مصر موتورز مجتمع السيارات - مشكله حدثت في سيارتي اكسارا 1

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مشكله حدثت في سيارتي اكسارا 1 (https://www.masrmotors.com/vb/showthread.php?t=23304)

مشكله حدثت في سيارتي اكسارا 1

أنا عندي اكسارا 1 وبعدين انهارده بعد ما شغلت العربيه وأثناء ما انا مستنيها تسخن فوجئت برعشه فجأه وبعدين السياره طفت فجأه ومرديتش تدور تاني قلت يمكن البنزين خلص لأن عداد البنزين معلق فرحت جبت بنزين في جركن وحطيت البنزين في العربيه بس برده بتدي مارش ومبتلقطش خالص ياريت اللي يعرف يفيدني يا ترى أيه اللي ممكن يكون حصل علشان أنا بعيد عن الميكانيكي وكمان بكره الأحد وبعده شم النسيم يعني اجازه وبعدين أنا مشغول في العمل غير أن أي ميكانيكي حيقولي هات العربيه وهي مش بتدور فيا ريت اللي يعرف يفيدني جازاكم الله كل خير.

رد: مشكله حدثت في سيارتي اكسارا 1

ممكن والله اعلم ان يكون فيه مشكله في الكاربيراتير لو هي كاربيراتير او فلتر البنزين لو هي انجكشن

رد: مشكله حدثت في سيارتي اكسارا 1

هو الواضح انها مشكلة تغذية بنزين او اشعال وديه حاجات صعب تشوفها بنفسك لازم ميكانيكى حاول تشوف ميكانيكى يجيلك او واحد صاحبك يقطرك لحد ميكانيكى او مركز خدمة كويس بس متقلقش بسيطه ان شاء الله وطمنا عملت ايه

رد: مشكله حدثت في سيارتي اكسارا 1

اقتباس:

المشاركة الأصلية كتبت بواسطة iprahim_refaat (المشاركة 159795)

ممكن والله اعلم ان يكون فيه مشكله في الكاربيراتير لو هي كاربيراتير او فلتر البنزين لو هي انجكشن

شكراُ للرد والأهتمام عامة هي السياره إنجكشن وليست كاربتير وفلتر البنزين لسه جديد مكملش شهر وأنا أشتريته النوع الغالي فرنساوي الصنع علشان يكون كويس ويقعد فتره طويله.مرة أخرى شكراً للأهتمام

رد: مشكله حدثت في سيارتي اكسارا 1

اقتباس:

المشاركة الأصلية كتبت بواسطة AboNoRa (المشاركة 159875)

أشكرك جداً للتوضيح والأهتمام وأعتقد أن كلامك صحيح أنا حاسس أن في مشكله في الانجكشن هي المشكله دلوقتي أن أحنا في يومين اجازات وبعدين أنا مسافر يومين متتالين يعني مش حفضى قبل الجمعه إن شاء الله بس تقريباً مفيش حل غير أني أنتظر لحد ما أخدها للميكانيكي وإن شاء الله حبقى أطمنكم لما أكتشف أيه اللي فيها ويتصلح بإذن الله.كل الشكر والتقدير للرد والأفاده.