المشاركة الأصلية كتبت بواسطة hazem_khidr (المشاركة 271261) يا ميكي انا معايا كريستاله انا كمان و مركب الكاوتش دا ال 60 حتحس بيه في المطبات اكتر من ال 65 و اسمع كلامي لان حجم الهوا اللي فيه اقل من الموجود في ال 65 لو مش عاوز تحس بحاجه خالص ركب نفس المقاس بس علي 70 حتملي الفراغ و تعلي العربيه لكن برضه الثبات حيقل و مستحيل تاخد كل حاجه ثبات و راحه و نعومه في نفس الوقت لازم حاجه علي حساب حاجه المقاس اللي بقولك عليه دا حل وسط و الكاوتش المعروض عليك مالوش لازمه لان انتاجه بعيد

المشاركة الأصلية كتبت بواسطة hazem_khidr (المشاركة 271448) وعلي فكره لو حتركب مونرو لازم تكون عفشه العربيه كلها نمره واحد و مافيهاش غلطه علشان العفشه تعيش معاك لان لو فيها حاجه حتبهدل العفشه مقصات و بيض و سكترا

انا معايا لانسر 92 ومركب جنط 17 وعريض بغباء وقاصص من السوست لفتين من كل واحد وكنت مركب مساعدين kyb وحاطط صدادت وافشخنات وقالب الجنطين اللى ورا زى المرسيدس لما اكون ماشى فى حته مكسره كنت بحس بهزه فى العربيه جميله جدا دى اللى كانت مخليانى متمسك بالعفشه السبور بس لما تحمل فى العربيه مثلا كان الموتور روحه بتطلع والعفشه بتتبهدل بس المتعه بصراحه كنت بحسها على الطريق فقط تحس انك راكب رمح حلوه رمح دى مش عارف جات منين بس ياله عاديات المهم لو انت بتمشى جوا البلد انصح انصح بعدم تكبير الجنط او الكاوتش لان العربيه هتاكل بنزين والعفشه هتتدمر ممكن كل شهرين بيض وجلب مقصات وشدادت والافشخنات دى لاكن لو حضرتك بتسافر دايما ممكن اه تركب 15 مع كاوتش اقل فى الارتفاع هتلاقى ثبات لاكن جوه البلد هتلاقى تدمير والعكس صحيح وياسيدى على فكره عمرك ماهتجيبها علطول كده لازم تجرب علشان تتعلم ومحدش بيتعلم ببلاش انا علشان رحت عملت فى العربيه كده وهبطها وجنط 17 علشان ارجع العربيه تانى لوضعها غيرت سوست وغيرت الجنط بس خليته 15 على كاوتش اقل فى الارتفاع ونوعه كوماهو وكنت بخلى الهوا على 26 علشان الطرق اللذيه وكل شويه منطش من على الكرسى انا مش عارف اقول ايه اكتر من كدا انا رغيت كتير بس دى اللى حصلى مع الجنوط والكاوتش وربنا يكون فى عونك وجرب وابقى قولنا ايه الاخبار
ودى صوره مع الجنط 17http://www.masrmotors.com/vb/%3Ca%20...%22%3E%3C/a%3E
http://www.mediafire.com/imgbnc.php/...3d68701b6g.jpg

ودى صوره لل15
http://www.mediafire.com/imgbnc.php/...0f7280eb6g.jpg
http://www.masrmotors.com/vb/%3Ca%20...58ctih%3C/a%3E