مصر موتورز مجتمع السيارات - يوميات نوبيرتي ...

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - يوميات نوبيرتي ... (https://www.masrmotors.com/vb/showthread.php?t=124335)

رد: يوميات نوبيرتي ...

ربنا يباركلك في عربيتك و يعطيك خيرها , انا الحمد لله عملت الراديو .
بمناسبه الفصولات , زيت الباور كان بينقص عندي و كنت كل اسبوع بازوده بس بدا يرشح كتير و كل اللي اسالهم يقلولي فيه مسمار في الاسكترا عايز يتربط و مفيش اي حد يشتغل في الاسكترا و الاستاذ اللي شاريها منه هو اللي قايلي ان الاسكترا بتنشع خفيف , المهم سافرت بيها و مشوار و انا من النوعيه القلوقه و كنت واخد معايا علبيتين زيت للباور , المهم رحت المشوار تمام و انا راجع الاقي الدركسيون بيتقل انزل ابص اللاقي الزيت في اخره ازود و امشي شويه و هكذا لحد ما اكتشفت ان الكوز نفسه بتاع الباور هو اللي مشروخ و الزيت خلص .!؟.
مشيت بيها بتاع 4 كيلو و الحمد لله كانوا اللي فاضلين في مشواري لحد ما اوصل للميكانيكي بس عذااااااااااااااااااااب , دركسيون حجره .,. وصلت و غيرت الكوز و خراطيم الباور كلها و المكانيكي قالي احمد ربنا ان طرمبه الباور محصلهاش حاجه لانها غاليه .
ده الفصل الوحيد اللي حصلي معاها , بس للامانه النوبيرا عربيه حلوه غير كما قلت سيادتك العفشه و المقصات بتاعتها عايزه المواليه .
و اعتقد اي عربيه لازم الاهتمام بيها و تبقي ايدك فيها ( المثل عندنا بيقول العربيه بيت مفتوح )
اسف للاطاله بس حبيت انقل تجربتي .,. تحياتي لحضرتك و متشكر جدااا علي المباركه .

رد: يوميات نوبيرتي ...

العربيه بقالها شهور ماشيه زي الفل و لله الحمد و هي تعتبر مش متهانه 10 كيلو يوميا .
المهم في سفريه العيد كنت معزوم علي فرح .
الدبرياج لتاني مره يعملها في السفر و ينزل و ميطلعش و اضطر امشي تاني و مع ستر ربنا باوصل بيها و باعملها و لتاني مره برده يطلع مفضي زيته و البلف بايظ و يتم تغيره و تزويد الزيت ( قزازه و شويه من قزازه صفراء صغيره ) و تمشي عادي .
اعذروني لقله خبرتي لان غالبا مش انا اللي بروح للميكانيكي .
المهم .؟؟؟؟؟.
تنصحوني اريح دماغي و اجيب طقم دبرياج جديد علي بعضه .؟؟؟. و لو ده عيب حته معينه و مش مستدعيه تغيير طقم الدبرياج , ايه هيه الحته دي اللي تكرر العطل فيها .؟؟؟. و حلها ايه .؟؟؟.

رد: يوميات نوبيرتي ...

النهارده لاني للاسف مكنتش عملت الصيانات دي اول ما اشتريت العربيه .
غيرت سير الكاتينه و جبته جي ام عقله اصلي ب 260 بلبل , و بليه شداد كاتينه متحركه ب 310 بلبل , و بليه شداد كاتينه ثابته ب 140 بلبل و الصنايعي اخد 100 تركيب و بكره رايح اشوف الدبرياج و اغير زيت الفتيس ( راجع المشاركه السابقه ) و بعد مخلص عند الميكانيكي هاروح انطف الرديداتير و فيه واحد النهارده بينصحني بمياه حمراء .!؟.
ايه رأيكم هي تقيله و لا الزيت و عامه انا باحط الخضراء .؟؟؟.
و بعد كدا هاطمن علي العفشه لاني لسه ظابطها قريب و لما اخلص الاساسيات و امشي بيها شهر و اتنين و اطمن ان الميكانيكا تمام و يكون فيه قرش هدخل جوا اظبطها فرش .
دعواتكم .

رد: يوميات نوبيرتي ...

بالنسبة للدبرياج انا افضل يتغير طقم بطقم
وبالنسبة للريداتير انا رائى دائماً ان المية الحمراء والخضراء فيهم مشغوش كتير ويتجابو من مكان مضمون يا اما تستخدم مياة عادية مع اضافات مانع الصداء
عامة الله ينور وشد حيلك فى الباقى وادعيلى انا كمان عايز ابداء اول صيانة للتريوس وبعدها اكتب اول تقرير عنها ان شاء الله

رد: يوميات نوبيرتي ...

الحمد لله تم تغير طقم دبرياج و الدبرياج اتغير تمامااا و كانت عندي نتشه خفيفه لما بدي التاني راحت و لله الحمد ( لاني كنت فاكرها عيب سواقه مني .!. ) و العربيه نعمت في الغيارات , و الدبرياج بقي ميه و خفيف قوي غير الاول .
جبته ماركه فاليو بالبليه بتاعته ب 420 بلبل .

رد: يوميات نوبيرتي ...

10000 مبروك يا دكتور نوح
يسر الله لك ولنا جميعاً كل صعاب طرق بلد العجائب

رد: يوميات نوبيرتي ...

اقتباس:

10000 مبروك يا دكتور نوح

الله يباركلك يا محمد بيه .,. و ربنا يبعد عن الدبرياج الجديد الاعطال لاني بصراحه قرفت من الدبرياج القديم .

اقتباس:

يسر الله لك ولنا جميعاً كل صعاب طرق بلد العجائب

اللهم امين .
باشا انا باسافر حوالي 100 ك و يزيد كمان في الاعياد و المناسبات لمحل ميلادي و عارف طريق بين المراكز الصغيره مختصر .,. عديت المطبات .!؟.
1200 مطب = الكيلو متر فيه كدا بتاع 12 مطب , و طبعا سيادتك عارف المصريين و مطبات الطرق الفرعيه غير السريعه .,. تشكيله مطبات بجميع انواعها .,. الواحد مليحقش ياخد التالت و الاقي مطب جاي .!!!.
ربنا يصلح حال الطرق لانها فعلا متبهدله و هي اساس اي تنميه .