مصر موتورز مجتمع السيارات - ارحموا السيراتو شوية؟

اقتباس:

المشاركة الأصلية كتبت بواسطة بدر بسيونى (المشاركة 154963)

اسمحولى اولا انا مش معايا سيراتو وانا لساجز النترا 2010 ومااستلمتاهش يعنى عربيتى مش سيراتو

مؤخرا فى المنتدى لاحظت ان السيراتو الشغل الشاغل لاعضاء كثير من المنتدى واللى بيشم واللى

بيقول انها عربية مقلب وسيئة وليه هو خلاص المجتمع المصرى لايوجد به الا الكيا السيراتو

والغريب ان فيه عربيات كتير اسوء وماحدش بيتكلم ومعظم المواضيع الجديدة بتتكلم عن السيراتو

انا مش فاهم العربية دى عاملة ايه عشان تسبب الجدل ده

ياجماعة العربية جميلة وشيك وقوية سواء اعجبك شكلها ولا لا دى من انتاج شركة عريقة كيا

مش شركة من اول امبارح

وبرضه بعض الناس بتتكلم عن العربية بتلف حولين نفسها وبتتقلب لوحدها مع كل احترامى لكل

الاشخاص بس هو مافيش لانسر ماعملتش حادثة واتقلبت ولافيرنا ده الواحد طول ماهو مسافر

زراعى او صحراوى يشوف فيرنا ولانسر كتير بس ده مش معناه ان العربية وحشة او مصممة غلط

الحوادث واردة دى المرسيدس والبى ام والجاجور بتعمل حوادث وده امر طبيعى واسمحولى مافيش

عربية ابتداء من البوجاتى فيرون ووصولا 126 مافيهاش عيوب لان الكمال لله وحده وفى كمان

نقطة برغم ان الفيرنا العربية الهيونداى فيرنا السيارة الاولى هى والانوس فهل معنى ده ان مافيش

عيوب لا طبعا فيهم بس الامور مابتتاخدش عيوب بس فى عيوب وميزات وكفة العيوب ولا الميزات

اللى بترجح وهو ده نجاح العربية

برجاء من الاخوة الاعضاء وقف حملة مكافحة السيراتو لان الموضوع اصبح رتيب للغاية والله

والله السيراتو عربية زى اى عربية فى الللى بيحبها واللى بيكرها بس اللى بيحصل ده حرب على

موديل بعينه وياجماعة اعضاء كتير معاهم العربية دى ومبسوطين بيها برضه

برجاء التوقف عن انتقاد السيراتو او لتنحدث كلام موضوعى وتقييم بجد مش مجرد انا بحب ولا

مابحبش واحنا لو اتكلمنا بجد حنلاقى ان العربية دى فعلا جميلة ومناسبة لسعرها

وشكرا

:010104~171::010104~171:: 010104~171::010104~171::0 10104~171: