مصر موتورز مجتمع السيارات - محتار يا جماعة بليز

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - محتار يا جماعة بليز - شيفرولية لانوس 2012 (https://www.masrmotors.com/vb/showthread.php?t=67538)

رد: محتار يا جماعة بليز وارجو المساعدة

الف مبروك وربنا يديلك خيرها ويكفيك شرها وشر الطريق
بس ياريت تفصيل ممل عن مزايا ال 2012 كلها وياسلام لو بالصور
وتقبل خالص تحياتى

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة blade2011 (المشاركة 510829)

محتار اوى يا جماعة :الموضوع باختصار انى استقريت على الشيفرولية اللانوس 2012 وكدة واستقريت على بنك عودة كبنك اللى هايقسطلى واستقريت بردة على المصرية اللى هوة المعرض الى هايدنى العربية بس اللى محينى بردة كزا حاجة وعاوز بجد رايكم فيها بجد يا جماعة ضروروى :
1-انا عاوز لانوس حبيت شكلها بس لما بقرا اللى بيكتبة الاعضاء هنة على اللانوس الجديدة بلاقى انها احسنلها تشتغل عربية كبدة بجد مشاكل كتير اوى ليها وسوء تقفيل فا بجد بليز دلونى يا جماعة
2-هل الفيرنا احسن بجد منها يعنى ولا اية انا بصراحة انا حابب شكل الانوس الجديدة جدا وخاصة 2012 والازاز الفامية وكمان شكلها متغير شوية من جوا من 2011 من حيث الطارة والفرش وكمان الكاسيت وكمان استريحت فى قدتها عن الفيرنا حيث ان انا طويل 185 سم وحسيت انى مرتاح قدام وورا كمان بس الاعضاء هنة بجد محسسنى انها ماتنفعش الا عربية كبدة فا انا قلقان اوى بجد
3-انا هاقسط مع بنك عودة هل بنك عودة كويس ولا مقرف فى التعامل ولا اية وخاصة انى ماينفعش اقسط مع بنك تانى لظروف شغلى هوة فيلم كدة بس فعلا طلع ماينفعش اة انا مرتبى كبير بس انا لا بقبض بشرايط قبض ولا محول مرتبى على بنك انا حاجة كدة اسمها فى الدولة صناديق خاصة يعنى فا يعنى ماينفعش احول مربتى تبع بنك فا عشان كدة ماينفعش فى حالتى الا عودة او البنك الوطنى وقولت عودة عشان ناس زمايلى مقسطين عندة بس انا حبيت اعرف منكوا هل تعاملوة رخم يعنى ولا هل فى خطورة وهل فعلا ان انا هامضى على شيك بمبلغ القسط فى سنة او نصف سنة
4-التامين انا عاوز اعملة مع مصر للتامين هل كويس ولا مش كويس وهل لا قدر الله لو جرا حاجة فى العربية فعلا هايعملها ولا لا
5- المشكلة الازلية بتاعتى انى مش اد كدة فى السواقة بصراحة هل دة مشكلة فى ظل اول عربية ليا زيرو بس انا فعلا دورت كتير والله على مستعمل ومالقيتش حاجة كويسة وكنت هالبس فى اكتر من واحدة اى كلام بس ربنا بينجينى على اخر لحظة عشان كدة اتعقدت وقولت اهو الزيرو زيرو بس انا خايف من موضوع السواقة بصراحة هل فعلا هابهدل العربية فعلا بس انا شايف ان الخبطات والحوادث بتاعة ربنا يعنى العربية بتبقة تحت البيت يعنى وبتتخبط
6-المصرية كويسة ولا لا
7-اهم حاجة عاوز اركب انذار هل لو ركبتة الضمان هاتيتلغى ولا اية عشان الاعضاء هنة بيتشكوا جدا من الموضوع دة
8- اخر حاجة لو ربنا اراد وشاء هاستلم اية مع العربية

بجد انا اسف يا جماعة انا طولت عليكوا بس اخوكوا قلقان اوى اوى اوى اوى :k_crying77[1]: ومش عارف يعمل اية وخايف بردة مااكدبش عليكوا بس بجد يا جماعة ساعدونى فعلا انا محتاج مساعدتكم

السلام عليكم أخى الكريم
أنا ربنا من عليا واشتريت لانوس 2012
الحمد لله العربية مميزاتها كتير وناعمة فى المشى وفيها كمليات كويسة زى الزجاج الكهربا والزجاج الملون خلفى وجانبى خلفى .
تقدر تقول أفضل من فئتها بكتير .
بس لا تخلى ايضا من العيوب وأهمها .
الفرامل ضعيفة جدا بخاف أجرى بيها عشان الفرامل .
سحبها فى البداية ضعيف يعنى وانت طالع من اشارة بتزهق الى ورتك بس بعد ثوانى مبيشفوش عربيتك من سرعتها ما شاء الله .
ممكن تكون بتعوم بسيط لو سبت الدركسيون تحدف شمال شوية .
شكلها متغيرش من 12 سنة .
بس كل شىء تانى فيها روعة .
بس لو قررت تشتريها أبعد عن اللون النبيتى عشان ده لون عبيتى !!!!!!!!!! هههههه. لا بهزر عشان بيلم تراب ديما خليك فى اللون الفاتح .
ارجوا ان اكون افدتك أخوك محمد حسن .:Love_letter:

رد: محتار يا جماعة بليز وارجو المساعدة

طيب استاذنك فى صور ليها علشان نشوف فين زرار السخان بتاع الازاز ونشوف لون الفرش الجديد اللى بيقولوا عليه

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة m0hsen (المشاركة 526754)

طيب استاذنك فى صور ليها علشان نشوف فين زرار السخان بتاع الازاز ونشوف لون الفرش الجديد اللى بيقولوا عليه

للأسف معنديش صور بس قريبا ان شاء الله هرفع صور .
بس مفيش أى تغيير إلا فى الزجاج المظلل الخلفى والجانبى . أما الفرش نفس القديم بس فرش الأبواب اتغير لساده .
لا يوجد زرار للسخان الزجاج الخلفى فقط مكان للزرار بجانب زرار الأنتظار ولا أدرى كيف يعمل . الجديد أيضا فى تحديث الكاسيت الكينوود .
أرجوا أن أكون أفدتك.

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة M.Hassan abd El rahim (المشاركة 527427)

لا يوجد زرار للسخان الزجاج الخلفى فقط مكان للزرار بجانب زرار الأنتظار ولا أدرى كيف يعمل .

مفيش زرار للسخان مكان الزرار مقفول بحتة بلاستك والسخان منصور لغاه كنوع من انواع توفير النفقات .... :ROFL_C~118:
الاجمل من كده ان كتالوج العربية موضح مكان الزرار وشارح طريقة عمل السخان وده لأن الكتالوج اساسا متغيرش من ايام دايو لانوس وكل اللى اتعمل انهم غيرو كلمة شيفرولية مكان كلمة دايو ومش فى كل الصفحات كمان فى صفحات لسه مكتوب فيها دايو وكل الرسومات التوضيحية الشعار المرسوم دايو .

اعتقد ان منصور معتقد انه منزل العربية دى كنوع من انواع رفع العبء عن الجماهير الكادحة فمفيش داعى الجماهير الكادحة تلتفت للحاجات الصغيرة دى زى الغاء السخان الخلفى او ضبط الكشافات الامامية من الزرار اللى جنب تحكم المراية الكهربا (( وشوية حاجات صغننة كده))
.... كل الرفاهيات دى متوضحة فى فيديوهات العربية الموجودة بالخارج على اليوتوب ... مش هنقول الكماليات علشان اساسا المفروض ان العربية كاملة فول اوبشن.

رد: محتار يا جماعة بليز - شيفرولية لانوس 2012

اتعلم حلو الاول علي عربية مستعملة ومتحطش فلوسك كلها في مستعمل يعني مثلا جيب 128 او 131 او شاهين المهم حاجة تبهدلها براحتك . فانوس ال128 لو خبطته هتركب غيره ب20 جنيه شوف لو زيرو تمن زعلك عليه بس بكام؟ فكر ومتستعجلش ولو جبت مستعمل خلي حد فاهم معاك بس تبقي واثق فيه اوي وربنا معاك

رد: محتار يا جماعة بليز وارجو المساعدة

اخي من نجربتي مع المستعمل لا انصح به نهائيا زي ما حضرتك قلت زي البطيخه الزيرو زيرو تاخد انت زهوة العربيه مش مشاكلها و النوع ده حسب راحتك وكل واحد له وجهة نظر مستحيل الناس تتفق