رد: عايز اركب طرمبة بنزين كهربا .. قولي رأيك فى الموضوع دة ؟؟
 

المكنة حاليا محكومة من فوق بس .. يعنى جلب بيلات وصبابات وسبيكة وطقم شنبر وبنوز وكل ما يخص هذا الجزء ماعدا خراطة . لم يتم عمل اي خراطة . والبساتم حالتها كويسة وبصيت ع الشميز وشوفت حركة البساتم ولم اجد اي خشونة او خربشة او علامات فى الشميز.. وكبس الموتور جيد الحمد لله وراضى عنة " لم افحص الكبس فى بنزينة " ولكنى لم اجد مشكلة .. وبوصل فى الطرق السريعة لسرعات 140 بسلاسة .

الزيت .. بستخدم حاليا شيل 20 - 50 .. متعدد
shell XHL وسابقا كنت على Mobil
رغم ان الاخوة الميكانكية بيقولو انة ملوش لازمة .. يأما حط اي حاجة 50 ومش لازم متعدد الدرجات
لكنى مقتنع باللى فى دماغي علشان اللزوجة تبقى متناسبة فى كافة ظروف درجات الحرارة سواء برودة
او سخونة " 20 - 50 " ولانى حاسس بفرق فى صوت المكنة وفى الاداء ..

رد: عايز اركب طرمبة بنزين كهربا .. قولي رأيك فى الموضوع دة ؟؟
 

وهل مع موبيل

كانت نفس الحاله الحاله

لصعوبة الدواره مع ركن السياره لمده أكبر من يوم ................؟


__________________

وفيه سؤال تانى قبل مايروح من ذاكرتى

هل جربت تدور ( بعد يومين ) وأنت شايل عمة الهواء

جايز يكون باب الكربوراتير العلوى مش مظبوط تماما

والهواء بيكون قليل وأنت بدور مع وجود بنزين قليل فى غرفة العوامه

( حاول تبقى تدور مره وأنت شايل عمة الكربوراتير بعد الركن الطويل للسياره )

رد: عايز اركب طرمبة بنزين كهربا .. قولي رأيك فى الموضوع دة ؟؟
 

ايوة نفس الحالة ..

جربت والله يا بشمهندس .. فية حاجات كتير مشتركة فى التفكير بينا .. ونفس النظام لانى قلت جايز
الايام اللى كانت فية عفرة وتراب تكون بهدلت الفلتر .. جربت ونفس النظام واشتريت فلتر بعشرة ج
ورميت القديم . الباب العلوى دايما على سيفة .. وعملت حاجة وانا فاتح اشتريت لتر بنزين 80
وحطيت شوية فى البابين .. مغبتش بس بطلت بعد مدارت بثوانى فدورت تانى درات ودة اللى وصلنى
لموضوع الطرمبة بدل الازازة ومنظر سواقين التاكسى دة .. بس انا كنت فاكر ان دة عادي انها تتأخر
لانها ريجاتا وقديمة .. وتفكيري ما هو الا افتكاسات .. معنى كدة ان اي عربية المفروض تدور بسرعة
وفى اي وقت صح ؟ ** على الهامش .. الطرمبة الجديدة احيانا بلاقى الفلتر فاضى بعد مسبها مركونة واحيانا الاقى الفلتر مملى الربع .. وعمرة معلي عن الربع .. الطرمبة القديمة كان الفلتر دايما مليان لاخرة .. لو كان دة احد الاسباب العربية عادية معايا وبجري بيها زى الفل .. هل اجرب اركب القديمة على الكربراتير الجديدة دة اللى مشفش الطرمبة القديمة ؟ علما ان القديمة اساسا جديدة ايطالى لكن الاخ الميكانيكى قالى فكها وهات غيرها مش فاكر السبب .. العادى ان الفلتر دايما يكون مليان على اخرة فى اي ظرف من الظروف ؟ ولا مجرد انة مليان الربع والعربية دايرة وعادية طبيعي ؟

رد: عايز اركب طرمبة بنزين كهربا .. قولي رأيك فى الموضوع دة ؟؟
 

لو الكلام ده والمكنه بارده

يبقى ده سبب مشاكلك مع الدواره

المفروض الباب يبقى موارب وليس على سيفه

والمكنه بارده

رد: عايز اركب طرمبة بنزين كهربا .. قولي رأيك فى الموضوع دة ؟؟
 

امممم . طيب انا ممكن اقفل الباب دة بسلك السخان .. يعنى اشد السخان نص شدة اخلية موارب
او اشدة كلة الباب هيقفل .. كدة صح ؟؟ ولو دورت على الوضع دة معتقدش ان المكنة هدور والسخان
شغال والباب مقفول كدة .. رأيك اجرب انهاردة واشد السخان علشان يقفل الباب ؟