رد: شويه اسئله علي عفشه الكريستاله
 

استني هنا انت بتقلب ولا ايه :)
مش تقول جبت جديد ولا استعمال
و جبت الحاجات بكام و منين
ايه المشاركه النص كم دي:) (بهزر معاك ما تزعلش)

قبل ما تركب بقي علشان ترتاح من صوت الطقطه حقولك علي حل
لما العفشجي يفك اليايات خليه يحط قطع خراطيم في بدايه و نهايه الياي كل قطعه 10 سم
علشان تعمل عازل بين جسم العربهي و الياي و ما تسمعش الاصوات دي تاني
الصوت دا كان مضايقني و لما غيرت المساعدين العفشجي بتاعي عمل كده و الصوت اختفي
لان اليايات اصلا بينزل فيها حاجه زي دي بس مع الزمن بتتآكل

رد: شويه اسئله علي عفشه الكريستاله
 

حاااااااااااااضر يافندم
جندي مجند وهدان محمد الجهيني

عدد 2 مساعد خلفي kyb السعر 385
عدد 2 مساعد امامي kyb السعر 575
عدد 1طقم بارات واتياش دركيسون 555 ياباني السعر 325
عدد 1 تيل فرامل ياباني السعر 60 جنيه
عدد 2 بطاحه مساعد امامي السعر 120 جنيه
عدد 2 جلبه بطاحه امامي السعر 60 جنيه
عدد 8 كاوتش ميزان السعر 16 جنيه 2 جنيه للواحده
عدد 4 كاوتش تراب مساعدين هيا دي الخراطيم اللي انتا بتقول عليها السعر 100 جنيه
(اهبل واضحك عليا الطقم عامل 30 جنيه بس عاوز لف شويه )

عدد 2 كاوتش بيانو السعر 25 جنيه


جميع الحاجات من عند الزقازيقي شارع التوفيقيه
عدا كاوتش التراب جبته من عند واحد جمبه وباعهم بالسعر ده عشان هوا الوحيد الي كان عنده ساعتها
الكاوتش الرخيص موجود عند واحد جمب محمد ابراهيم بتاع المسامير بس مش فاكر اسمه

بالنسبه للاستعمال لا طبعا ممجبتش استعمال عشان ابويا نزل الحرفيين يسألي عليهم وواحد قال له بلاش ياحج من هنا المساعدين
مضروبه كلها وبتتغسل وبتتباع تاني وهيا ضاربه اصلا

فريحت نفسي بدل ما البس في الحيطه

والسلام عليكم ورحمه الله وبركاته

اظن بقي كده المشاركه لبست شرز واتدفت
ودي العربيه بعد تركيب الحاجه

4BY4
هههههههههههههه

رد: شويه اسئله علي عفشه الكريستاله
 

حد يعرف مكان عدل اجيب منه جنوط 15 او 14 غير اشرفكو عشان التشكيله اللي عنده معجبتنيش
والبطل الروماني ناس كتير اشتكت منه

وفيه واحد اسمه عيسي عوض معرفش ايه ظروفه وبعيد عليا انا من سكان مدينه نصر

فيه حد تاني ترشحوهولي

وايه رأيكو في الجنوط الاستيراد

رد: شويه اسئله علي عفشه الكريستاله
 

هات من عند اشرفكو
ماركه ssw
دي اللي انا مركبها عندي نوع تايلاندي و ممتاز
اللي في السوق حتلاقيه مضروب
فالجنط لازم يكون ماركه محترمه

رد: شويه اسئله علي عفشه الكريستاله
 

طيب شوف فى ارابكوم جمبك فى مدينة نصر

رد: شويه اسئله علي عفشه الكريستاله
 

ارابكوم برضه فكره حلوه و عنده مومو صيني بس اصلي
الطقم ال 14 بيعمل في حدود 2000 الي 2500 جنيه
بس اشكاله تحفه

رد: شويه اسئله علي عفشه الكريستاله
 

اشرفكو مدينه نصر ملقيتش عنده حاجه
حروح المطريه قالولي التشكيله هناك اكتر

وارابكوم مبروحلوش خالص عشان اسعاره دايما ضاربه فوق
بس لو مومو صيني اروح ابص عليه بس ده موثوق فيه ولا صيني مضروب ؟؟