بونتو كلاسيك ولا رينو لوجان
 

ايه رأيكم فى بونتو كلاسيك ولا رينو لوجان
ما هى عيوب الاثنين
شكرا

رد: بونتو كلاسيك ولا رينو لوجان
 

انا حتكلم عن البونتو كلاسيك لاني كنت حشتريها زيرو و مقتنع بيها جدا و عن تجربه
العربيه ظريفه و موتورها معقول علي حجمها و التكييف مش مؤثر فيها للدرجه الكبيره
استهلاك البنزين رائع و ثباتها علي الطريق جميل جدا
حجمها صغير نسبيا لكن مريحه في الركوب و تقفيلها نضيف جدا
مش بس كده و كمان فيها باور كهربا بيخلي دركسيونها
امتع دركسيون عربيه ممكن تركبيها في حياتك كلها!!!!
عيوبها بالنسبالي ان تجميعها بطئ فوق ال 130 كم/س
لكن بتوصل لسرعات عاليه لحد 170 كمان لكن بتاخد زمن كبير من 130 الي 170

اللوجان عربيه تقفيل روماني مصممه لدول العالم التالت و لذلك خامتها و امكانيتها متواضعه
و لا تقارن بالبونتو اطلاقا من حيث الاعتماديه او جوده التقفيل ولا حتي الشكل لان شكل البونتو افضل بمراحل
ميزتها الوحيده هيا الشنطه الكبيره فقط.

رد: بونتو كلاسيك ولا رينو لوجان
 

بس يا حازم باشا حضرتك نسيت حاجه مهمه جدا
ان محرك اللوجان 1600 سي سي اما محرك البونتو 1300 سي سي
و ثانيا و دي حاجه انا احب اضيفها
كل اللي ركبوها شكروا في العفشه بتاعتها ( اللوجان )
و انا شايف ان اللوجان بقت منتشرره حاليا اكتر من البونتو
و توكيل فيات توكيل مش كويس اما توكيل EIM توكيل كويس نسبيا عن اوماترا
و دي وجهه نظري المتواضعه

رد: بونتو كلاسيك ولا رينو لوجان
 

و انا ما قولتش يسا برو ان البونتو اقوي بالموتور بالعكس انا قولت ان تجميعها فوق ال130 قليل
و ما اعتقدش ان فيه حد حيغامر بروحه و يجيب السرعات العاليه علي طرقنا الجميله دي
خصوصا انها عربيه مدنيه في الاول و الاخر
اما بالنسبه لموضوع التوكيل فاوماترا عندهم متخصصين و ناس فاهمه جدا و بيحاولوا يحلوا اي مشكله
و مش مهملين ولا بيكبروا دماغهم زي غبور مثلا
انا بحب لما اركب عربيه عموما اركب عربيه ليها اسم
انما اللوجان عباره عن رينوز و بتصنع تحت اسم داتشيا في رومانيا و حطوا عليها
علامه رينو و نزلت مصر علشان معروف اكتر من داتشيا و سمعته افضل بالتاكيد
انا مش بعترض علي اللوجان لكن كاعتماديه و تقفيل البونتو افضل
لكن لو عاوز عربيه اكبر نسبيا ممكن الواحد يفكر في اللوجان

رد: بونتو كلاسيك ولا رينو لوجان
 

انا و الله مكنتش بنتقد رأيك
بالعكس انت رأيك تمام بس حسستني من ردك الاولاني ان البونتو احسن من اللوجان في كل حاجه فعشان كده انا علقت علي كلامك
و عموما زي ما انت قولت البونتو افضل كخامات و تقفيل
و انا ليا الشرف عشان تناقشنا سوا