مصر موتورز مجتمع السيارات - محتار يا جماعة بليز

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - محتار يا جماعة بليز - شيفرولية لانوس 2012 (https://www.masrmotors.com/vb/showthread.php?t=67538)

رد: محتار يا جماعة بليز وارجو المساعدة

انت هاتروح تستلم لوحدك ولا ها يكون معاك حد

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة blade2011 (المشاركة 510829)

محتار اوى يا جماعة :الموضوع باختصار انى استقريت على الشيفرولية اللانوس 2012 وكدة واستقريت على بنك عودة كبنك اللى هايقسطلى واستقريت بردة على المصرية اللى هوة المعرض الى هايدنى العربية بس اللى محينى بردة كزا حاجة وعاوز بجد رايكم فيها بجد يا جماعة ضروروى :
1-انا عاوز لانوس حبيت شكلها بس لما بقرا اللى بيكتبة الاعضاء هنة على اللانوس الجديدة بلاقى انها احسنلها تشتغل عربية كبدة بجد مشاكل كتير اوى ليها وسوء تقفيل فا بجد بليز دلونى يا جماعة
2-هل الفيرنا احسن بجد منها يعنى ولا اية انا بصراحة انا حابب شكل الانوس الجديدة جدا وخاصة 2012 والازاز الفامية وكمان شكلها متغير شوية من جوا من 2011 من حيث الطارة والفرش وكمان الكاسيت وكمان استريحت فى قدتها عن الفيرنا حيث ان انا طويل 185 سم وحسيت انى مرتاح قدام وورا كمان بس الاعضاء هنة بجد محسسنى انها ماتنفعش الا عربية كبدة فا انا قلقان اوى بجد
3-انا هاقسط مع بنك عودة هل بنك عودة كويس ولا مقرف فى التعامل ولا اية وخاصة انى ماينفعش اقسط مع بنك تانى لظروف شغلى هوة فيلم كدة بس فعلا طلع ماينفعش اة انا مرتبى كبير بس انا لا بقبض بشرايط قبض ولا محول مرتبى على بنك انا حاجة كدة اسمها فى الدولة صناديق خاصة يعنى فا يعنى ماينفعش احول مربتى تبع بنك فا عشان كدة ماينفعش فى حالتى الا عودة او البنك الوطنى وقولت عودة عشان ناس زمايلى مقسطين عندة بس انا حبيت اعرف منكوا هل تعاملوة رخم يعنى ولا هل فى خطورة وهل فعلا ان انا هامضى على شيك بمبلغ القسط فى سنة او نصف سنة
4-التامين انا عاوز اعملة مع مصر للتامين هل كويس ولا مش كويس وهل لا قدر الله لو جرا حاجة فى العربية فعلا هايعملها ولا لا
5- المشكلة الازلية بتاعتى انى مش اد كدة فى السواقة بصراحة هل دة مشكلة فى ظل اول عربية ليا زيرو بس انا فعلا دورت كتير والله على مستعمل ومالقيتش حاجة كويسة وكنت هالبس فى اكتر من واحدة اى كلام بس ربنا بينجينى على اخر لحظة عشان كدة اتعقدت وقولت اهو الزيرو زيرو بس انا خايف من موضوع السواقة بصراحة هل فعلا هابهدل العربية فعلا بس انا شايف ان الخبطات والحوادث بتاعة ربنا يعنى العربية بتبقة تحت البيت يعنى وبتتخبط
6-المصرية كويسة ولا لا
7-اهم حاجة عاوز اركب انذار هل لو ركبتة الضمان هاتيتلغى ولا اية عشان الاعضاء هنة بيتشكوا جدا من الموضوع دة
8- اخر حاجة لو ربنا اراد وشاء هاستلم اية مع العربية

بجد انا اسف يا جماعة انا طولت عليكوا بس اخوكوا قلقان اوى اوى اوى اوى :k_crying77[1]: ومش عارف يعمل اية وخايف بردة مااكدبش عليكوا بس بجد يا جماعة ساعدونى فعلا انا محتاج مساعدتكم

تصدق انا اول ماقرأت الموضوع حسيت انك بتتكلم عنى لانى نفس الحاله تماما انا بقالى سنه ومش اخد قرار ولا استقر على حاجه والموضوع ده يكاد يكون واخد كل تفكيرى ليل ونهار وعايز اى حد ينصحنى وانا معايا فى حدود خمسون الف ومرتبى على بنك سوستيه جنرال وعايز اشترى جديد بالتقسيط بس مايكونش فيه اى شبهة ربا وتكون عربيه تستحمل وعائليه وقطع غيارها رخيصه و....

رد: محتار يا جماعة بليز وارجو المساعدة

يعنى هو موضوع الاستلام ده ناس كتير اتكلمت عليه فى مشاركات كتير ... عموما النقاط المهمة دى لازم الواحد ياخد باله منها كويس :-
* الفحص البصرى للعربية بشكل عام مفيش خدوش من اى نوع - مفيش خبطات من اى نوع - الابواب والشنطة والكبوت مطبعين كويس مع جسم العربية
* فتح وغلق جميع الابواب والشنطة والكبود عدة مرات والتأكد من سلاسة الفتح والغلق
* حوض الموتور من اهم اماكن الفحص البصرى - جميع القرب مفيهاش تسريب - الوصلات سليمة - مهم جدا فحص البطارية لكونها سائلة وليست جافة فى اللانوس (( عند استلام سيارة صديق وجدنا البطارية مكسورة والحامض سبب تاكل فى دهان السيارة فى صينية البطارية والحوض بشكل غير ظاهر ))
* فحص الصالون ومهم نسبيا وجود الاكياس على الكراسى لان ده معناه عدم استخدام المعرض للسيارة فى التنقلات والحفاظ على الفرش الاصلى من ساعة خروجها من المصنع
* فحص عمل جميع الاشارات والانوار وطبعا التكييف على السرعات المختلفة وخروج الهواء من فتحات التابلوة
* احزمة الامان الخمسة وعدم وجود حزام تالف او عالق ((مزرجن))
*** مهم مهم مهم قراءة العداد كام ولا تزيد عن 70 كيلو داخل القاهرة اما فى باقى المحافظات فالموضوع راجع للمشترى من حيث موافقته على استلام عربية تم قيادتها من القاهرة اليه من عدمه -- وبالطبع الافضل عدم استلام عربية تمت سواقتها من شخص غير معروف على سرعة مجهولة فى فترة التليين وطبعا شبعت مطبات ونقر ((يعنى هيا عربية اللى جابونا)) فطبعا اتبهدلت والباشا السواق طاير بيها على الطريق
* فى تابلوة العربية ضمان وكتالوج الكاسيت وفى الشنطة الاستبن وطاسات العجل الاربعة والكريك وشنطة عدة --- كتالوج وضمان العربية بعد الترخيص
* يتم تجربة الكاسيت وعموما الراديو بهوائى مش اريال
* راجع على زراير رفع الزجاج للابواب الاربعة ولوحدة التحكم فى باب السائق لجميع الابواب وزر منع رفع الزجاج لباقى الابواب
* راجع على القفل المركزى للابواب من باب السائق وقفل وفتح السيارة بالمفتاح من الباب بالخارج عدة مرات
*** مهم مهم مراجعة مساحات الزجاج وعمل طلمبة غسيل الزجاج (( فى احيان بيكون الخرطوم مفصول والرشاشات مش شغالة))

ده باختصار اهم نقاط الاستلام وياسلام عليك لو خدتها معاك نكتوبة وشطبت على كل نقطة بعد استلامها علشان متنساش حاجة ((تشيك ليست))
طبعا لو فى نقطة جوهرية تؤثر على العربية أرفض الاستلام ولا توقع بالاستلام على اى شىء لأنك لن تشترى عربية زيرو كل يوم وأياك أياك تقع تحت ضغط استلم وخلاص ودى حاجات بسيطة وانا نازل بنية الاستلام مش معقول ارجع من غير العربية --- الانتظار احسن من الندم على التسرع فى الاستلام والمعرض ملزم يسلمك العربية فى الحالة التى ترضى انت عنها لانه بياخد فلوس مش ورق كوتشينة.

وان شاء الله على البركة والف مبروك

عموما ياريت اللى شايف حاجة تانية يزود برضة الزيادة متضرش

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة shaibat (المشاركة 515164)

وعايز اشترى جديد بالتقسيط بس مايكونش فيه اى شبهة ربا

بص حضرتك موضوع التعامل مع البنوك ده فى شبهه والله اعلم .. ولأن اختلاف العلماء رحمة فالبعض اباح التعامل مع البنوك والبعض رفض وانا وانت وعامة الناس من حقنا نتبع اى من الجانبين وكل منهم مسئول عن فتواه وملزم بتبريرها امام رب العالمين.
ولأن انا زيك شخص عادى ومش متبحر قوى فى علوم الفقه ومن واقع تجربتى الشخصية فى شراء سيارة جديدة بالتقسيط وجدت امامى نوعين من اساليب البيع بالتقسيط من البنوك :-
1- النوع الاول هو ان البنك بيديك قرض لشراء سيارة وهو فى النهاية قرض نقدى من بنك تحتسب عليه فائدة على حسب قيمة القرض ومدة السداد وليس للبنك علاقة بالمعرض او التوكيل وانما يعطيك البنك شيك بقيمة القرض موجه للمعرض او الوكيل لضمان استخدام القرض فى شراء السيارة وليس شىء اخر وطبعا ضمان القرض تحدده انت والبنك سواء تحويل مرتب او وديعة او او او ... هذا النوع من اسلوب التقسيط انا شخصيا لم اشعر معه بالراحة وللاسف هو السائد فى معظم البنوك
2- النوع الثانى هو انك تحدد للبنك نوع وماركة السيارة المطلوبة ويقوم البنك بشراء السيارة كاش باسمه هو اولا ومن ثم يبيعها لك بالتقسيط من البنك لك وهنا لا تعامل لك مع المعرض او الوكيل وانما انت تشترى من البنك سلعة بالتقسيط وطبعا سعر السلعة بالتقسيط يختلف عن سعر السلعة كاش لان البائع انتظر على فلوسه لمدة اطول (مدة السداد) ... هذا النظام ارتحت له اكثر واشتريت به فعلاً واستلمت من البنك فاتورة شراء واذن استلام من مخازن البنك وجميع اوراق الملكية كانت باسم البنك ومبايعة البنك لى وهذا النظام وجدته فى بنك ناصر الاجتماعى وضمان السلعة التى استلمتها ولم تسدد ثمنها بالكامل بعد هو ايضا تحويل مرتب او وديعة او او او كما تتفق انت والبنك

رد: محتار يا جماعة بليز وارجو المساعدة

اقتباس:

المشاركة الأصلية كتبت بواسطة asom_6 (المشاركة 515165)

طبعا لو فى نقطة جوهرية تؤثر على العربية أرفض الاستلام ولا توقع بالاستلام على اى شىء لأنك لن تشترى عربية زيرو كل يوم وأياك أياك تقع تحت ضغط استلم وخلاص ودى حاجات بسيطة وانا نازل بنية الاستلام مش معقول ارجع من غير العربية --- الانتظار احسن من الندم على التسرع فى الاستلام والمعرض ملزم يسلمك العربية فى الحالة التى ترضى انت عنها لانه بياخد فلوس مش ورق كوتشينة.

وان شاء الله على البركة والف مبروك

عموما ياريت اللى شايف حاجة تانية يزود برضة الزيادة متضرش

+111111111111111
واضيف مراجعة رقم الشاسية والموتور على ورق العربية
ان شخصيا كانوا هيدونى عربية غير اللى ورقها معايا