رد: حكـــــــــــــــــــــــ ـــــــــــاية شـــــــــــــــــــــهيد
 

الله يرحمة ويسكنة فسيح جناتة

رد: حكـــــــــــــــــــــــ ـــــــــــاية شـــــــــــــــــــــهيد
 

قابلت فى حياتى العديد من النماذج

فقد قابلت من ضباط الشرطه من هو فى قمة الأخلاق و الذوق و الأنسانيه ممن هو من أولاد الأصول و التربيه العاليه و مثال الأمانه و الضمير .

و قابلت فى حياتى من هم دون ذلك

و اول الملاحظات أن الفئة الثانيه تتسبب مباشره فى الأسائة للفئة الأولى بل لكل جهاز الشرطة وتتسبب فى اطلاق صفة التعميم على الجميع مما يسبب ضررا بالغا و انفصالا فى ضمير الشعب كله بينه و بين أبناءه من جهاز الشرطه .

ثانى الملاحظات حول هذا الموضوع هو خطأ داخلى فى جهاز الشرطة نفسه و هو الخلط بين مفهوم الأمن و مفهوم الأمان و فى تحول دور الجهاز من هيئة مدنيه خدمية للشعب الى جهاز أمنى للحماية من الشعب .

و كدليل على هذا الخلط سوف نلاحظ تغيير شعار هيئة الشرطه من " الشرطه فى خدمة الشعب " الى " الشرطة و الشعب فى خدمة الوطن "

ماهو الوطن ان لم يكن هو الشعب الذى يعيش فيه ..... الا اذا كنا نقصد أن الوطن هو مجموعة المنشآت التى عليه و الأشخاص الذين يديرونه .

هذه المشكله نشأت و نمت بشكل صارخ عندما تعاظم دور الأرهاب فى مصر و كشر عن أنيابه و لم يكن هناك غير الشرطة المصريه لتواجهه فى الوقت الذى لم تكن مستعدة فيه للقيام بهذا الدور .

لم يكن هناك وقت أيامها سوى تحويل الجهاز عن مهمته الأساسيه كهيئة مدنيه الى جهاز عسكرى قادر على مواجهة الأرهاب مع ما ترتب عليه من تراجع و اهمال فى مستوى التعامل و الأداء مع الشعب عموما .

و لذلك فليس من حل لهذه المعضله سوى بالفصل بين جهاز الشرطه كهيئة خدميه أمنيه فى الأساس حسب نصوص الدستور المصرى , و بين جهاز مكافحة الأرهاب ممثلا فى وزارة الداخليه و مباحث أمن الدوله .

فى الختام أود من صاحب الموضوع أن ينقل تحياتى لكل ضابط شريف محترم فى أى موقع من المواقع معبرا له عن خالص احترامى و تقديرى له و لجميع الشرفاء فى هذا الجهاز الذى طالما خدم مصر و المصريين .

رد: حكـــــــــــــــــــــــ ـــــــــــاية شـــــــــــــــــــــهيد
 

اخي الكريم
انا متأخر كتير في الرد لكن انت جيت على موضوع شائك للغايه وفيه مشاكل كتير بتحصل
الموضوع مرتبط بالضمير والذمة زي ما حضترك ذكرت في البداية وانا عن نفسي اعرف ان فيه تقريبا 200 اسرة شهيد شرطة مسئولة من وزارة الداخلية
لكن مشكلة جهاز الشرطة حاجتين
الاولى
انه واجهة التعامل مع الشعب وبالتالي بيحصل فيه احتكاك كتير والاحتكاك بيولد انفعالات والانفعالات بتؤدي إلى صراعات
الثانية
انكم نموذج وقدوة للي بيشوفكم لو شافو واحد مرتشي الكلي بيقلك لان ضابط الشرطة هو الل بيمثل الدولة وهو الاداة الضاربة الباطشة للدولة وبالتالي اي تصرف غير مسئول من احد افراد جهاز الشرطة بيكون قدوة ونموذج ومحط انظار وانتقاد للشعب ( صراعات متناقدة ما بين التقليد وبين الانتقاد ) وفي نفس الوقت انتو مصدر التنفيس عن الشعب لاني مش هعرف اطول وزير ولا رئيس وزارة اتخانق معاه او اخنقه فبيحصل التفاعل بينكم وبين الشعب



مش هقولك خالد سعيد ولا حزب الغد ولا اي كلام من الكلام اللي الرغي فيه كتير
هقولك على مثالين قريب والاتنين من النقيض للنقيض لو تفتكروا من حوالي سنة او سنة ونص
كان فيه شهيد شرطة ( مش فاكر اسمه ) كان توفي في حالة دفاع عن عرض بنت ولحقها قبل ما المغتصب يعمل فيها حاجة ومات على اثر طلقة من سلاحه لما الولد اخد منه سلاحه وضربه بيه ( مش فاكر الملابسات بالضبط )
وبعدها بشهر كان فيه ضابط شرطة تاني متلبس تقريبا كانت قضيه مخله بالاداب او مخدرات ( مش فاكر ) كلن كان التعليق الوحيد اللي اتقال لابن ............. والا بلاش لحسن ابوه يكون راجل محترم انه باللي عمله ضيع حلاوة وجمال وحياة واحد تاني لا الناس مش هتشوف الصورة الحلوة لان جه عليها شوية تراب
اما عن قصص التعذيب فدي كتييييييير وحدث ولا حرج لكن كام منها اللي بيتعرف ......... الله اعلم
لكن انا قبل كده في لقاء تلفزيوني سمعت ان فيه ضابط مقدم تقريبا اخد خمس سنين حبس وعزل من الرتبة لانه اثناء ملاحقه مجرم مخدرات التاني وقع والا خبطته عربية والا حصله ايه المهم انه مات والضابط اخد فيها جزاء وضاع مستقبله على كده
القصد ان الجهاز زي ما له مميزات له عيوب

نيجي بقى على قصة المرور
دي بقى مش ضابط بس ضابط ومهندس وفني وكل من هم في المرور شركاااااااااااااااء فيها وشراء في السمعة الزفت اللي طلعت عليهم ولا هاي مسئولية ضابط لوحده ولا مسئولية فني لوحده ولا اداري لوحده وبما ان الموقع هنا متخصص في السيارات فهتلاقي اغلب شكاوي الناس من المرور واللي فيه

وبما ان الضباط اغلبهم شرفاء زي ما حضرتك بتقول وانا أأويدك
فياريت تعرفلنا ازاي ميركوباصات زي في المطرية وعين شمس والحدايق والزاوية بيسوقها عيال مكملوش 14 سنة وكل عربية معروفه هيا تبع اي ضابط وفيه ضباط ليهم اكتر من عربية في الخطوط دي ومش هنقول لأ ده رزقه الخاص وربنا يوسع عليه لكن اللي اعرفه ان القانون بيطبق على الكل عليا وعلي حضرتك وعل الوزير وعلى الغفير لكن اللي بيحصل العربيات ماشية من غير رخص ( رخصها هيا نمرها اللي تبع فالن بيه او علان باشا ) والعربيات كهههههههههههههههههههنة ولا امن ولا سلامة ولا متانه ( لكن لو حد فينا راكب عربيته والحزام بتاعه بيلق شوية بقى امن ومتانه
كل العيال الي بتسوق الميكروباصات دي بتمشي في اماكن كتير مخالف ومع ذلك محدش بيوقلها لأ مع العلم ان اوقات بيكون واقف امين او عسكري لكنه عارف عربية مين وان مكنتش تبع حد بيكون اخد المعلوم

مثال اخر ايجابي ليكم
من حوالي شهرين فيه واحده اتسرقت بالاكراه في حدايق القبة ابنها راح على القسم يعمل محضر 3 ساعات مفيش حد عاوز يعبره وناس تمطوح فيه يمين وشمال وهو اصر انه يعمل المحضر ويثبت فيه ان فيه امين شرطة وعسكري كانو واقفين في الميادن وقت الحادث ومحدش منهم اتحرك واخد المحضر واتصل بالتلفزيون قناه دريم 1 وقالهم اللي حصل ، وعلى الفور الاتصالات تمت واتصولا بالراجل ده وطلبوه منه يروح الادارة العامة للخدمات الجمهور وكان في استبقاله عقيد تقريبا وعرف من هالتفاصيل واخدوه هو ووالدته على قسم الشرطة اللي حصل في المماطله وكل من هو مقصر تم جزائه وتم التعرف على العسكري والامين اللي كانو موجودين وقت الحادث وتم جزائهم

لكن نتكلم بصراحة بقى
لو حضرتك ضابط شرطة او مواطن عادي فانت نفس مهما طلعت ولا نزلت نفس وبتخاف على نفسك لو فيه واحد هجم ومعاه واحد تاني يدعمه ومعاهم اله حادة او سلاح ناري هتروح تهجم عليهم وتعمل السبع رجاله في بعض وتقول انا طرازان اهو
طبعا لأ
لأن مهما كنت مدرب على فنون القتال اليدوي فمهاراتك قلت مع الوظيفة الادارية بعد تخرجك ، وثانيا انت عندك تعليمات في حاله وجود سلاح ناري متعملش حاجة غير المفاوضات لانك ممكن تخسر مش بس حياتك لأ وحياة المدنيين اللي حواليك ثم ان التدريبات اللي بتاخدوها مش تخليكم خريجي معهد شاولين يعني دي كلها مباديء الدفاع عن النفس وفي الاول والاخر (الكترة تغلب الشجاعة )

واخيرا وليس اخرا بالتوفيق ونتمنى نعرف عنك كل خير وتتابع معانا وتبقى توقلنا رأيك ده لما تكبر شوية وتبقى رائد او مقدم ونشوف التغيير اللي هيكون في شخصيتك

اسف جدا جدا على الاطالة
واسف اذا ضايقتك في بعض الكلام
لكن والله الكلام كتير لكن مين يسمع ومين يصدق

وكل سنة وانت طيب العيد خلاص قرب والشغل بتاعكم على ودنه علشان التحرش وبعدها الدراسة داخله الشغل هيبقى على ودننننه من المظاهرات ووراها والانتخاابات وربنا يكون في عونكم سنة كبيسة السنة دي انا عارف

رد: حكـــــــــــــــــــــــ ـــــــــــاية شـــــــــــــــــــــهيد
 

وماله يابشا هنقل للضباط الشرفاء احترامك بس تدفع كام بقي عشان اشتغلك بوسطجي ههههههههههههه

رد: حكـــــــــــــــــــــــ ـــــــــــاية شـــــــــــــــــــــهيد
 

ربنا يقوينا واياكم ان شاء الله وياباشا انت كلامك محترم قووووووووي ومفيهوش حاجة تزعل خاااااالص وبرده باكد ان كل مكان فيه الكويس والوحش بس قدر ضابط الشرطة انه وظيفته هي تحقيق الامن وهي وظيفة غير مسموح فيها بالخطأ وعشان كدا الغلطة فيها بوقعة

رد: حكـــــــــــــــــــــــ ـــــــــــاية شـــــــــــــــــــــهيد
 

السلام عليكم و رحمة الله و بركاته

أنا لسة شايف الموضوع دلوقتي بس أحب أسجل إعجابي بالموضوع و جراءته لأنه لأول مرة أشوفه على المنتدى ( و أعتقد أي منتدى اخر )
طبعا مش حاكرر الكلام اللي اتقال عن المزايا و المساويء لجهاز الشرطة أو الضباط كأشخاص و لكن لي بعض التعليقات:

1- أنا احتكاكي بالضباط قليل جدا و لكن لللأسف أغلب الشخصيات اللي اتعاملت معاها كانت من النوع التاني ( اللي مش كويس ) بالذات في المرور , يعني مثال
ضابط المرور اللي واقف في لجنة ( طبعا مش كلهم زي ما اتفقنا ) بيحس انه ممكن يدوس فوق رقاب العبيد و ان السلطة اللي في ايده مدياه قوة و ممكن لو نفسه ضعيفة يستغلها في الافترا
2- زوج عمتي لواء شرطة متقاعد و الراجل صراحه اتبهدل و خدم في أماكن كتير ( زي أغلب ضباط الشرطة) و لكن لماذا تعامل الضباط مع ال ...... ( مش عارف جمع صول إيه :) ) كله سب و شتيمة ( في الأغلب الأعم ) ؟؟
3- الضابط ( مش مهنة الضابط :) ) في الموضوع هو في الأول تعامله مع الله ثانيا مراعاة ضميره
4- مش عارف ليه نظرة الضابط دائما و أبدا للتدين على أنه ارهاب و تطرف , مش ممكن يكون الانسان ملتزم بدينه و عارف حقوقه و واجباته ؟ ولا يعني طالما ملتزم أو ملتحي يبقى علىطول أرهابي تكفيري رجعي متزمت متجمد أصولي ,,,, الخ
يعني سؤال صريح جدا
لماذا يشك دائما في مرتادي المساجد أنهم ارهابيون و أنهم يتعلمون دينهم لكي يواجهوا الحكومة أو انشاء خلايا إرهابية أو أشياء من هذا القبيل ؟
فيه موقف حكاه لي أحد الأصدقاء على لسان شخص يعرفه جيدا أنه في كمين أمني بأحد المناطق و تفتيش خلق الله و الشك فيهم شك الضابط فيه أنه متطرف , على الرغم من أنه غير ملتحي , ولا يوجد ( زبيبة صلاة على وجهه ) , فبحث عن مصحف فلم يجد , فبحث عن سواك فلم يجد أيضا , فلم يجد الا أن يشمر عن ركبتيه ليرى علامات السجود ( خشونة في جلد الركبة ) لاثبات أنه من الذين يصلون كثيرا ( أصبحت تهمة في هذا البلد والله ) , أرأيت هذا الحد من التطرف ( من الضابط طبعا ) هل الصلاة أصبحت تهمة ؟ هل اتباع سنة رسول الله صلى الله عليه و سلم سبة و جرم عظيم ؟ عجبا لأمر هؤلاء القوم ( طبعا حاكرر مش كلهم بس المرة دي الغالبية العظمى )
أتمنى انك ماتزعلش من كلامي
و يجعل كلامنا خفيف عليهم ( مش أنا يا بيه :) :) )

رد: حكـــــــــــــــــــــــ ـــــــــــاية شـــــــــــــــــــــهيد
 

يا استاذ علي دي احتياطات امنية بيصنف كل الموجوده على انه مشتبه فيه وبعدين يصفيهم واحد واحد واللي شايفين انه متطرف بعد كده بيسحبوه على المعتقل على طول بلا نقاش
لكن السؤال المناقض تماما بقى
الفترة الاخيرة دخلت اكتر من مسجد ولقيت فيهم ناس المفروض انهم احد تيارات الدعوة ولقيت كلامهم فيه حاجات غلط كتير او بمعنى ادق بياخدوا بعض الاحاديث الصحيحه ويتكلماو شوية ووبعدين يدخلوا المشتبه فيه مع الصحيح مع المغلوط مع الاسرائيليات وفي النهاية يديلك كوكتيل عجيب كده ملوش طعم
وللأسف الكلام ده بيحصل في اماكن اغلبها شعبيه وبيكون ليه تأثير قوي على الناس وطبعا الناس على قدر ضئيل من المعرفة بيكون تعصبهم لكلام الجماعات دي كبير وبيستضيفوهم وبيسمعوا كلامهم ولا كانهم الشيخ الشعرواي رحمه الله عليه

وبرضة من ضمن النموذج النقيض
احد المذاهب الاسلامية المغالي في بعض الامور وكان له واقعة شهرية في مدينة 6 اكتوبر من كام سنة ) كانوا فين بقى الجهات الامنية والناس دي بتبث فكرها في وسط الناس وبتعمل فرقه وحزب طائفي لوحده
مش كان من باب اولى الوقاية من الموضوع ده خصوصا ان اصحاب التيار ده واللي بدأوه مش مصريين، بدل ما نيجي النهاردة نلاقي نفسنا في وسط معمعه وانقسام بين الناس وقريب هيحصل فينا نفس اللي بيحصل في دول تاني ( والحدق يفهم بقى انا مش هفسر اكتر من كده )