مصر موتورز مجتمع السيارات - يارجالة, جبتلكوا صور لولا, عربيتى.

اقتباس:

المشاركة الأصلية كتبت بواسطة abo-salama (المشاركة 226548)

أوعى تزعلى منى يا راجل ياطيب العربية حلوة بس سيادتك مش مهتم بيها بس انت راجل طيب زى حلاتى مش بهتم بالعربية مع انى بعشق العربيات

والله يا أبو سلمى أنا بموت فى العربية دى بس مشكلتى حاجتين الكسل و أن الشكل مايفرقش معايا.

اقتباس:

المشاركة الأصلية كتبت بواسطة hazem_khidr (المشاركة 226566)

ربنا يباركلك فيها يا انجكشن
العربيه بفلوس بسيطه ممكن ترجعها زي ما كانت بس اصبر لحد ما تتعلم خالص

يا حازم باشا أن خلصت تعليم من زمان, وبقالى سنة معمالتش حادثة أو أحتكيت بحد خالص وبمشى فى شوارع تعتبر حيوية وزحمة جدا, هى العربية شكلها شوارع كده, ويسمع من بقك ربنا ياباشا وأرجعها عربية تانى.444546

اقتباس:

المشاركة الأصلية كتبت بواسطة xabi (المشاركة 226705)

ايه الجمال ده يا انجكشن...ده انت فرقت عربيه واحد صاحبى..العربيه بتاعته كل يوم واحد بيتعلم عليها وكل يوم بتاخد خبطه شكل لغايه لما معدتش تفرق بين وشها وضهرها..انا لو منك اسيبها كده ومصلحش فيها حاجه..تبعد عنك العين

هى العربية شكلها كده من زمان, الواحد خلص تعليم خلاص, وحضرتك الوحيد اللى فهمت وجهة نظرى, أنا عندى الناس تبصلى من تحت لفوق كل مامشى بالعربية بس أدورها تشتغل وتوصلنى بأمان ومتعة (غرز بقى وموتور شغال444546) ولا أن حد يقعد يكتب معلقات وقصائد فيها والاقيها مسروقة أو مخبوطة أو تعطل منى بسبب الحسد, وأكتشفت من حكاوى ناس كتير أن الحاجات دى بتحصل معاهم بصورة متكررة.

وأنا من الناس اللى بيحبوا نظام ال sleeper فى العربيات لو فاهم قصدى.

وشكرا لكل الرجالة الذوق اللى عبرونى لغاية دلوقتى.