رد: كيا كارينز
 

طيب أنا سألت ناس فى التوكيل قالو ممكن يركب ليها كنبة تالتة لأن مكانها موجود اصلا
فلو حد يعرف ازاى ومنين وبكام اقدر اركب الكنبة التالة اكون ممنون اوى

رد: كيا كارينز
 

طبعا العربيه تحفه وواسعه وكبيره بس انا اعتقد انها متستحملش انا عن نفسى لما بيكون العدد كبير فالعربيه فارش فالشنطه موكيت والعيال بيعيشوا حياتهم ورا وبيستمتعوا لدرجه حتى والعربيه فاضيه يفضلون البقاء فالشنطه علشان يلعبوا

رد: كيا كارينز
 

ايه الاخبار اكيد قفلت الالف

و ياريت يا جماعه قوللنا ايه اخبار العربيه و ثمنها كام دلوقتي و اخبار اسعار قطع غيارها ايه انا اسف يا جماعه اتاخرت عليكوا بس انا ملحقتش اكمل الاف وعملت حادثه الحمد لله قدر ولطف وجت فالحديد وانا لسه مستلمها النهارده من التوكيل مقدرش اوصفلكوا الايام اللى فاتت عدت على ازى 21 يوم فالتوكيل بصراحه انا كرهت العربيه وكان نفسى تتباع بس قلبى مطاوعنيش لعشقى للعربيه دى بس العين وحشه يا تركب 128 زى الناس يا تغور فداهيه بس برجوع العربيه ردت فيا الروح ربنا يستر طريق الجمع

رد: كيا كارينز
 

hia f3ln 3rbia mmtaza w 7takl el gw mn el matrix w kl el 3rbiat eli f el f2a d

رد: كيا كارينز
 

بعد ما عملت 10000 كيلو متر بالكارنز

1- العربية كويسة فى الأتزان و الفرامل
2- وحشة فى الشد و السحب
3- كاسيت صوتة زبالة و كمان الكاسيت الشاشة بتاعتة باظت وساعات كتير بيعلق
4- التوكيل اللى فى العبور بيعمل صيانة بس لاكن لو عايز تركب حاجات عليك وعلى ابو رواش فى أخر الدنيا
5- العربية جبتها ب 114000 من 3 شهور دلوقتى عرضتها للبيع جابتلى 116000 لاكن قررت عدم البيع
6- العربية جابت 180 كم على الطريق وكمان الحلو قوى انك ماتحسش بأى حاجة بس لو فتحت الزجاج حتسمع صوت الموتور عالى بعد 160 كم
7- فرامل اليد تحس انها مالهش لزمة لو راكن على منحدر
8- العربية واسعة ومريحة من الداخل
9- موضوع الجنط اللى متركب تحت العربية موفر مساحة فى الشنطة لاكن لو واحدة ست حتغيرة حتتبهدل
10- اخطر عيب فى العربية انك ممكن تعمل حوادث كتير بيها لأن كل ما تمشى بيها واحد يوقفك ويقعد يسأل عليها تحس أنك راكب فيرارى والناس بتتفرج عليها لدرجة ان واحد قعد يسألنى على العربية وأنا فى شارع الأتوستراد و مسبنيش الا فى نهايتة من كتر الأسألة
11- لو عندك عيلة كبيرة وراجل مش بتاع شد ولا حركات بالعربية أنصحك بشرائها


شكراً . قبطان شريف صادق