مصر موتورز مجتمع السيارات - معلومات خطيرة و مؤكدة عن ميدان التحرير

اقتباس:

المشاركة الأصلية كتبت بواسطة engima (المشاركة 352794)

- بص يا استاذى انا شوفت فى التلفزيون المصرى و الجزيرة و العربية ناس كتير اجانب ودليلى بقى ان مسكوا مهندس اسرائيلى غير السوسريين اللى كانوا عند التحرير

إنت نسيت إن نظام مبارك هوإللى عمل إتفاقية الكويز مع أمريكا علشان إسرائيل تقدر تصدر لنا منتجات مصانعها روح أى مصنع ملابس جاهزة فى أى وقت هتلاقى مهندس إسرائيلى أو إتنين أو تلاته أو ممكن تلاقى ملاك المصنع نفسهم إسرائيليين و بعدين من إمتى إسرائيل بيتمسك لها عميل و لا جاسوس حتى و بتسكت عليه لو كان إسرائيلى إتمسك صحيح فى السويس كان زمانهم قلبوا الدنيا علشانه

- و موضوع الفديو دا عادى جدا دا ممكن يكون رصاص بلاستيك ما بيموتش و ممكن مايكونش مات اصلا و ممكن يكون مات والله اعلم بس يعنى دخلو منطقة سكنية ويقتلوا واحد قدام الناس كلها صعبة اوى يعنى طب انتى ايه دليلك ان الناس دى من الشرطة و ليه مايكنش اللى اضرب دة مجرم او عمل حاجة معاهم اقبل ما التصوير دة يبدأ مشكلتنا يا استاذى اننا بنبص على الحاجة من زويتنا بس

لسه مصمم تشكك فى دم الشهداء إللى ماتوا قدام عنينا بالرصاص الحى ... أنا جبت لك الفيديو ده علشان أوريك دليل مسجل لكن إنت ما بتجيبش على كلامك أى دليل طيب و إللى إتنشرت صورهم فى المصرى اليوم النهارده طيب و شهادات مئات الناس كلها برضه متفبركة .... يا باشا إللى متعود طول عمرة يفبرك هو إعلام النظام

- موضوع النهب والسرق كل اللى نهبوا فى البلد هيتحسبوا من اول عز لحد نظيف انشاء الله ماشى الناس موجودة ليه لحد دلوقتى فى ميدان التحرير ياجماعة...وانا معاك ان الرئيس اخطاء بس يا جماعة اعطوله الفرصة ميدان التحرير مش هيطير

و تفتكر جمال مبارك هيتحاسب و لا تفتكر حسنى مبارك نفسه اللى هو المسئول اﻷول عن البلد دى هيتحاسب ، و إيه إللى يخلينا نثق فى نظام تعود الكذب و التضليل طوال عقود و إيه إللى نزل عليه فجأة يخليه يرغب فى اﻹصلاح

- ونبى يا باشا انا عايز اعرف التفاصيل و العمولات بتاعت الطيارات f16 الفالكون,دبابات الابرامز و عايز اعرف حكاية الصواريخ الباليستية اللى كانت باكستان بتصنعها و خدناها من......بلاش ولا اقولك الغواصات الدولفين اللى هناخدها من المانيا عمولتها كام .... انا عايز اعرف

فى عام 1981 وافق مجلس الشعب المصرى على تفويض رئيس الجمهورية بعقد صفقات سلاح سرية دون الرجوع لمجلس الشعب ، و عند التجديد قيل أن مبارك سيقدم معلومات كاملة عن تفاصيل ما عقده من صفقات سلاح بمجرد إنتهاء التفويض و استمر هذا التفويض ليومنا هذا ، و اﻷنكت إن التفويض مستمر لما بعد إنتهاء فترة الرئاسة فى 2013

مؤخرا وافق أوباما على صفقة طائرات إف 16 مطورة من طراز بلوك 50 مكون من 24 طائرة فقط مقابل 3.2 مليار دولار فى حين إن اﻹمارات حصلت على 80 طائرة بلوك 60 اﻷرقى و اﻷحدث مقابل 8 مليار دولا فقط

لاحظ فرق التطور بين الطائرتين و لا حظ فرق العدد و السعر و هترك لبك إستنتاج الباقى

فى عام 99 حدثت مشكلة فى فنلندا بسبب صفقة مدافع محدودة و تبين وجود عيوب بها و محاولة الشركة الفنلندية إخفاء تلك العيوب و فى أثناء التحقيقات تبين أن صفقة السلاح تتضمن عمولة 10 % لوكيل محلى يتم تحويلها عن طريق حسابات خاصة بمديرى الشركة الفنلندية

حقيقة الصراع بين مصر والجزائر ليس مبارة كرة القدم أو الاعتداء بين الجانبين فى نهايات تصفية المرشح لنيل الاشتراكات فى كاس العالم , بل أن الصراع هو خسارة علاء مبارك النجل الاصغر للرئيس المصرى صفقة سلاح بمبلغ ( 100) مليون دولار , وان المستفيد من وراء أقتناص هذا المبلغ هو شقيق الرئيس الجزائرى بوتفليقة ؟؟؟ حيث أن الخلافات ما بين الاسرتين الحاكمتين بمصر والجزائر تفجرت بسبب صفقة طائرات تقدر قيمتها بمليار دولار كان من المفترض ابرامها قبيل ثلاثة شهور ما بين وكيل شركة "لوكهيد مارتن " الامريكية بالقاهرة "علاء مبارك "نجل الرئيس المصري الاكبر وبين الدوائر الجزائرية مقابل حصول " علاء " علي عمولة تقدر بمائة مليون دولار، ومع اقتراب اتمام الصفقة بين علاء كممثل للشركة بالمنطقة وبين الجزائريين تدخل "سعيد بو تفليقة " شقيق الرئيس الجزائري والحالم يوراثته هو الآخر وتعاقد مع وكيل فرنسي لتوريد تلك الصفقة الضخمة لبلاده وأخذ العمولة لنفسه والتي كان من المفترض ان يحصل عليها علاء مبارك لو كان قد ورد الصفقة

وثائق ترشح بالفساد بين صغار المسؤلين فى صفقات السلاح

هذا ما ينطبق مثلا على الوثيقة رقم DL210 A 42. هذه وثيقة بدون تاريخ موقعة بيد السيد فينك، مسؤول في شركة ايميس يقدم فيها ملاحظات حول محادثات أجراها السيد كرداني في 6 فبراير 1989

وهي تؤكد بأن السيد كرداني كان يعمل كوسيط لشركة ايميس لدى القوات المسلحة المصرية لبيع أسلحة ويحصل على مكافئات مالية كاجراء يشكل جزءا من عقد البيع.

وتقول الوثيقة انه يجب تحويل 5% من مجموع عائدات صفقة العتاد العسكري الى سلاح الجو المصري حتى يتحقق مبلغ 50 ألف دولار. ويجب دفع المكافأة فور حصول شركة ايميس على المبالغ المالية.

وحول محادثة مع السيد نبوي في 5 فبراير 1989 تقول الوثيقة ان نبوي يتوقع تحقيق صفقات لدى سلاح الجيش المصري وأنه يعتمد على وسطاء ذوي نفوذ داخل الجيش. وفيما يتعلق بمكافآته المالية فانه يرغب في الابقاء على الاتفاق المعمول به الى حد الان ( 500 دولار كراتب شهري ) . وقال نبوي ان له اتصالات مع مؤسسات عسكرية أخرى لبيع أنواع أخرى من الاسلحة.

تكشف هذه الوثيقة بجلاء أن شركات الاسلحة الالمانية كانت ترتبط بعلاقات قوية مع مسؤولين داخل المؤسسة العسكرية المصرية يتلقون عمولات للحصول على عقود بيع أسلحة وبالتالي فهي تدفع لهم رواتب شهرية لأن هذه العلاقات تمتد على فترات زمنية طويلة تتطابق مع مدة صلاحية الاسلحة وقطع غيارها وصيانتها، إلخ.

وعن نوع آخر من العمولة يتضح في الوثيقة رقم DL2/KOKO/18، المحررة في برلين بتاريخ 15 آب 1984 أنها موجهة من ادارة الجمارك في المانيا الديمقراطية الى السيد ايلسينغ مدير قسم المراقبة في وزارة التجارة الخارجية وهي مكونة من 4 صفحات. يرد فيها ما يلي: أخبرتكم من خلال رسالتي بتاريخ 30 يناير 1984 ببعض الملاحظات المسجلة من جانب ادارة الجمارك التي تحققت من أن مواطنين مصريين يشحنون لدى مغادرتهم كميات كبيرة من البضائع التي تتجاوز حدود حاجياتهم الشخصية ويتعلق الامر في الغالب ببضاعة يحظر تصديرها. كما سجلت بعض الملاحظات المشابهة بشأن موظفين عسكريين من جمهورية مصر العربية ومن العراق أقاموا بصفة مؤقتة في المانيا الديمقراطية في اطار ابرام عقود تجارية خاصة.

وهذه الوثيقة مصحوبة بوصف مفصل لحجم البضائع ونوعيتها وقيمتها المالية

تكشف هذه الوثيقة عن أوجه بسيطة من الفساد باستخدام الاموال العامة للأغراض شخصية. فأفراد الوفود العسكرية التي كانت تقيم في المانيا لمعاينة الأسلحة أو التفاوض حول الصفقات كانوا يتسوقون لأنفسهم ولذويهم أو ربما كانوا يتاجرون في تلك البضائع.

- بلاش ياباشا نماطل فى حكاية التعليم المجانى و الدعم و البطاقة التموينية عشان الافتراء حرام

صح و اﻹفترا حرام كمان على الناس الغلابة إللى مش عارفة تعيش أصلا

- موضوع الديموقراطية خلاص ياباشا خلى امريكا تيجى تحتلنا و نمارس الديموقراطية زى ما العراق بتمارسها

إيه علاقة إن يبقى فيه ديموقراطية و حرية بإن أمريكا تحتلنا زى العراق ، و ليه فاكر بس العراق مفتكرتش ليه تركيا عندهم ديموقراطية و عندهم إستقلال فىالقرار السياسى و بعزة و كرامة
و ليه دايما لازم نربط بين إن وطنية القرار تستلزم الدكتاتورية و حكم الفرد

- موضوع الاجندات و الكلام دة انا كنت عايز اخد رايكوا فيها (كان من المفروض حسنى مبارك يجمع حوله كادر من كوادر الشباب كان مفروض الموضوع دة يبدأ فى التسعينات عشان يتنقلة مشاكل الشباب فترة بفترة و ميحصلش انفجار زى اللى حصل)

للأسف هو جمع حولة كوادر الشباب من شلة ولاده فقط

- وارجع و اقول انا مع التغيير بس ماينفعش الناس اللى قاعدة و واقفة حال البلد ....السلام عليكم

مرة تانية وقف الحال سببه النظام و الحكومة إللى بتدافع عنها مش الناس العزل إللى واقفين فى ميدان التحرير