كيا كارينز

[ميدورءوف]

اللى جرب الكيا كارينز او يعرف حد جربها ياريت يتكرم ويفيدنى قبل ماحجزها

[ميدورءوف]

ايه يا جدعان محدش عايز يشارك ليه

[ميدورءوف]

لسه هى العربيه مش معروفه للدرجادى ولا الناس منفضين لى

[sigma]

أعتقد العربيه محدش لحق يستلمها ويكون عضو فى المنتدى ومر بفتره تمكنه من الحكم على سيارة جديدة لسه نازله السوق المصرى
المشكله إننا فى مصر لاتوجد عندنا مفهوم قيادة التجربه للموديل الجديد كل المهم الناس تتفرج على شوية صور وباب السياره بالكاد ينفتح فى المعرض والناس تدخل السيارة وهى دى التجربه على المستوى المصرى
طب وليه الكارينز تحديدا إللى لسه مبقالهاش أسبوع طب ماهى السيراتو (فورتى بالخارج) داخله على 3 شهور ومن الواضح أنه لايوجد ملاك لها بالمنتدى يقولو لنا على إنطباع الشهور الأولى من الإستخدام

لاأنصحك أبدا بالتسرع بالحجز العميانى لموديل جديد بالسوق قبل إستخدام فعلى بالبلد لمدة 6 شهور على الأقل يبان فيها مدى ملائمة البنزين بتاعنا وشوارعنا وتأثيرها على السيارة ومدى كفائة الصيانه وتوافر قطع الغيار لأى طراز جديد نازل مصر
مع الشكر وأرجو أن أكون أفدتك

[ميدورءوف]

باشا اشكرك على الرد بس انا اخويا بالخليج وبيقول على العربيه دى يا ليل يا عين وانا متوقع انها هتكتسح مثيلاتها امثال الماتركس والافانزا على فكره الخليجى منها كان بيتباع السنه اللى فاتت ب 280 الف بمصر طبعا