رد: توصيلة كتاوت المارش؟ توصيلة زرار تدوير العربية ؟ عايزين نتعلم
 

طيب ما انا بردة من الصعيد وبشتريه على طول لانى بستخدمه فى دوائر التحكم
هو موجود على فكرة وانا كنت عامل زيك كده فى الاول
شوف انا كنت بجيبها للراجل على بساطة بقوله نفس فكرة مفتاح نور التلاجة بس الفرق انك لما تضغط عليه يوصل تشيل ايدك يفصل ويستحمل تيار عالى وصدقنى هتلاقيه خصوصا لو فيه فى بلدك كليه هندسة لانهم بيستخدموه كتير

رد: توصيلة كتاوت المارش؟ توصيلة زرار تدوير العربية ؟ عايزين نتعلم
 

لقيت المفتاح ولا لسه

رد: توصيلة كتاوت المارش؟ توصيلة زرار تدوير العربية ؟ عايزين نتعلم
 

أشكرك جدا على اهتمامك وربنا يبارك ليك فى علمك
للاسف

انا ما لقيتشى المفتاح

جهزت كل حاجة وعملت التوصيلة ومش لاقى المفتاح


لفيت لغاية ما كعب رجلى تعب على المفتاح

كل الكهربائية فى المحافظة حتى المحلات العادية


ما تلاقيش غير ابتسامة صفراء وكلمة لا مش موجود

وفيه الى يقعد يسمع منك كانه بيكلم واحد اندونيسى

وبعدين يستغرب وكانه عايز يقولك انت بتقول ايه اصلا


المفتاح مش موجود ومش عارف الاقية

اخر اختراع

رحت لمحل بيع موتوسيكلات وسالته

قالى فيه واحد جوه قطمة مفاتيح الموتسيكل ممكن تاخده وتفكه بس انت وحظك

انا بصراحة زهقت

لو تاخد فيه ثواب كبير

تقولى اسمه ايه بالعربى بلغة الكهربائية الفلاحين المصريين الافتكاسة وكمان أقوله عايزه علشان كذا

لانه لما بيسمع دائرة تحكم موتور

بيبقى زى واحد غبى بيخبط دماغه فى الحيط وهو مش عارف ايه تحكم موتور


علشان من تعلم لغة قوم امن شرهم


اقدر ادخل بقلب جامد وقوله هات مفتاح كذا

وربنا يباركلك

رد: توصيلة كتاوت المارش؟ توصيلة زرار تدوير العربية ؟ عايزين نتعلم
 

http://www.masr1.com/?di=SFT3

http://www.masr1.com/?di=YJ4G
ممكن كمان تاخد الصور دى معاك على الموبايل وتخلى يشوفها وقوله عاوز حاجة قريبة منها
او تخلى حد لو مسافر يجبهالك من القاهرة
على فكرة مفتاح الضغط الاخضر هو ده بتاع دواير التحكم
فى حاجة كمان لو تعرف شركة تركيب الأسانسير هتلاقى عندهم المفتاح ده
وفى انواع منه عند بتوع قطع غيار النقل التقيل بس قوله مفتاح مارش
وابقى بلغنى بالأخبار
فى حاجة كمان ممكن تقوله مفتاح نفس فكرة مفتاح جرس البيت بس شكله زى اللى فى الصورة

رد: توصيلة كتاوت المارش؟ توصيلة زرار تدوير العربية ؟ عايزين نتعلم
 

اخى الفاضل

انا لقيت المفتاح بالصدفة وركبته

والحمد لله شغال عشرة على عشرة

وخلاص نسيت تكه مفتاح المارش ودلوقتى بالزرار

ربنا يباركك انت وبقية الاعضاء فى المشاركة ويجازيكم خير على اللى علمتهونى

ومعلش تعبتكم معايا