مصر موتورز مجتمع السيارات - ما هو اسوأ مرور ممكن تتعامل معاه فى مصر؟

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - ما هو اسوأ مرور ممكن تتعامل معاه فى مصر؟ (https://www.masrmotors.com/vb/showthread.php?t=82215)

رد: ما هو اسوأ مرور ممكن تتعامل معاه فى مصر؟

انا تعاملت مع 3 وحدات مرو وهم السلام وفيصل ومدينة نصر
اسواء مرور على مستوى الجمهورية هو السلام يليه فيصل
وافضل وحدة مرور على مستوى الجمهورية مدينة نصر تجديد رخصة السيارة من الالف الى الياء لمدة ثلاث سنوات لايتجاوز الساعه والنصف علاوة على رقى المكان والاستراحه والكافيتريا وتعامل الموظفين ولكن مافيش مانع ايضا من بعض الاكراميات

رد: ما هو اسوأ مرور ممكن تتعامل معاه فى مصر؟

اقتباس:

المشاركة الأصلية كتبت بواسطة كيا سيفيا (المشاركة 637720)

اعتقد مرور مدينة نصر بالشكل اللى انت بتقول عليه ده علشان الادارة العامة للمرور هناك فالناس لازم تبقى كويسة

رد: ما هو اسوأ مرور ممكن تتعامل معاه فى مصر؟

اقتباس:

المشاركة الأصلية كتبت بواسطة Vanditta (المشاركة 637543)

من غير ما اقرأ الردود على الموضوع دة اقدر اقولك وبكل ثقة
مرور الســــــــــــــــــــــ ــــــــــــــــلام

مرور السلام دة من كبيرة لاصغر عامل فية بيتبعوا استراتيجية معينة كدة فى المعاملة تخليك تكره نفسك من كتر الذل اللى هتشوفة
يأما لو نفسك عزيزة عليك يبقى تدفع عشان ماتتبهدلش

يارااااااااااجل دة انا اما استلمت النمر الجديدة اتصورت معاها و كان هاين عليا اتحزم وارقص بعد البهدلة اللى شوفتها هناك

كفاية اقولك انى اعرف ناس بتنقل العنوان بتاعها فى البطاقة مخصوص عشان تهرب من المرور دة

ألله يكون فى عونك .. وتصدق فكرة كويسة جدا ان الواحد ينقل عنوانه علشان يهرب من اسوأ مرور .. بجد ناس ذكية جدا الى عملت كده شكر وتقدير

رد: ما هو اسوأ مرور ممكن تتعامل معاه فى مصر؟

اقتباس:

المشاركة الأصلية كتبت بواسطة طارق ابوذيد (المشاركة 637548)

اسوأ مرور رأيته فى حياتى هما اثنين الاول مرور اوسيم والثانى مرو السلام .

طلع معانا مرور جديد من ضمن الاسوأ مرور اوسيم :F_14WA~16[1]:

رد: ما هو اسوأ مرور ممكن تتعامل معاه فى مصر؟

يعنى كده مرور السلام واخد أعلى الاصوات من كل اللى تعامله معاه سواء من داخل القاهرة او خارجها
ربنا يصلح الأحوال لأن مشوار المرور عذاب فعلا لأى حد تعامل مع اى ادارة مرور
مثلا هنا فى المنصورة وانا بنقل ملكية السيارة فضلت يومين اطلع فى شهادة بيانات وبعد جهد جهيد وووقوف فى طابور لا يتحرك ولما تصل الى الشباك تفاجأ ان الورق ناقص تقوم ترجع تكمل الناقص وترجع تانى تديله الورق بس بعد ما تحلف للناس اللى واقفه فى الطابور ان انت اللى لسه كنت واقف مفيش من دقائق وبعدين المفاجأة الكبرى , الأستاذ الموظف مش لاقى ملف السيارة يقوم يقولك تعال بكره , وتيجى بكره وفين وفين بعد طلوع الرووووووووح الباشا يلاقى الملف يقوم يعملك الشهادة وبعدين تقف فى طابور تانى علشان تتمضى من الظابط وبعدين تختم وبعدين تروح تغلفها وبعدين تطلع من المرور وانت بتلعن وبتدعى على كل موظف بيشتغل فيه
ده مجرد عينة من العذاب