رد: شويه اسئله علي عفشه الكريستاله
 

انا رحت ارابكوم انهارده وشفت الجنوط مومو صيني
بصراحه الشكل عاجبني اوي بس مش عارف موضوع صيني ده كده كويس ولا لا
عالعموم شكل العربيه بالجنوط اهي
عنده منه 14 و15
http://i52.tinypic.com/14tyfmb.jpg

http://i54.tinypic.com/28sq0dv.jpg


وعنده كاوتش اسمه فولدا الماني بس متصنع في تركيا

قلقت منه صراحه بردو ومش عارف اعمل ايه

بس بيشكر فيه اوي اوي
وبيقول انه توكيله
وقاللي جنط 15 عادي جدا مفيش اي حاجه
والكاوتش طري ومش حيعمل صوت

رد: شويه اسئله علي عفشه الكريستاله
 

الجنط شكله حلو و علي فكره دا اصلي مش تقليد
دا مصنع مومو في الصين و الكاوتش برضه نفس الشئ
يا تري الطقم ال 14 عامل كام و ال 15 بكام؟؟

رد: شويه اسئله علي عفشه الكريستاله
 

ال14 قبل الخصم 2190 بعد الخصم 2000
ال15 قبل الخصم 2650 بعد الخصم 2500


وايه نظام الفولدا ده ياحازم باشا

رد: شويه اسئله علي عفشه الكريستاله
 

الفولدا ماركه محترمه و قريبه من الجوود يير
مافيش منها مشاكل
اما حكايه كاوتش طري و ناشف و الحاجات دي ماليش فيها الصراحه

رد: شويه اسئله علي عفشه الكريستاله
 

خد بالك انها مش الماني
دي تركي
زي البريدجستون كده
مش ياباني تايلاندي

بس تركي دي تقلق

رد: شويه اسئله علي عفشه الكريستاله
 

أنا قاعد متابع من بعيد علشان مفتيش فى حاجة مش عارفها.

بس عايز أقول حاجة, بص ياباشا اللى نفسك تعمله أعمله, عايز تجنط جنط بالمقاسات السليمة, هتفرح بالجنط الجديد وشكله وأدائه, ومش هتقعد تتحسر علشان معملتش اللى فى دماغك, ركب ومش هتخسر حاجة, وممكن تبيع الجنط بالكاوتش لو معجبكش وبسعر كويس, هو الواحد بيعيش كام مرة ولا بيجنط كام مرة :)

وبالنسبة للكاوتش أهم حاجة فيه نقشته ومرونته, وبعيدا عن الماركة وبلد الصنع فى حاجات أسعارها مبالغ فيها جدا ومتستاهلش وحاجات رخيصة ومش واخدة حقها, وعلى فكرة طالما الكاوتش لسه نازل فى السوق جديد على الأقل مش هيبقى جاى من مخزن زى الجووديير والبريدجستون ومش هيفقد مرونته وهيعيش معاك ويريحك فى المشى, لازم تراعى جدا أن المطاط يبقى مرن مش ناشف سواء تركى أو صينى, ولازم تبقى عارف برضه أن نقشة الشجرة دى بتاعة المياه وبس علشان تخرج المياه من تحت الكاوتش, لكن فى الطرق العادية والجافة ثباتها مش كويس خالص.

والجنط فيه حاجات تايلاندى كويسة, حاول تجيب حاجة وزن العربية فيها يبقى متوزع على الجنط كله مش جنط 4 أو 5 شوكة مثلا علشان لاقدر الله ممكن يتكسر وخاصة لو صناعته رديئة.

وألف مبروك على العفشة الجديدة.

رد: شويه اسئله علي عفشه الكريستاله
 

واخيييييييييييييييييييييي ييييييييييييييييييييييييي يييييييييييييييييرا
جنطت والحمد لله
انا بجد مبسوط اوي اوي اوي
وطاير من الفرحه

ومبسوط اكتر عشان عرفت ناس حلوه زيكو كده
وتعبتكو وطحنتكو كتييييييييييير اوي علي ما استقريت

انا كنت شفت امبارح جنط مومو صيني وحطيت صورته هنا وكان عاجبني اوي اوي
الميزه فيه انه شكله مميز وفيه منه 15 و14
وابتدا بقي الزن
15 ولا 14

واخيرا بعد كلام ناس كتييييييييييير اوي اوي
واولهم طبعا انتو هنا وحازم وانجكشن
وsuccess اللي رعبني من الجنط ال15 واحساسه بيه
انا بجد بشكرك انك مشتغلتنيش وقلتلي انك مرتاح والدنيا معاك حلوه
قلتلي المزايا والعيوب بما يرضي الله

ودلوقتي بقيت بين حيره كبيره اوي
بس في الاخر اخترت ال14

ليه بقي اقولكو ليه

1- مفيش كاوتش 15 سوبر سايلنت خالص وكل النقشات نقشات رياضيه حتي لو جبت الفرده ب1000 جنيه

2- ال15 سعر الفرده النضيفه بتاعته غاليه اوي اوي اوي

3- حتي لو ضحيت وركبت بعد كل ده مش حكون مرتاح وحبيعه بالخساره

عشان كده الحمد لله خدت قراري وانا مرتاح

وبناء عليه ركبت ال14 وجه الدور علي اختيار نوع الكاوتش
وكان قدامي مكانين

بريدجستون كالتكس عباس العقاد
محل اسمه بريدجستون في السابع قبل اشرفكو علي طول
فيه حته واحد ملتحي اسمه احمد
بس انسان رائع بمعني الكلمه
بيتكلم وضميره سابقه
وانا بنصح اي واحد عاوز يسأل علي اي حاجه في الكاوتش او يشتري وهوا مطمن يروحله

لقيت البريدجستون التورانزا gr90 super silent عامله كام بقي في المقاس ال14
505 جنيه
طبعا انا سمعت الرقم اتسرعت
كام
وبعد الخصم حتبقي 485 جنيه

طب وبعدين
رحت طالع علي احمد
عندك ايه 14
يوكوهاما ياباني
فارو انجليزي
كومهو كوري

طبعا بلا مناقشه استبعدت الكوري تماما
تبقي امامي يوكوهاما ياباني شكل الفرده كده يفرح ب400 جنيه
والفارو الانجليزي دي اللي بتركب في العربيات الرولزرويس ب390
وفرق بينهم 10 جنيه

وفي الاخر بصراحه ارتحت لليوكوهاما
نقشتها وشكلها كده محترم
للاسف ملقيتش مقاس 14/185/60 4 فرد
واضطريت اني اخد مقاس 65 بدل 60
والحمد لله بصراحه اني خدت المقاس ده

ياااااااااااااااااااااااا اااااااااااااااه يخربيت الراحه في الطريق

المهم خدت الكاوتش وطيران علي ارابكوم
المكان ده علي اد ماهوا غالي شويتين تلاته في حاجته انما المعامله المحترفه اللي بتلاقيها هناك بتنسيك كل حاجه

خدوا الكاوتش وركبوا الجنط ورصصوا وملوا نيتروجين وظبط كل حاجه في مالا يقل عن نص ساعه ساعه الا ربع بالكتير
وركب الجنط اخييييييييييييرا
وحوريكوا الصور كمان شويه
بس لازم الاول اظبط زوايا

اروح فين اروح فين
بريدجستون كالتكس

رحت علي هناك وانا سايق بقي الدنيا مختلفففففففففففففففه تماما
مفيش صوت النعير بتاع الكومهو

رحت ظبطت زوايا طبعا الراجل هناك شتمني لاني عملت شغل العفشه من اسبوع ومظبطتش زوايا فالجهاز كان حيتف عليا

ظبطت الزوايا وربطت العفشه وتمام التمام
كان التنك فااااااااااضي من اللف

انا بحط 80
قلت والله مانا حاطه تاني
عديت بقي يلا الجيب اتخرم خلاص

رحت رايح علي شل
مفول 90 وحاطط منظف الكربراتير في التنك

وهنا بقي حسيت بالفرق الرهيييييييييييييييب بين اللي كنت فيه وبين دلوقتي
فعلا حسيت اني راكب عربيه بجد

انا مش عارف بس لو العربيه دي مكنتها 1600 كانت عملت ايه
اعتقد كانت ميتسوبيشي تفضل تنزلها لحد دلوقتي

اسيبكو بقي مع الصور وبجد انا مش عارف اشكر اي حد كتب حرف واحد بس في الموضوع انه كان سبب في سعادتي دلوقتي وراحتي وانا بكتب بعد تدوير شهر

GIFT4UGIFT4UGIFT4UGIFT4U


وده نتيجه اللي وصلته
مرحله تركيب الكاوتش

http://img683.imageshack.us/img683/7734/dsc02328uu.jpg

مرحله ما بعد الترصيص

http://img121.imageshack.us/img121/4669/dsc02329n.jpg

ودي النهايه

http://img607.imageshack.us/img607/1221/dsc02330v.jpg

http://img835.imageshack.us/img835/8478/dsc02331s.jpg