مصر موتورز مجتمع السيارات - كل ما تريد معرفته عن (شداد حوض الموتور Strut bar)

اقتباس:

المشاركة الأصلية كتبت بواسطة باغي الخير (المشاركة 923183)

أخي الفاضل بارك الله فيك وبك وزادك علما
موضوع متميز ومميز وعندي كذا استفسار
هل تعتقد ان هذه الشدادات ضرورية حتى للسيارات الجديدة , وبمعنى أخر لو هي ضرورية لأداء وزيادة عمر السيارة , فلماذا لم تصنع معها , فكل شركة تريد لسيارتها أعلى معدلات أمان وأطول عمر افتراضي ؟

كمان هل بالسوق متوفرة لكل أنواع السيارات , يعني أروح اقله عاوز شداد لنيسان صني 2008 , وكم أسعارها وأين أماكن بيعها ؟

معلش طولت عليك .

ما قدرش أقول إنها ضرورية و في نفس الوقت ماقدرش اقول إن مالهاش لازمة

و لكن الموضوع له اسباب ... أو ممكن نقول (وقت الحاجة إليها)
بمعني ان تلك الشدادات
قد يحتاجها السائق ذات القيادة الرياضية لمزيد من الثبات
قد يحتاجها بعض السيارات ذات الكارتيرات الضعيفة و الأكثر عرضة للشروخ و التصدعات و الكسور
قد يحتاجها بعض السيارات التي أعيدت ضبط شاسيها مثلا أو السيارات المعدلة مع مواتير قدرتها أكبر من مواتيرها الأصلية (تسقيط المواتير)

لها اسباب

أما لو كانت قيادتك للسيارة ليس بشكل رياضي (غرز مثلا و منحنيات صعبة علي طرق سريعة و غير ذلك) أو القيادة بسرعات عادية ...... ممكن نقول إنك لست بحاجة لتلك الشدادات و كذلك لو السيارة بموتورها الأصلي ... و شاسيها مضبوط

و الأمر متروك إختياري و ليس إجباري

:balloons71: :balloons71: :balloons71:
:GROWIN~12: :GROWIN~12: :GROWIN~12:

اقتباس:

المشاركة الأصلية كتبت بواسطة amr elsisi 1 (المشاركة 923213)

من اهم العربيات الي تعمل الموضوع دة يا ادهم الفيات
اوعي تقولي انت مش عملة عندك

أكيد طبعا يا عمرو باشا .... و خصوصا إن الشاسية عندي مش مضبوط و الكارتيرات عدي ضعيفة للأسف

اقتباس:

المشاركة الأصلية كتبت بواسطة رمزى البيلى (المشاركة 924793)

لو سمحت كنت عاوز مكان بيع هذة البارات ورقم التليفون ان امكن لانى عندى لانسر ميراج مو 98 وعاوز بارات امامية وخلفية شكرا على هذا الموضوع الرائع

لا أعرف مكان محدد
و لكن عليك بالبحث (التوفيقية - رمسيس) أو (شارع دمشق - روكسي) أو بتوع الأستيراد المتخصصين في تلك البارات (الحرفيين مثلا) أو (بورسعيد)

و لو لم تجد بسهولة ... مارأيك لو عملته عمولة .. علي الأقل هيبقي أوفر و أفضل من الجاهز

اقتباس:

المشاركة الأصلية كتبت بواسطة next123 (المشاركة 924803)

فعلا موضوع اكثر من رائع تسلم ايدك
ياريت تتم جميلك وتقولنا الموضوع ده يتكلف كام
انا معايا 128 ونفسى اعمل الموضوع ده
لك جزيل الشكر

تسلم يا باشا عالمشاركة

التكلفة أكيد هتبقي في رينج
30 جنيه شوية الحديد (فلانشتين و ماسورة محترمة)
و قول 30 أو 50 بالكتييييييييير أوي مصنعية الخراط أو السمكري .. لو طلع فناااااان يعني
و قول كمان 30 جنيه علبة إسبراي (نيكل كروم) محترمة ترش البار و تديله شكل محترم

و نصيحة للناس إللي هتعمل البار دة

لو ماتعرفش المقاس الصحيح مثلا
تروح الأول تضبط زوايا و تتأكد إن العربية مضبوطة
ثم يتم تفصيل البار (عمولة) و هي العربية واقفة علي ارض مستوية و ليس بميل مثلا أو في وضع خاطيء ... و يراعي عدم جنح الطارة و العجلتين الأماميين شرط يكونوا متوازيين معا بصورة صحيحة
حتي يتم التفصيل بطريقة صحيحة

:GROWIN~12: :balloons71: :GROWIN~12: :balloons71: :GROWIN~12: :balloons71: