|
رد: احنا الطلبة ؟ عايزين نعرف عمرة الموتور بالتفصيل والخطوات والصور
تقفيل ادوات التغذية
طبعا اى حاجة بتركب فى البلوك بتتقفل بجملكة هانركب طلمبة المياة طلمبة البنزين الاسبراتير خلاص ركبناة المانيفولد الكربراتير وممكن ندور المكنة على الارض دلوقتى لالااختبار او للتلين بعد تركيب دورة المياة ردياتير وخراطيم سحب وطرد وطبعا المارش بس هانشيلة تانى اما نيجى نسقط المكنة فى الحوض مش لازم نركب الشكمان فى عملية التليين واحنا بنليين لازم نختار اوقات اليل ووش العربية للبحرى اثناء التليين لازم جركن مية جنبك وكل شوية تزود الردياتير بنليين ببنزين 80 افضل فى بداية التليين ندور ربع ساعة ونبطل نص ساعة لغاية اما الموتور يدور بانتظام وسلاسة لو عملنا عمرة كاملة مش اقل من صفحتين بنزين للتلين على الواقف وبعدها مشوار على طريق مفتوح ليلا مش اقل من 200 كم نظبط تاكيهات قبل التدوير نعيد رباط وش السلندر بعد 1000 كم مع ظبط تاكيهات فى النهاية اتمنى اكون افادتك وتقبل اسفى لعدم تنسيق الموضوع ولردائة الاسلوب بس والله حاولت اتكلم بالفصحى بس معرفتش عشان الوقت واى سؤال تحت امرك واسف للصور حاولت اجبها بس لقتها هتاخد وقت كبير لكن بامر الله اى حد من الاخوة الاعضاء ممكن يفدنا كلنا بيها |
رد: احنا الطلبة ؟ عايزين نعرف عمرة الموتور بالتفصيل والخطوات والصور
ما شاء الله ولا حول ولا قوة الا بالله
الله اكبر موضوع رائع ومرجع الى عايز يفهم العمرة كل ما اعيد القراءة اكتشف حاجات جديدة هاخد وقت علشان استوعب كل اللى انت ذكرته لانه موضوع رهيب ربنا يبارك فيك مستر أسترا mr satre بجد عاجز عن الشكر ولن اوفيك حقك واتمنى ان ادارة المنتدى الكريمة تثبت الموضوع علشان الكل يستفيد شكرا لوقتك ولمجهودك ربنا وحده هو الى يجازيك عنهم خير الجزاء هاكتب الاستفسارات بس ادينى فرصة استوعب لان الافكار والمعلومات كثيرة جدا الله يباركلك |
رد: احنا الطلبة ؟ عايزين نعرف عمرة الموتور بالتفصيل والخطوات والصور
ربنا يبارك فيك على موضوعك الجميل
ونبدا فى الاستفسارات والتوضيحات واستحملنى هتعبك معايا معلش ما معنى هذه الكلمات فى هذه الجمل ؟ الموتور فى الـ 128 مش بيتشال بونش وانما بينزل على الارض وبنرفع الرعبية من فوق منة ما هى الرعبية ؟ وليه لما نقدرش نرفع الموتور بونش ؟ تقصد ايه ان الموتور بالكامل بيكون متحمل على كوريك تمساحة ؟ ....................... ايه هى النصف سبيكة الى هنفك بيها مسامير الحدافة ؟ وتتجاب منين ؟ وازاى نأروضها ؟ وشكل السبيكة ايه ؟ ايه هو الخابور ؟ وفين مكانه وليه هو مهم جدا ؟ ......................... ........... ونطلع المكنة على تزجة معدنية نضيفة ايه هى التزجة ؟ ......................... ......... بنكتب على البستم والبيل بقلم نوعه ايه ؟ علشان تفضل الكتابه عليه تقصد ايه اتجاه البستم فى الشميز ؟ مش فاهم النقطة دى وازاى اعمل رسمة الاتجاه واعلمها ؟ ......................... .............. يعنى ايه سبيكة زيرو عشرة او زيرو عشرين فين بتتباع سبيكة المصانع الحربية ازاى تنضف مجارى الهوا للكراسى ؟ ياريت توضيح ؟ ......................... ..... ايه انواع المسامير وارقامها ومقاساتها الى بتكون فى الموتور علشان لو حبيت اجيب مسامير جديدة افضل ؟ ايه نوع الزيت الى بتديه للكراسى قبل التقفيل ؟ حاطط زيت على جدار الشميز ؟ نوع الزيت ايه وقد ايه نحط على جدار الشميز ايه هى زرجينة البساتم وتتجاب منين ......................... لو غسلت الموتور بالجاز أسيبه قد ايه علشان يتخلص من الجاز وازاى اتخلص من بواقى الجاز عند التركيب ؟ ........................ مين الى بييبع جوان وش السلندر وايه احسن نوع ليه وازاى اعرف انه كويس ؟ ......................... ......... ايه هى الجوملكة وتتجاب منين ؟ ......................... .................. ترجم الجملة دى لانى مش فاهم حاجة خالص حط الاسطوانة وبعدين الدسك وبنظبط مركزية الاسطوانة بعامود دركت معرفش بقى هاتجيبة عندك ازاى ......................... ............... امنيه حياتى اعرف فين علامة الطنبورة بتاعة تركيب عمود الكرنك فى ال128 المكان عندى ضيق فى العربية ومش قادر اوصله او اشوفه او تجيبلى صورة بالكاميرا وتورينى فين بالضبط ادعى ليك طول حياتى ......................... .............. |
رد: احنا الطلبة ؟ عايزين نعرف عمرة الموتور بالتفصيل والخطوات والصور
اقتباس:
متابع معاك وعلى إستعداد تام إنى أساعدك فى الموضوع تقبل تحياتى وتقديرى |
رد: احنا الطلبة ؟ عايزين نعرف عمرة الموتور بالتفصيل والخطوات والصور
:Wkiss5::Wkiss5::Wkiss5:: Wkiss5::Wkiss5:
|
| الساعة الآن 12:24 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017