موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

السلام عليكم ورحمة الله وبركاتة
من الاخر ياجماعة انا سمعت بل اتاكدت ان الجمارك علي العربيات هتقل10في الماية
يعني العربيات هترخص جدا نتيجة لكدة وناس كتيرة عزفت عن الشراء مستنيين يجي الوقت دة
علشان يشتروا
وبصراحة انا خايف جدااااااا لاني عايز اشتري العربية دروقتي ومحتار وقلقان اشتريهه وبعد كام شهر الاقيها
قلت 10الاف جنية ان لم يكن اكثر علي حسب دربكة السوق كمان
ارجو من اهل الخبرة توضيح الامر وهل تخفيض الجمارك لايعني بالضرورة ان تمن العربيات يقل ولا ممكن يثبت
وياريت الي يرد يجيب عبر من التاريخ لفترات متشابهه جوة مصر كان فيهه الحكومة اعلنت ان الجمارك هتقل
واسعار العربياتت فيهه ثبتت
ياريت نتكلم في النقطة دي
ياريت كل خبير يدينا راي بالموضوع دوة

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

و الله أنا على طول سنين عمرى ( 54 سنه ) لم أرى شيئآ أبدآ رخص فى مصر الا البنى آدم ! ptmnlo123per144

ملحوظه ( أنا بحب العيش و الحلاوه ! و ممكن ساندوتش فوووول ) ! ptmnlo123per1147


Dr. Bolbolan ptmnlo123per1127

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

كلامك مظبوط بس اللى هيقل مش سعر العربيه, الجمارك على العربيه هى اللى هتقل 10% وللعربيات الاوروبيه بس يعنى مش هيبأه فى فرق كبير . والكلام ده فى 2010 وعلينا خير.

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

عزيزى وضح انت اتاكدت من ازاى
اولا الجمارك عن السيارات الاوربية 10% فى 2010 بس تعال اقولك حاجة مهمة هو التخفيض هيحصل والعربيات مش هتزيد قبلها يعنى زيادة منقوصة
عمرى طول عملى فى المجال دة وغيرة من مجالات متم تخفيض اى شى او اى سعر قل بالعكس لو راجعت اسعار السيارت من شهر ماضى او اكثر هتجد ان فى ارتفاع فى الاسعار ولسة هتزيد تانى

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

الكلام ده نزل فى الجرايد القوميه وعلى لسان رئيس مصلحة الجمارك مش لسانى وده اللى قاله:

أكد أحمد فراج سعودي رئيس مصلحة الجمارك وكيل أول وزارة المالية أنه سيتم اعتبارا من العام القادم 2010 تخفيض الرسوم الجمركية على السيارات المستوردة من أوروبا بنسبة 10% وذلك في إطار تنفيذ التزامات مصر تجاه اتفاقية الشراكة بين مصر والاتحاد الأوروبي.

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

فى الاول اوالاخر هبوط الجمارك برضة هيفرق فى سعر العربية بل وهيعمل زعزعة للسوق شوية يعنى على سبيل المثال السنة الى فاتت كانو بيناقشو فى مجلس الشعب عن تكهين العربيات الملاكى او التاكسى الى مر على انتاجها اكتر من 30 سنة هما نفذوة على التاكسى وكانو عايزين يطبقوة على الملاكى وطبعا خبر ذى دة هز الاسعار شوية يعنى مثلا
الريجاتا كانت =من28000 :30000 بعد الخبر25000
الداتسون 140 كانت من 22000 :24000 بعد الخبر 15000
داتسون 160 كانت 26000 بعد الخبر18500
تويوتا كرسيدا كانت 28000 بعد الخبر 20000
فيات تمبرا كانت 42000 بعد الخبر 30000
من خلال كل ما سبق ذكرة يتضج الاتى ان مثل هذة الاخباربحكم تعاملى فى السوق تثير الزعزعة على الاسعار ولو حتى زعزعة يسيطة

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية
 

مع احترامى لكلامك يا استاذ مينا فى خبر اكبر من الازمه الماليه وان اكبر شركات صناعة السيارات فى العالم اللى افلس منها واللى بيحقق خساير وان اسعار السيارات نزلت فى العالم كله الا مصر . السوق بتاعنا مش بيعترف بالحاجات دى ,واذا نزلت الاسعار هتنزل حاجه بسيطه صدقنى ده اذا نزلت أصلاptmnlo123per144