبها فوق (انا اسف) مينفعش نضرب العرض فى الأرتفاع الناتج ملهوش دعوه بارتفاع الجنط |
| الساعة الآن 11:18 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017