رد: ايه رايكوا في اسبيرنزا m11
 

يا جماعة العربية دى واخدة 5 نجوم فى اختبار التصادم الصينى اينعم هو مش فى صرامة الاختبار الاو روبى بس الناس دى مش هتموت شعبها ثانيا موضوع الخامات ممكن تقولى قصدك ايه بسوءه ياعنى ما السيراتو خاماتها مش حلوة و الهيونداى خاماتة اجارك الله اما للامان فحدث ولا حرج مفيش فى مصر عربية تحت المائة امان اما ال m11 جاية ب abs بالاضافة للخمس نجوم اللى فوق
http://www.youtube.com/watch?v=0IYp3NCRZYw&
feature=related
نيجى نشوف عربية تانية فى نفس الاختبار kia sportage واخدة كام اربع نجوم و خشوا على موقع الاختبالر و شفوه بس ما تنسوش التلرجمة عشان صينى
انا مش بنحاز لعربية او لا بس بقول فى حاجة اسمها value of money يعنى دفعت كام و اخدت ايه فى المقابل مثلا بره الالنترا بتتقارن بالسيفيك . لازم تحط فى دماغك انك مش راكب مرسيدس او بى ام
انت ربنا رزقك بمبلغ معين عجبتك العربية صلى استخارة و اتكل على الله اكيد اكيد هاتريحك من قرف المواصلات ولا ايه

رد: ايه رايكوا في اسبيرنزا m11
 

تسلم ايدك يا باشا
انا كنت ناوي اقوله كده بس هو اشتري خلاص و ربنا يباركله فيها
و لكن الايام هتثبت كلامي بدون تعصب

رد: ايه رايكوا في اسبيرنزا m11
 

على أي أساس والناس معاها صيني بقالها اربع سنين ومرموهاش ولا حاجة إذا كان انا معايا فلاير صيني بـ 40 ألف بقالها سنتين ونص ولسة مرمتهاش في الزبالة ولا حاجة وسألت ناس كتير قالوا ان الاسبرانزا افضل بكتير بس حضرتك عارف يعني ايه تجيب عربية زيرو بالمبلغ ده وفيها تكييف وكاسيت يس دي وازاز كهرباء وسنتر وووووو......
وعلى فكرة انا لمدة سنتين ماصرفتش على العربية غير البنزين والصيانة الدورية فقط وغيرت تيل علشان اكون صادق وعملت حادثة صغيرة والتأمين هو اللي صلحها بس كدة

رد: ايه رايكوا في اسبيرنزا m11
 

رد: ايه رايكوا في اسبيرنزا m11
 

يا جماعة فى نقطة صغيرة بس علشان نستريح كلنا
مفيش داعى للإستمامتة فى الرأى
لازم نفتكر قول الإمام الشافعى إللى قال

رأيى صواب يحتمل الخطأ
و رأى غيرى خطأ و يحتمل الصواب

لازم لصاحب الرأى يسيب فرصة لغيرة
إنما المشكلة إن كل صاحب رأى بيبقى عايز يمسح التانى بالأستيكة
و جه عمره ما هيحصل