رد: هل من حق صاحب المحل انه يقولك العربيه كده مضايقانى ؟؟؟
 

مشكلة موضوع الركن

رد: هل من حق صاحب المحل انه يقولك العربيه كده مضايقانى ؟؟؟
 

اسمحولى اتبنى وجهه النظر المخالفة طالما علشان ميبقاش الكلام كله من وجهه نظر مالكى السيارات

يعنى ايه محل اكل عيش ؟

1. يعنى اذا كان المحل ليه واجهه قزاز (فاترينا) يبقى الراجل عارض وراها بضاعة رصها وعمل فاترينا وبيخلى الواد يلمعها كل يوم مينفعش تيجى تسدها وتخفى شكلها بعربيتك وتمشى كده يبقى ايه لازمتها

2. اغلب المحلات بيتجيلها عربيات نقل علشان تنزل بضاعة وهو زيك بردو عايز يستفيد من الشارع كمنفعة عامة تقفل فيه عربيات البضاعة بتاعته لحد ما تنزل حاجتها ايه ياترى

3. لما تركن عربيتك قدام محلى مباشره هتشيلنى همها لو حصل فيها حاجة ده غير ما ممكن الاقى اتنين شباب قاعدين على الكبوت يعاكسو الداخل والخارج او اتنين ستات يقفو يفرطو ويهو العيش على العربيه ويوصفو لبعض طريقة عمل طاجن ورق العنب بالكوارع http://www.masrmotors.com/vb/images/...3_1%5B1%5D.gif

4. طبعاً فى حالة زى اللى اتحكت ديه الراجل كمان عايز يفرض سيطرة تخليه يمنع باقى الناس انها تعمل زى استاذ احمد لان لو كل الشارع عمل زيه كل الفاترينات بتاعته هتتسد فهو ماشى بمبداء اضرب الشيروكى تخاف ال127:shy:
مش قصدى ان الراجل صح او غيرة صح بس اللى عايز اقولة ان ممكن يكون عندة اسبابه برضو والافضل تتم بالتراضى والاتفاق

انا عندى مثلا تحت البيت بركن العربيه فى جراج قريب بس الامر مبيخلاش من مرات بجى فيها ومعايا شنط او معايا العيال نايمين فاركن تحت البيت واطلع ومقدرش انزل اودى العربيه الجراج
ولما كان حد بيعترض كنت بقولة لازم تستحملنى زى ما بتسحملك وبس
واحد من المعترضين كان محل لبان وبتجيله كل شوية عربيات بضاعة ده غير عربيات الزباين فلما كانت اى عربيه تركن بالاضافة لعربيتى كان الشارع فعلاً بيتقفل فمبقيتش اركن جمة
واحد تانى كان مكتب تعليم قيادة وده بقى باشا مش عايزينى اركن جمبة علشان ركنتى عايزها لعربياته وفيه ركنات تانية بس هو عايز ركنه امان تخليه يطع ويدخل فى اى وقت
ده نفضتله وهكذاً لازم احط نفسى مكان غيرى وبعدين احكم

رد: هل من حق صاحب المحل انه يقولك العربيه كده مضايقانى ؟؟؟
 

موضوع تعبت منه اركن وما تركنش تعبت خلاص

رد: هل من حق صاحب المحل انه يقولك العربيه كده مضايقانى ؟؟؟
 

انا كنت بركن وداخل سوبر ماركت وبعدت عن كل المحلات ووقفت قدام ارض فضاء ولقيت واحد جاى بيقولى يا باشا هنا معرض ايجار عربيات مع انى بعيد جدا عن محله - رحت مديله كلمتين وهذقته وحرقت دمى طبعاً بس اضطريت امشى عشان خفت يعمل حاجة فى العربية بعد ما امشى و طلعت بالعربيه فى اتجاهه وكنت هشيله بس هو نط بعيد عن العربيه وده كل اللى قدرت اعمله بس بعد ممشيت زعلت انى مضربتوش بس للاسف كان معايا عيالى .... المفروض المرور يراقب الموضوع ده واللى يقول محدش يركن قدامى يشمعولوا محله عشان يرتاح ويريح الناس ويحل ازمة الانتظار ...
رأيى الخاص انك تركن قدامه وتتابع العربية من البلكونه ولو جه جنبها بهدله واعمله محاضر فى كل حته من اول اشغال الطريق لغاية الازعاج وما شابه ووسائل الشر كتيير .

رد: هل من حق صاحب المحل انه يقولك العربيه كده مضايقانى ؟؟؟
 

+11111111111111111

رد: هل من حق صاحب المحل انه يقولك العربيه كده مضايقانى ؟؟؟
 

هههههههههههههههههههههه
والله انت عسل عسل عسل احلى رد
:crazyW14:

رد: هل من حق صاحب المحل انه يقولك العربيه كده مضايقانى ؟؟؟
 

بصراحة الموضوع بقى رهيب بجد القاهرة صعبة جدااا لا بقى انا هاقولك على حاجة دول كمان بيحطو لودرات على شان ما تركنش و فى بقى الواصلين منهم ممكن يعمل حديد قدام المحل

اما موضوع من حقة لا طبعا مش من حقة هوة لية المحل فقط يا اما يبقى ليك فى الارباح يعنى هوة عاوز مصلحتة هوة بس لازم يراعيك انت كمان

قانونا لا طبعا مش من حقة خالص