المشاركة الأصلية كتبت بواسطة الايطالى الصغير (المشاركة 654161)

لا يسعنى سوى ان أقتبس واستشهد قول الشاعر العربى

هم القوم إن قالوا أصابوا، وإن دعوا.....أجابوا ، وإن أعطوا أطابوا وأجــزلوا


او هو البحر من أي النواحي أتيته.. ..


فلجته المعروف والجود ساحله


بارك الله فيك وعليك ولك ونفعك بما بذلته من جهد لتوضيح الامور الصعبة بالنسبة ليه

والان سؤال


كيف تحكم على الخراط ازاى تعرف ان الخراط فنان وشاطر
وازاى تعرف انه زى بليه المكيانيكى واعوانه

الحكم بالمعاملة والسمعة وقد سبق ذكر ان الجندى من افضل الخراطين اللى ممكن تتعامل معاهم والمكن بتاعة بصراحة زى الفل انا افتكر ان عندة مخرطة تاخد شغلة قطرها 3 م

وبالنسبة للعدد والادوات التى احتاجها فى العمرة ايه هى بالضبط

العدد العادية جدا اطقم مفتاح بلدى ومشرشر نوع كويس وشاكوشين احجام مختلفة وبيبة من 10 الى 13 مثلا وزرجينة بساتم ....رخيصة ما تقلقش دى عبارة عن لوح صلب وعلية قفيز .....عاوزك تشوف الفيديو دة هو من اولة لاخرة كويس وفى الدقيقة 7 بالظبط بيركب زرجينة الشنابر وبيركب البستم جوة البلوك

http://www.youtube.com/watch?v=OrWRT...eature=related

ياريت تعملى قائمة مبدئية على قد ما تتذكر ايه الى احتاجة بشدة فى العمرة ونوعه
اهم حاجة بس كوريك تمساح

وسعره تقريبا وألاقيه فين فتح الله عليك وزادك بركه

المشاركة الأصلية كتبت بواسطة الايطالى الصغير (المشاركة 657333)

استاذنا الفاضل واخونا العزيز
كدة المكنة بقت فى الهوا ونبدا ننزل الموتور على الارض واحدة واحدة واما نطمن انة كليا بقى على الارض هانرفع العربية لفوق ونرجعها لورة عشان تبقى بعيد عن الموتور

الجمل دى ياريت توضحهالى
ازاى هنرفع العربية ونرجعها لورا والموتور راقد على الارض
احنا اتفقنا ان الموتور اتفك من العربية وبقى على الارض وما فيش ولا اسلاك ولا اى حاجة رابطة الموتور بجسم السيارة يبقى اية المشكلة انك ترفع العربية كليا من عند الحوض وترجعها للخلف مسافة 1 متر فقط ......يعنى حضرتك واى حد معاك تمسك العربية من الرفارف وترفع لفوق وتزق للخلف
......................... ...

بنجيب نص سبيكة قديمة طبعا ونوضؤرها على سنون الفولام
يعنى ايه ونوضؤرها على سنون الفولام
وازاى
انا اسف بس دى كلمة معروفة جدا فى اى ورشة وجاية من كلمة دؤار لو حضرتك اشتغلت فى اعمال الخرسانة المسلحة حتى كاملك او خطوط المياة الكبيرة بنعمل حاجة اسمها ضؤار يعنى جزء بيؤدى وظيفة معينة وهى عدم فلت او خلع او لف جزء ما .... كدة كلمة نوضؤرها اتفهمت !!!!
القصة كلها انك كل اما تيجى تفك مسمار الكرنك هتلاقى الكرنك بيلف معاك فى اتجاة الفك طب احنا عاوزين حاجة تمسك الكرنك متخلهوش يلف عاوزين نوضؤر الكرنك فى حاجة ....والحل اننا نستغل وجود الحدافة او ترس الفولام لانة مسنن وممكن اعشق فية نص سبيكة مستعملة او مخلوعة من مكنة او مفك كبير او اى حاجة معدنية تمنع الفولان يلف عشان اعرف افك مسامير الكرنك
......................... ...

بخصوص وش السلندر انا مش عاوز اشوف حاجة فية لانى ناوى اعمل كل حاجة فية من قواعد ودلايل وطقم صباب عشان دة مخ المكنة ولازم يتعمل زى ما قال الكتاب وخصوصا ان التكلفة مش عالية دنا بتعامل مع 8 قواعد وطقم صبابات بـ 90 جنية الفرنساوى اللى هو احسن حاجة

ايه احسن الخامات والانواع الموجودة فى السوق والماركات المعروفة الى مش مضروبة
وازاى اعرف ان المنتج كويس
سواء القواعد والدلايل والصبابات
القواعد والدلايل بيتعملو عمولة عند الخراط طقم الصباب والجلد بتاعة فقط اللى بنشترية وهات الفرنساوى من عند اخونا نيكولاى ساركوزية
.............
يا سلام لو زودتنى بصورة لموضع علامة سير الكاتينة
لانى شغال بالمفك فى تضبيط سير الكاتينة
ونفسى أشوف العلامة الى على جسم الموتور فين بالضبط
لانى مش شايف غير علامة خارجية على طنبورة ترس طرمبة المياه الى راكب على ترس الكرنك
بامر الله هاشوف صورة لكدة وحضرتك ممكن تشوف على الفتيس المكان اللى بيبان فية الفولام فى علامات ولا لا
............
جزاك الله عنى خير
وربنا يبارك فيك على تعبك معايا
.......................