رد: هل من حق صاحب المحل انه يقولك العربيه كده مضايقانى ؟؟؟
 

بجد شكرا يا جماعه على هتمامكم
وربنا يريحنا بقى من وجع الدماغ ده

رد: هل من حق صاحب المحل انه يقولك العربيه كده مضايقانى ؟؟؟
 

قلبي معاك المشكلة كمان بقت موجوده لما تركن قدام المصالح او المدارس لازم تلاقي عفريت طالع مش عوزك تركن وكأن الشارع بتاعه والتخريب المتعمد موجود ..... انا كنت راكن قدام مدرسة باليل وانا بركن طلعلي العامل علشان أمشي طبعا طنشت وتنحت رجعت بعد ساعة لقيت الفرده نايمة غيرتها وسكت وانا بصلحها لقيتها واخده مطوه أو سكينه ؟ الهم غيرت الشمبر

رد: هل من حق صاحب المحل انه يقولك العربيه كده مضايقانى ؟؟؟
 

المشكله مش فى صاحب المحل ولا فيك المشكله ان البلد مش ماشى فيها قانون علشان الناس تعرف انها لو غلطت هتتعاقب. وكتير قوى اقرأ فى الحوادث ان فيه خناقات كتير بسبب ركن السيارات
وشوف بقى لما حد يروح القسم هيقول انه خبط العربيه وعمل كذا وكذا وصاحب المحل هيقول انه كسرلى ازاز المحل. تقوم تلاقى البيه امين الشرطه يقولك خلاص هتباتوا فى القسم لحد الصبح علشان العرض على النيابه وبالتاى يتم التصالح ويضيع حقك وهذا هو النظام المتبع فى اقسام الشرطه
لذلك الحل الوحيد ان كل واحد يبقى ظابط شرطه او قريبه ظابط شرطه

رد: هل من حق صاحب المحل انه يقولك العربيه كده مضايقانى ؟؟؟
 

مشكلة موضوع الركن

رد: هل من حق صاحب المحل انه يقولك العربيه كده مضايقانى ؟؟؟
 

اسمحولى اتبنى وجهه النظر المخالفة طالما علشان ميبقاش الكلام كله من وجهه نظر مالكى السيارات

يعنى ايه محل اكل عيش ؟

1. يعنى اذا كان المحل ليه واجهه قزاز (فاترينا) يبقى الراجل عارض وراها بضاعة رصها وعمل فاترينا وبيخلى الواد يلمعها كل يوم مينفعش تيجى تسدها وتخفى شكلها بعربيتك وتمشى كده يبقى ايه لازمتها

2. اغلب المحلات بيتجيلها عربيات نقل علشان تنزل بضاعة وهو زيك بردو عايز يستفيد من الشارع كمنفعة عامة تقفل فيه عربيات البضاعة بتاعته لحد ما تنزل حاجتها ايه ياترى

3. لما تركن عربيتك قدام محلى مباشره هتشيلنى همها لو حصل فيها حاجة ده غير ما ممكن الاقى اتنين شباب قاعدين على الكبوت يعاكسو الداخل والخارج او اتنين ستات يقفو يفرطو ويهو العيش على العربيه ويوصفو لبعض طريقة عمل طاجن ورق العنب بالكوارع http://www.masrmotors.com/vb/images/...3_1%5B1%5D.gif

4. طبعاً فى حالة زى اللى اتحكت ديه الراجل كمان عايز يفرض سيطرة تخليه يمنع باقى الناس انها تعمل زى استاذ احمد لان لو كل الشارع عمل زيه كل الفاترينات بتاعته هتتسد فهو ماشى بمبداء اضرب الشيروكى تخاف ال127:shy:
مش قصدى ان الراجل صح او غيرة صح بس اللى عايز اقولة ان ممكن يكون عندة اسبابه برضو والافضل تتم بالتراضى والاتفاق

انا عندى مثلا تحت البيت بركن العربيه فى جراج قريب بس الامر مبيخلاش من مرات بجى فيها ومعايا شنط او معايا العيال نايمين فاركن تحت البيت واطلع ومقدرش انزل اودى العربيه الجراج
ولما كان حد بيعترض كنت بقولة لازم تستحملنى زى ما بتسحملك وبس
واحد من المعترضين كان محل لبان وبتجيله كل شوية عربيات بضاعة ده غير عربيات الزباين فلما كانت اى عربيه تركن بالاضافة لعربيتى كان الشارع فعلاً بيتقفل فمبقيتش اركن جمة
واحد تانى كان مكتب تعليم قيادة وده بقى باشا مش عايزينى اركن جمبة علشان ركنتى عايزها لعربياته وفيه ركنات تانية بس هو عايز ركنه امان تخليه يطع ويدخل فى اى وقت
ده نفضتله وهكذاً لازم احط نفسى مكان غيرى وبعدين احكم